ଏହି ଦୁର୍ଗର ପାଚେରୀକୁ କୁହାଯାଏ ‘ଗ୍ରେଟ୍ ୱାଲ୍ ଅଫ୍ ଇଣ୍ଡିଆ’! ଜାଣନ୍ତୁ ଏହାର ଇତିହାସ
ରାଜସ୍ଥାନ, ରାଜା ଏବଂ ମହାରାଜାଙ୍କ ରାଜ୍ୟ ତେଣୁ ଏଠାରେ ଅନେକ ଦୁର୍ଗ ଏବଂ ପ୍ରାସାଦ ଅଛି, ଯାହା ଏହି ସ୍ଥାନର ଗୌରବକୁ ବଢାଇଥାଏ । ଏହି ଦୁର୍ଗଗୁଡ଼ିକ ମଧ୍ୟରୁ ଗୋଟିଏ ହେଉଛି କୁମ୍ବଲଗଡ ଦୁର୍ଗ । ବିଶେଷ କଥା ହେଉଛି ଏହି ଦୁର୍ଗର ପାଚେରୀକୁ ଗ୍ରେଟ୍ ୱାଲ୍ ଅଫ୍ ଇଣ୍ଡିଆ କୁହାଯାଏ । ତେବେ ଆସନ୍ତୁ ଜାଣିବା ଏହାର ଇତିହାସ ବିଷୟରେ...
ଭାରତର ପଶ୍ଚିମ ଭାଗରେ ଅବସ୍ଥିତ ରାଜସ୍ଥାନ ଏହାର ସୌନ୍ଦର୍ଯ୍ୟ, ସଂସ୍କୃତି ଏବଂ ପରମ୍ପରା ପାଇଁ ସାରା ବିଶ୍ୱରେ ଜଣାଶୁଣା । ଏଠାରେ ଏପରି ଅନେକ ସ୍ଥାନ ଅଛି ଯାହାକୁ ଦେଖିବା ପାଇଁ ବିଦେଶରୁ ମଧ୍ୟ ଲୋକ ଆସନ୍ତି । ରାଜସ୍ଥାନ, ରାଜା ଏବଂ ମହାରାଜାଙ୍କ ରାଜ୍ୟ ତେଣୁ ଏଠାରେ ଅନେକ ଦୁର୍ଗ ଏବଂ ପ୍ରାସାଦ ଅଛି, ଯାହା ଏହି ସ୍ଥାନର ଗୌରବକୁ ବଢାଇଥାଏ । ଏହି ଦୁର୍ଗଗୁଡ଼ିକ ମଧ୍ୟରୁ ଗୋଟିଏ ହେଉଛି କୁମ୍ବଲଗଡ ଦୁର୍ଗ । ଲୋକମାନେ ଏହାର ସୌନ୍ଦର୍ଯ୍ୟ ଦେଖିବା ପାଇଁ ଦୂରଦୂରାନ୍ତରୁ ଆସନ୍ତି ।
ଏହି ଦୁର୍ଗ ଦେଖିବାକୁ ଯେତିକି ଚମତ୍କାର, ଏହାର ଇତିହାସ ମଧ୍ୟ ସେହିଭଳି । ବିଶେଷ କଥା ହେଉଛି ଏହି ଦୁର୍ଗର ପାଚେରୀକୁ ଗ୍ରେଟ୍ ୱାଲ୍ ଅଫ୍ ଇଣ୍ଡିଆ କୁହାଯାଏ । ଏହି ଦୁର୍ଗ ରାଜସ୍ଥାନର ରାଜସମନ୍ଦରେ ଅବସ୍ଥିତ । ରାଜସ୍ଥାନର କୁମ୍ବଲଗଡ ଦୁର୍ଗ ଏହାର ବିଶାଳ ପ୍ରାଚୀର ପାଇଁ ବେଶ ଜଣାଶୁଣା । ଏହି ଦୁର୍ଗର କାନ୍ଥ ୩୬ କିଲୋମିଟର ଲମ୍ବ, ଯାହା ଚାଇନାର ଗ୍ରେଟ୍ ୱାଲ୍ ପରେ ଦୁନିଆର ଦ୍ୱିତୀୟ ଲମ୍ବା ୱାଲ୍ । ଏହି କାରଣରୁ ଏହି ଦୁର୍ଗର ପ୍ରାଚୀର ଭାରତର ଦୀର୍ଘତମ ପ୍ରାଚୀର ଭାବରେ ମଧ୍ୟ ଜଣାଶୁଣା ।
ଉଦୟପୁର ଠାରୁ ଏହି ଦୁର୍ଗର ଦୂରତା ପ୍ରାୟ ୮୪ କିଲୋମିଟର । ଏହି ଦୁର୍ଗକୁ ପଞ୍ଚଦଶ ଶତାବ୍ଦୀରେ ମେୱାର ଶାସକ ରାଣା କୁମ୍ବା ନିର୍ମାଣ କରିଥିଲେ । ଏହି ଦୁର୍ଗକୁ ଯିବା ଆଦୌ ସହଜ ନଥିଲା । ଏଥିରେ ପ୍ରବେଶ କରିବା ପାଇଁ ୭ ଟି କବାଟ ତିଆରି କରାଯାଇଥିଲା । ସେମାନଙ୍କ ନାମ ହେଉଛି ଅରେଟ ପୋଲ, ହନୁମାନ ପୋଲ, ରାମ ପୋଲ, ବିଜୟ ପୋଲ, ନିମ୍ବୁ ପୋଲ, ପାଘରା ପୋଲ ଏବଂ ଟପ୍ ଖାନା ପୋଲ ।
ବିଶେଷ କଥା ହେଉଛି ଏହି ଦୁର୍ଗ ଏଠାକାର ସର୍ବୋଚ୍ଚ ସ୍ଥାନରେ ଅବସ୍ଥିତ । ଏହି ଦୁର୍ଗରେ ୩୬୦ ରୁ ଅଧିକ ମନ୍ଦିର ଅଛି । ଏଥିମଧ୍ୟରୁ ସବୁଠାରୁ ପ୍ରସିଦ୍ଧ ହେଉଛି ଲକ୍ଷ୍ମୀ ନାରାୟଣ ମନ୍ଦିର । କୁମ୍ଭଲଗଡ ଦୁର୍ଗ ଭାରତର ସବୁଠାରୁ ଅଭେଦ୍ୟ ଦୁର୍ଗ ମଧ୍ୟରେ ଗଣାଯାଏ । ୨୦୧୩ ମସିହାରେ କୁମ୍ବଲଗଡ ଦୁର୍ଗକୁ ୟୁନେସ୍କୋ ବିଶ୍ୱଐତିହ୍ୟ ସ୍ଥାନ ଭାବରେ ମନୋନୀତ କରାଯାଇଥିଲା । ଏହି ଦୁର୍ଗ ଦେଖିବାକୁ ଦେଶ ତଥା ବିଦେଶରୁ ଲୋକମାନେ ଆସିଥାନ୍ତି ।
