ଧୋନିଙ୍କ ସମକକ୍ଷ କେହି ବି ହୋଇପାରିବେ ନାହିଁ : ରୋହିତ ଶର୍ମା
ଚଳିତ ବର୍ଷର ଆଇପିଏଲ ମ୍ୟାଚ ଆସନ୍ତା ସେପ୍ଟେମ୍ବରରୁ ଆରମ୍ଭ ହେବା ନେଇ ସ୍ଥିର ହୋଇଯାଇଛ । ବର୍ତ୍ତମାନ ସମୟରେ ଜାରି ରହିଥିବା କୋଭିଡ ମହାମାରୀ କାରଣରୁ ଖେଳାଳି ମାନେ ଦୀର୍ଘ ଦିନ ହେବ ମୈଦାନକୁ ଓଲ୍ହାଇ ନାହାନ୍ତି । କିନ୍ତୁ ସୋସିଆଲ ମିଡ଼ିଆ ଜରିଆରେ ନିଜ ନିଜ ଫ୍ୟାନ୍ସ ମାନଙ୍କ ସହ ସମ୍ପର୍କ ଯୋଡିବା କମ କରିନାହାନ୍ତି । ରବିବାର ଫ୍ରେନ୍ଡସିପ ଡ଼େ ଅବସରରେ କ୍ରିକେଟର ତଥା ବ୍ୟାଟ୍ସମ୍ୟାନ ରୋହିତ ଶର୍ମା ଟ୍ୱିଟର ଜରିଆରେ ନିଜ ଫ୍ୟାନ୍ସ ମାନଙ୍କ ସହ ଏକ ଖାସ ଅନ୍ଦାଜରେ ଫ୍ରେଣ୍ଡସିପ ଡେ ସେଲିବ୍ରେଟ କରିଛନ୍ତି । ରୋହିତ ନିଜ ଫ୍ୟାନ୍ସଙ୍କ ସହ ଏକ “ପ୍ରଶ୍ନ ଉତ୍ତର ସେସନ” କରିଥିଲେ । ଏହି ସମୟରେ ସେ ଫ୍ୟାନ୍ସ ମାନେ ପଚାରୁ ଥିବା ପ୍ରଶ୍ନ ଗୁଡିକର ଉତ୍ତର ଟ୍ୱିଟର ଆକାଉଣ୍ଟରେ ଭିଡିଓ ମାଧ୍ୟମରେ ଦେଉଥିଲେ । ଏଭିତରେ ଧୋନିଙ୍କୁ ନେଇ ଏକ ପ୍ରଶ୍ନ ପଚରା ଯାଇଥିଲା । ଏହି ପ୍ରଶ୍ନର ଉତ୍ତରରେ ରୋହିତ କହିଥିଲେକି, ଏମଏସ ଧୋନିଙ୍କ ପରି ହେବା କେବଳ ଖାଲି ଯେ କଠିନ ତାହା ନୁହେଁ, ଏକ ପ୍ରକାର ଅସମ୍ଭବ ।
Q: #askRo The next destination you will visit?@ImRo45
– @GuinPiyali— Rohit Sharma (@ImRo45) August 2, 2020
କିଛି ଦିନ ତଳେ ହିଁ ଟିମ ଇଣ୍ଡିଆର ସିନିୟର ବ୍ୟାଟ୍ସମ୍ୟାନ ସୁରେଶ ରାଇନା ରୋହିତଙ୍କ କ୍ୟାପଟେନସିପର ତୁଳନା ଏମଏସ ଧୋନିଙ୍କ ସହ କରିଥିଲେ । ଏହି କରଣରୁ ହିଁ ଫ୍ୟାନ୍ସ ମାନେ ରୋହିତଙ୍କୁ ପ୍ରଶ୍ନ କରିଥିଲେକି, ଆପଣଙ୍କ କ୍ୟାପଟେନ ସିପରେ ଏମିତି କଣ ଖାସ ଅନ୍ଦାଜ ଅଛି ଯେ, ଯାହାର ତୁଳନା ଏମଏସ ଧୋନିଙ୍କ ସହ କରାଯାଉଛି । ଏହାର ଜବାବରେ ରୋହିତ କହିଥିଲେକି, ହଁ ମୁଁ ସୁରେଶ ରୈନାଙ୍କ ଏହି କମେଣ୍ଟ ବାବଦରେ ଶୁଣିଥିଲି । କିନ୍ତୁ ଏମଏସ ଧୋନି ହେଉଛନ୍ତି ଜଣେ ଭିନ୍ନ ଧରଣର ଖେଳାଳି । ତାଙ୍କ ପରି ଆଉ କେହି ବି ହୋଇପାରିବେ ନାହିଁ । ମୋ ମତରେ ଦୁଇ ଜଣ ଖେଳାଳିଙ୍କ ମଧ୍ୟରେ ଏପରି ତୁଳନା ଆଦୌ କରାଯିବା ଉଚିତ ନୁହେଁ । ପ୍ରତି ବ୍ୟକ୍ତିଙ୍କର ନିଜ ନିଜର ଏକ ସ୍ପେଶାଲ ଅନ୍ଦାଜ ରହିଛି । କହିରଖିବା ଉଚିତ ରୋହିତ ହେଉଛନ୍ତି ଆଇପିଏଲର ସବୁଠୁ ସଫଳ ଖେଳାଳି । ତାଙ୍କ କ୍ୟାପଟେନ ସିପରେ ହିଁ ମୁମ୍ବାଇ ଇଂଡିଆନ୍ସ ଚାରି ଚାରି ଥର ଆଇପିଏଲ ଜିତିଛି ।
