ମୁଁ ନିଶ୍ଚିତ ଅଯୋଧ୍ୟା ଯିବି, ଯାହାର ଯାହା କରିବାର ଅଛି କରନ୍ତୁ :ହରଭଜନ ସିଂ
ହରଭଜନ ସିଂ କହିଛନ୍ତି, ପାର୍ଟି ତରଫରୁ କିଏ ଯାଉ କି ନ ଯାଉ ମୁଁ ନିଶ୍ଚିତ ଭାବେ ଯିବି । ଏହା ଆମ ପାଇଁ ସୌଭାଗ୍ୟର କଥା । ଆମ ସମୟ ମନ୍ଦିର ତିଆରି ହୋଇଛି ଆଉ ଆମେ ସମସ୍ତେ ଯାଇ ଆଶୀର୍ବାଦ ନେବା ଜରୁରୀ ।
ଜାନୁଆରୀ ୨୨ ରେ ହେବାକୁ ଥିବା ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ସମସ୍ତେ ଉତ୍ସାହିତ ରହିଛନ୍ତି । ଏହା ମଧ୍ୟରେ ଆମ ଆଦମୀ ପାର୍ଟିର ରାଜ୍ୟସଭା ସାଂସଦ ତଥା ପୂର୍ବତନ କ୍ରିକେଟର ହରଭଜନ ସିଂ ପ୍ରାଣ ପ୍ରତିଷ୍ଠା ସମାରୋହରେ ନିଶ୍ଚିତ ଯୋଗେ ଦେବେ ବୋଲି କହିଛନ୍ତି । ସେ କହିଛନ୍ତି, ପାର୍ଟି ତରଫରୁ କିଏ ଯାଉ କି ନ ଯାଉ ମୁଁ ନିଶ୍ଚିତ ଭାବେ ଯିବି । ଏହା ଆମ ପାଇଁ ସୌଭାଗ୍ୟର କଥା । ଆମ ସମୟ ମନ୍ଦିର ତିଆରି ହୋଇଛି ଆଉ ଆମେ ସମସ୍ତେ ଯାଇ ଆଶୀର୍ବାଦ ନେବା ଜରୁରୀ ।
ସେ ଆହୁରି କହିଥିଲେ, ଯଦି କାହାକୁ ମୋର ରାମ ମନ୍ଦିରକୁ ଯିବାରେ କୌଣସି ଅସୁବିଧା ଅଛି, ତେବେ ସେମାନଙ୍କର ଯାହା କରିବାର ଅଛି କରନ୍ତୁ । ମୁଁ ନିଶ୍ଚିତ ଭାବେ ଯିବି ।’ଜାନୁଆରୀ ୨୨ ରେ ଅଯୋଧ୍ୟାରେ ଆୟୋଜିତ ଶ୍ରୀ ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି ହରଭଜନ ସିଂ ।
#WATCH | On opposition parties declining invitation to Ayodhya Ram Temple ‘Pran Pratishtha’ ceremony, former Cricketer and Rajya Sabha MP Harbhajan Singh says, ” It is our good fortune that this temple is being built at this time, so we all should go and get the blessings.… pic.twitter.com/YUAplDGMNk
— ANI (@ANI) January 19, 2024
ହରଭଜନ କହିଛନ୍ତି, ଜାନୁୟାରୀ ୨୨ ରେ ମୁଁ ଚାହୁଁଛି କି, ଏହି କାର୍ଯ୍ୟକ୍ରମରେ ଯୋଗଦେବାକୁ ଅଧିକ ଲୋକ ଯୋଡି ହୁଅନ୍ତ । ଟିଭି ମାଧ୍ୟମରେ ହେଉ କିମ୍ବା ସେଠାକୁ ଯାଇ ଲୋକମାନେ ରାମଲାଲାର ଆଶୀର୍ବାଦ ନେବା ଉଚିତ କାରଣ ଏହା ଏକ ଐତିହାସିକ ଦିନ । ଭଗବାନ ରାମ ସମସ୍ତଙ୍କର ଏବଂ ତାଙ୍କ ଜନ୍ମସ୍ଥାନରେ ଏକ ମନ୍ଦିର ନିର୍ମାଣ କରାଯାଉଛି । ଏହା ଏକ ବଡ କଥା । ମୁଁ ନିଶ୍ଚିତ ଭାବେ ଅଯୋଧ୍ୟାକୁ ଯିବି । ମୁଁ ଜଣେ ଅତି ଧାର୍ମିକ ବ୍ୟକ୍ତି । ମୁଁ ପ୍ରତ୍ୟେକ ମନ୍ଦିର, ମସଜିଦ ଏବଂ ଗୁରୁଦ୍ୱାରରେ ପ୍ରାର୍ଥନା କରେ ।’
ଆମ ଆଦମୀ ପାର୍ଟିର ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ମଧ୍ୟ ପ୍ରାଣ ପ୍ରତିଷ୍ଠା ନିମନ୍ତ୍ରଣ ପତ୍ର ପଠାଯାଇଥିଲା । କିନ୍ତୁ କେଜ୍ରିଓ୍ଵାଲ ୨୨ ଜାନୁଆରୀ ନୁହେଁ ପରେ ସଂପୂର୍ଣ୍ଣ ପରିବାର ସହିତ ଅଯୋଧ୍ୟା ଯିବେ ବୋଲି କହିଛନ୍ତି ।