ପଡ଼ିଆରେ ଥିବା ବେଳେ ଧୋନିଙ୍କର ଫ୍ୟାନ୍ ଫଲୋୟର୍ସଙ୍କ ସଂଖ୍ୟା ଯେତିକି ଥିଲା, କ୍ରିକେଟ୍ ଛାଡ଼ିବା ପରେ ମଧ୍ୟ ସେତିକି ରହିଛି। ଏବେ ବି ଦର୍ଶକ ଧୋନି ଓ ତାଙ୍କ ପରିବାର ସମ୍ପର୍କରେ ଜାଣିବାକୁ ଇଚ୍ଛୁକ। ଇତି ମଧ୍ୟରେ ଧୋନିଙ୍କ ପତ୍ନୀ ସାକ୍ଷୀଙ୍କର ଏକ ଟ୍ଵିଟ୍ ତାଙ୍କୁ ଆଲୋଚନା ପରିସରକୁ ଟାଣିନେଇଛି। ସାକ୍ଷୀ ଟ୍ଵିଟ୍ କରି ବିଜୁଳିକାଟ୍ ଯୋଗୁଁ ବିରକ୍ତ ହୋଇପଡ଼ିଥିବା କହିଛନ୍ତି।
#ranchi pic.twitter.com/OgzMHoU9OK
— Sakshi Singh 🇮🇳❤️ (@SaakshiSRawat) September 19, 2019
ସେ ଲେଖିଛନ୍ତି ଯେ ‘‘ରାଞ୍ଚିରେ ପ୍ରତିଦିନ ୪ରୁ ୭ଘଣ୍ଟା ପର୍ଯ୍ୟନ୍ତ ପାଓ୍ଵାରକଟ୍ ହେଉଛି। ଆଜି ମଧ୍ୟ ୫ ଘଣ୍ଟା ହେଲା ଏଠାରେ ଲାଇନ୍ ନାହିଁ। ଏବେ ପାଗ ଭଲ ଥିବା ବେଳେ କୌଣସି ପୂଜାପାର୍ବଣ ମଧ୍ୟ ନାହିଁ। ଆଶା କରୁଛି ବିଭାଗୀୟ କର୍ତ୍ତୃପକ୍ଷ ଏ ନେଇ ଦୃଷ୍ଟି ଦେବେ।’’
ଏହାସହ ପଢ଼ନ୍ତୁ: ମାତ୍ର ୪୦୦ ଟଙ୍କା ଦିଅନ୍ତୁ, ଚାଲାଣରୁ ମୁକ୍ତି ପାଆନ୍ତୁ; ଶୁଣନ୍ତୁ ଖୋଦ୍ ପୋଲିସବାବୁଙ୍କ ମୁହଁରୁ
ଗୁରୁବାର ଅପରାହ୍ନ ୪ଟା ବେଳେ ସାକ୍ଷୀ ଏହି ଟ୍ଵିଟ୍ କରିଥିବା ବେଳେ ଏବେ ପର୍ଯ୍ୟନ୍ତ ୨ ହଜାରରୁ ଅଧିକ ଲୋକ ଏହାକୁ ଲାଇକ୍ ଓ ୫୦୦ରୁ ଊର୍ଦ୍ଧ୍ୱ ରିଟ୍ଵିଟ୍ କରିଛନ୍ତି। କିଛି ୟୁଜର୍ସ ଏଥିରେ କମେଣ୍ଟ ଦେଇ କହିଛନ୍ତି ଯେ, ଆମ ନେତା ରାକ୍ଷୀ ଭାବିଙ୍କ ଭଳି ହେବା ଦରକାର। ସେହିପରି କିଛି ୟୁଜର୍ସ ଧୋନିଙ୍କୁ ନେଇ ମଜାଳିଆ ଫଟୋ ପୋଷ୍ଟ କରିଥିଲେ।