ପାକିସ୍ତାନ କ୍ରିକେଟ ବୋର୍ଡ ମୁଣ୍ଡ କାମ କରୁନି, ପ୍ରଥମ ଇମ୍ରାନ ଏବଂ ପରେ ଓ୍ଵାସିମ ଆକ୍ରମଙ୍କୁ ଭିଡିଓରୁ ହଟାଇଲା
୭୭ତମ ସ୍ବାଧୀନତା ଦିବସ ଅବସରରେ ପାକିସ୍ତାନର କ୍ରିକେଟ୍ ଇତିହାସକୁ ନେଇ ଏକ ଭିଡିଓ ଜାରି କରିଥିଲା ପିସିବି । ହେଲେ ଏଥିରେ ପୂର୍ବତନ ଅଧିନାୟକ ଇମ୍ରାନ ଖାନଙ୍କୁ ସାମିଲ କରିନଥିଲା । ଭିଡିଓ ଭାଇରଲ ହେବା ପରେ ଫ୍ୟାନ୍ସଙ୍କ ସହିତ ଓ୍ଵାସିମ ଆକ୍ରମ ମଧ୍ୟ ନିନ୍ଦା କରିଥିଲେ । ପରେ ପାକିସ୍ତାନ ଓ୍ଵାସିମ ଆକ୍ରମଙ୍କୁ ମଧ୍ୟ ଭିଡିଓରୁ ହଟାଇଦେଲା ।
ସ୍ବାଧୀନତା ଦିବସରେ ନିଜ ପୂର୍ବତନ ଅଧିନାୟକଙ୍କୁ ଭୁଲିଗଲା ପାକିସ୍ତାନ କ୍ରିକେଟ ବୋର୍ଡ । ୧୯୯୨ ବିଶ୍ବକପ ଜିତାଇଥିବା ନିଜ କ୍ୟାପଟେନ ଇମ୍ରାନ ଖାନଙ୍କୁ ପାସୋରିଦେଲା । ନିକଟରେ ନିଜ ୭୭ତମ ସ୍ବାଧୀନତା ଦିବସ ଅବସରରେ ପାକିସ୍ତାନର କ୍ରିକେଟ୍ ଇତିହାସକୁ ନେଇ ଏକ ଭିଡିଓ ଜାରି କରିଥିଲା ପିସିବି । ଯେଉଁଠି ପୂର୍ବତନ ଅଧିନାୟକ ତଥା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ସାମିଲ କରାଯାଇନାହିଁ । ଭିଡିଓଟି ଭାଇରଲ ହେବା ପରେ କ୍ରିକେଟ ପ୍ରେମୀ ନାପସନ୍ଦ କରିଥିଲେ । ଏହାକୁ ନେଇ ଅନେକ ଆଲୋଚନା ହୋଇଥିଲା । ଆଉ ଏହାପରେ ପିସିବି ଏହାକୁ ଡିଲିଟ କରିଥିଲା ।
୧୯୯୨ରେ ଇମ୍ରାନଙ୍କ କ୍ୟାପଟେନସିପରେ ବିଶ୍ବକପ ଜିତିଥିଲା ପାକିସ୍ତାନ କ୍ରିକେଟ ଦଳ । ୨ମିନିଟ ୨୧ ସେକେଣ୍ଡର ଏହି ଭିଡିଓରେ ୧୯୫୨ରେ ପାକିସ୍ତାନର କ୍ରିକେଟ ଡେବ୍ୟୁ ଠାରୁ ୧୯୯୨ରେ ବିଶ୍ବକପ ବିଜୟ ଓ ୨୦୨୨ ଟି-୨୦ ବିଶ୍ବକପ ଫାଇନାଲ ପର୍ଯ୍ୟନ୍ତ କାହାଣୀକୁ ଦର୍ଶାଯାଇଛି । ଭିଡିଓରେ କ୍ୟାପସନ ଦିଆଯାଇଛି ଇତିହାସ ରଚିବା କେବଳ ଗୋଟିଏ ଦିନର ଖେଳ ନୁହେଁ । ସୋସିଆଲ୍ ମିଡିଆରେ ଏହି ଭିଡିଓକୁ ନାପସନ୍ଦ କରିଛନ୍ତି କ୍ରିକେଟ୍ ପ୍ରେମୀ ।
ବୁଧବାର ଟ୍ବିଟରରେ ଟ୍ରେଣ୍ଡ କରିଥିଲା #shameOnPCB । ୟୁଜର୍ସ ପାକିସ୍ତାନ କ୍ରିକେଟ ବୋର୍ଡକୁ ଜୋରଦାର ଟ୍ରୋଲ କରିଛନ୍ତି । ପିସିବିର ପୂର୍ବତନ ଅଧ୍ୟକ୍ଷ ଖାଲିଦ ମେହମୁଦ କହିଛନ୍ତି ପାକିସ୍ତାନ କ୍ରିକେଟରେ ଇମ୍ରାନଙ୍କ ଅବଦାନକୁ ଅଣଦେଖା କରାଯାଇପାରିବ ନାହିଁ । ଏହାକୁ ରାଜନୈତିକ ଦୃଷ୍ଟିରେ ଦେଖବା ଅନୁଚିତ । ତୋଷଖାନା ମାମଲାରେ ଦୋଷୀ ସାବ୍ୟସ୍ତ ହେବା ପରେ ଏବେ ଜେଲରେ ଅଛନ୍ତି ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ।
The PCB has launched a promotional campaign leading up to the CWC 2023. One of the videos was uploaded on 14th August 2023. Due to its length, the video was abridged and some important clips were missing. This has been rectified in the complete version of the video ⤵️ pic.twitter.com/Rz2OBDyI9i
— Pakistan Cricket (@TheRealPCB) August 16, 2023
ତେବେ ଏହି ଭିଡିଓକୁ ଦେଖି ଆଶ୍ଚର୍ଯ୍ୟ ହୋଇଥିଲେ ପୂର୍ବତନ ବୋଲର ଓ୍ଵାସିମ ଆକ୍ରମ । ସେ ପିସିବିକୁ ଟ୍ଵିଟରରେ କ୍ଷମା ମାଗିବା ପାଇଁ କହିଥିଲେ । ପିସିବି ଏହା ପରେ ନୂଆ ଭିଡିଓ ପୋଷ୍ଟରୁ ଓ୍ଵାସିମ ଆକ୍ରମକୁ ଗାଏବ କରିଦେଇଛି । ପୂର୍ବରୁ ଏହି ଭିଡିଓରେ ଓ୍ଵାସିମ ଆକ୍ରମ ରହିଥିବା ବେଳେ ଏବେ ପୋଷ୍ଟ ହୋଇଥିବା ଭିଡିଓରେ ନାହାନ୍ତି । ଭିଡିଓରେ ଓ୍ଵାସିମ ଆକ୍ରମଙ୍କୁ ନ ଦେଖି ଫ୍ୟାନ୍ସ ପୁଣି ନିରାଶ ହୋଇଛନ୍ତି ।
After long flights and hours of transit before reaching Sri Lanka, I got the shock of my life when I watched PCB’s short clip on the history of Pakistan cricket minus the great Imran Khan… political differences apart but Imran Khan is an icon of world cricket and developed…
— Wasim Akram (@wasimakramlive) August 16, 2023