କଲମ୍ବୋ : ପ୍ରେମଦାସା ଷ୍ଟାଡିୟମରେ ଆରମ୍ଭ ହୋଇଯାଇଛି ଭାରତ ଓ ଶ୍ରୀଲଙ୍କା ମଧ୍ୟରେ ଦ୍ୱିତୀୟ ଟି-୨୦ ମ୍ୟାଚ୍ । ଶ୍ରୀଲଙ୍କା ଟସ୍ ଜିତି ପ୍ରଥମେ ବୋଲିଂ କରୁଛି । ଭାରତ ପକ୍ଷରୁ ଅଧିନାୟକ ଶିଖର ଧବନ ଏବଂ ଋତୁରାଜ ଗାଏକ୍ୱାଡ଼ ପାଳି ଆାରମ୍ଭ କରିଛନ୍ତି । ଭାରତୀୟ ଦଳ ୭ ଓଭର ସୁଦ୍ଧା ଗୋଟିଏ ଓ୍ଵିକେଟ୍ ହରାଇ ୪୯ ରନ୍ ସଂଗ୍ରହ କରିଛି । ଋତୁରାଜ ୧୮ ବଲ୍ରେ ୨୧ ରନ୍ କରି ଆଉଟ୍ ହୋଇଛନ୍ତି ।
ଏହି ମ୍ୟାଚ୍ରେ ଭାରତ ପକ୍ଷରୁ ୪ ଜଣ ଖେଳାଳି ନିଜର ପ୍ରଥମ ମ୍ୟାଚ୍ ଖେଳିବାର ସୁଯୋଗ ପାଇଛନ୍ତି । ସେମାନେ ହେଲେ ଓପ୍ନର ଋତୁରାଜ ଗାଏକ୍ୱାଡ଼, ଦେବଦତ୍ତ ପଡ଼ିକଲ, ଚେତନ ସାକାରିଆ ଓ ନୀତିଶ ରାଣା ।
ଗତକାଲି ଏହି ମ୍ୟାଚ୍ ଖେଳାଯିବାର ଥିଲା । ତେବେ ଭାରତୀୟ ଅଲରାଉଣ୍ଡର କ୍ରୁନାଲ ପାଣ୍ଡ୍ୟା କୋଭିଡ୍ ପଜିଟିଭ ଚିହ୍ନଟ ହେବା ଯୋଗୁଁ ମ୍ୟାଚ୍୍କୁ ଆଜି ପାଇଁ ସ୍ଥଗିତ ରଖା ଯାଇଥିଲା । ଅନ୍ୟ ଖେଳାଳିମାନଙ୍କର ଯାଞ୍ଚ ପରେ ମ୍ୟାଚ୍ କରିବାକୁ ସ୍ଥିର ହୋଇଥିଲା ।