୩ଟି ଡଲଫିନଙ୍କ ଜୀବନ ବଞ୍ଚାଇଲେ ତାମିଲନାଡୁର ମତ୍ସ୍ୟଜୀବୀ, IAS ଅଫିସର ସେୟାର କଲେ ଭିଡିଓ

ଭାରତୀୟ ପ୍ରଶାସନିକ ସେବା ଆଇଏଏସ୍ ଅଧିକାରୀ ସୁପ୍ରିୟା ସାହୁ ତାମିଲନାଡୁର ରାମନାଥପୁରମରେ ମତ୍ସ୍ୟଜୀବୀ ମାନଙ୍କର ଏକ ହୃଦୟସ୍ପର୍ଶୀ ଭିଡିଓ ସେୟାର କରିଛନ୍ତି । ଏହି ମତ୍ସ୍ୟଜୀବୀମାନେ ମାଛ ଧରିବା ସମୟରେ ଜାଲରେ ଫସିଯାଇଥିବା ଦୁଇଟି ବିରଳ ପ୍ରଜାତିର ଡଲଫିନକୁ ସମୁଦ୍ରକୁ ଛାଡିଛନ୍ତି ।

ଭାରତୀୟ ପ୍ରଶାସନିକ ସେବା ଆଇଏଏସ୍ ଅଧିକାରୀ ସୁପ୍ରିୟା ସାହୁ ତାମିଲନାଡୁର ରାମନାଥପୁରମରେ ମତ୍ସ୍ୟଜୀବୀ ମାନଙ୍କର ଏକ ହୃଦୟସ୍ପର୍ଶୀ ଭିଡିଓ ସେୟାର କରିଛନ୍ତି । ଏହି ମତ୍ସ୍ୟଜୀବୀମାନେ ମାଛ ଧରିବା ସମୟରେ ଜାଲରେ ଫସିଯାଇଥିବା ଦୁଇଟି ବିରଳ ପ୍ରଜାତିର ଡଲଫିନକୁ ସମୁଦ୍ରକୁ ଛାଡିଛନ୍ତି । ଭିଡିଓରେ, ମତ୍ସ୍ୟଜୀବୀମାନେ ଜାଲରୁ ଗୋଟିଏ ଡଲଫିନ୍ ଖୋଲୁଥିବାର ନଜର ଆସିଛନ୍ତି । ଥରେ ଏହି ମତ୍ସ୍ୟଜୀବୀମାନେ ଦୁଇଟି ଡଲଫିନକୁ ଜାଲରୁ ଖୋଲିବା ପରେ, ସେମାନେ ଶୀଘ୍ର ଏହାକୁ ପାଣିକୁ ନେଇଯାଉଛନ୍ତି ।

ପ୍ରଥମେ ଏହି ଡଲଫିନ୍ ପୁନର୍ବାର ପାଣିରେ ପହଁରିବାକୁ ଖୁବ ସଂଘର୍ଷ କରିଲା, କିନ୍ତୁ ମତ୍ସ୍ୟଜୀବୀଙ୍କ ସାହାଯ୍ୟରେ ଏହା ସମୁଦ୍ର ଭିତରକୁ ଚାଲିଯାଇଥିଲା । ଭିଡିଓ ସହିତ କ୍ୟାପସନରେ ଲେଖାଅଛି, “ତାମିଲନାଡୁ ବନ ବିଭାଗ ଏବଂ ସ୍ଥାନୀୟ ମତ୍ସ୍ୟଜୀବୀମାନେ ସଫଳତାର ସହ ଉଦ୍ଧାର କରି ରାମନାଥପୁରମ୍ ଜିଲ୍ଲାର କେଲକାରାଇ ରେଞ୍ଜରେ ଧରାଯାଇଥିବା ଦୁଇଟି ଡଲଫିନଙ୍କୁ ମୁକ୍ତ କରିଛନ୍ତି । ସମସ୍ତଙ୍କ ଯୋଗଦାନର ଏହା ମହାନ ଶକ୍ତି ଯାହାଦ୍ୱାରା ଏହି ଡଲଫିନ ଦୁଇଟି ସୁରକ୍ଷିତ ଭାବରେ ସମୁଦ୍ରକୁ ଯାଇପାରିଛନ୍ତି । ଆମେ ଏହି ପ୍ରକୃତ ହିରୋମାନଙ୍କୁ ସମ୍ମାନିତ କରିବୁ ଏବଂ ସେ ଏହି ମତ୍ସ୍ୟଜୀବୀମାନଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି ।

ନଭେମ୍ବର ୩୦ରେ IAS ସୁପ୍ରିୟା ସାହୁ ଏହି ଭିଡିଓ ନିଜ X ଆକାଉଣ୍ଟ ସେୟାର କରିଛନ୍ତି ଏବଂ ଏପର୍ଯ୍ୟନ୍ତ ଏହା ଟ୍ୱିଟରରେ ୩୬ ହଜାରରୁ ଅଧିକ ଥର ଦେଖାଯାଇଛି । ଏବଂ ଏଥିରେ ଲୋକମାନେ ଅନେକ ପ୍ରତିକ୍ରିୟା ମଧ୍ୟ ଦେଉଛନ୍ତି । ମତ୍ସ୍ୟଜୀବୀମାନଙ୍କୁ ସେମାନଙ୍କ ଦୟାଳୁ ଭାବନା ପାଇଁ ଲୋକମାନେ ଖୁବ ପ୍ରଶଂସା କରିଛନ୍ତି । ଏବେ ଏହି ଭିଡିଓ ସୋସିଆଲ ମିଡିଆରେ ଖୁବ ଭାଇରଲ ହେବାରେ ଲାଗିଛି । ଜଣେ ୟୁଜର ଲେଖିଛନ୍ତି, ଡଲଫିନଙ୍କୁ ଉଦ୍ଧାର କରି ସେମାନଙ୍କୁ ମୁକ୍ତ କରିଥିବାରୁ ଉଭୟ ଟିମକୁ ଅଭିନନ୍ଦନ । ଅନ୍ୟ ଜଣେ ୟୁଜର ମନ୍ତବ୍ୟ ଦେଇଛନ୍ତି, ବହୁତ ବଢିଆ, ଏହି ମତ୍ସ୍ୟଜୀବୀମାନଙ୍କୁ ପୁରସ୍କୃତ କରାଯିବା ଉଚିତ୍ । ତାମିଲନାଡୁର ମତ୍ସ୍ୟଜୀବୀମାନଙ୍କର ହୃଦୟ ଖୁବ ବିଶାଳ ।

ଅନେକ ୟୁଜର ଏହା ମଧ୍ୟ ପ୍ରକାଶ କରିଛନ୍ତି ଯେ ଏହା ମାଛକୁ ସମୁଦ୍ର ଭିତରକୁ ଟାଣିବା ଖୁବ ଭୟଙ୍କର ହୋଇପାରେ । କିନ୍ତୁ ଫରେଷ୍ଟ ଡିପାର୍ଟମେଣ୍ଟ ଦ୍ୱାରା ଏହାକୁ କିପରି ଠିକ୍ ଉପାୟରେ କରାଯିବ ତାହା ପାଇଁ ସେମାନଙ୍କୁ ତାଲିମ ମଧ୍ୟ ଦିଆଯିବା ଆବଶ୍ୟକ ।” ଅନ୍ୟ ଜଣେ ୟୁଜର ମନ୍ତବ୍ୟ ଦେଇଛନ୍ତି, “ଏଭଳି ଆଦୌ କରାଯିବା ଉଚିତ୍ ନୁହେଁ । ଏହାକୁ ଟାଣିବା ଦ୍ୱାରା ତାଙ୍କୁ ଆଘାତ ଲାଗିଥାଏ ଯାହା ପରେ ଡଲଫିନମାନେ ମରିଯାଇପାରନ୍ତି । ବନ ବିଭାଗ ଟିମ ସେମାନଙ୍କୁ ଅଲଗା କିଛି ନିର୍ଦ୍ଦେଶ କାହିଁକି ଦେଲେ ନାହିଁ?” ତେବେ ବର୍ତ୍ତମାନ ଏହି ଭିଡିଓ ସମସ୍ତଙ୍କ ଖୁବ ଧ୍ୟାନ ଆକର୍ଷଣ କରିଛି ।

Leave A Reply

Your email address will not be published.