ଟିମ୍ ଇଣ୍ଡିଆର ଖେଳାଳି ପୃଥ୍ଵୀ ଶ’ଙ୍କ କାରକୁ ଆକ୍ରମଣ, ସେଲଫି ନେବାକୁ ମନା କରିବାରୁ ଆକ୍ରମଣ ହୋଇଥିବା ସୂଚନା
ସେଲଫି ନେବାକୁ ମନା କରିଦେଲେ ଟିମ୍ ଇଣ୍ଡିଆର ଖେଳାଳି ପୃଥ୍ଵୀ ଶ’ । ମୁମ୍ବାଇରେ କାରରେ ନିଜ ସାଙ୍ଗ ସହିତ ବସିଥିବା ବେଳେ ଆକ୍ରମଣ କଲେ ଲୋକେ । ବାରମ୍ବାର ସେଲଫି ନେବାକୁ କହୁଥିଲେ ଲୋକେ । ମନା କରିବାରୁ ରାଗରେ ଆକ୍ରମଣ କରିଥିବା ସୂଚନା ମିଳିଛି ।
ଟିମ୍ ଇଣ୍ଡିଆର ଖେଳାଳି ପୃଥ୍ଵୀ ଶ’ଙ୍କ ଉପରେ ଆକ୍ରମଣ । ପୃଥ୍ଵୀଙ୍କ କାରକୁ ମୁମ୍ବାଇରେ ଆକ୍ରମଣ ହୋଇଛି । ଆକ୍ରମଣ ସମୟରେ କାରରେ ପୃଥ୍ଵୀ ଶ’ ଏବଂ ତାଙ୍କର ଜଣେ ସାଙ୍ଗ କାରରେ ବସିଥିଲେ । ସେଲଫି ନେବା ପାଇଁ କିଛି ଲୋକ ତାଙ୍କୁ କହିଥିଲେ । ସେ ମନା କରିବାରୁ ତାଙ୍କ ଉପରେ ଆକ୍ରମଣ କରିଥିଲେ । ପାଖାପାଖି ୮ ଜଣ ଲୋକେ ତାଙ୍କ ଉପରେ ଆକ୍ରମଣ କରିଥିବା ଖବର ମିଳିଛି ।
ତେବେ ପୋଲିସ ଏହି ଆକ୍ରମଣକୁ ନେଇ ମାମଲା ରୁଜୁ କରିଛି । ଆରୋପୀଙ୍କ ବିରୋଦରେ ଆଇପିସି ଧାରା ୧୪୩, ୧୪୮, ୧୪୯, ୩୮୪, ୪୨୭, ୫୦୪ ଏବଂ ୫୦୬ ଅଧିନରେ କେସ୍ ଦାଏର ହୋଇଛି । ତେବେ ଘଟଣା ବୁଧବାର ଦିନ ସନ୍ଧ୍ୟା ୪ ଟା ସମୟରେ ଘଟିଥିବା ଜଣାପଡିଛି । ଆକ୍ରମଣ କରିଥିବା ବ୍ୟକ୍ତିଙ୍କୁ ପୋଲିସ ଖୋଜୁଛି । ପୋଲିସ ଏମାନଙ୍କୁ ଧରିବା ପାଇଁ ଏକ ଟିମ୍ ଗଠନ କରିଛି।
Oshiwara Police has registered a case against 8 persons over an alleged attack on the car of a friend of Indian cricketer Prithvi Shaw after Shaw refused to take a selife for the second time with two people: Mumbai Police
— ANI (@ANI) February 16, 2023
ସୂଚନାଯୋଗ୍ୟ, ଟିମ୍ ଇଣ୍ଡିଆରୁ କିଛି ଦିନ ପାଇଁ ଦୂରେଇଥିବା ପୃଥ୍ଵୀ ଶ’ ଭାଲେଣ୍ଟାଇନ୍ସ ଦିବସ ଅବସରରେ ଖୁବ୍ ଟ୍ରୋଲର ଶିକାର ହୋଇଥିଲେ। ତାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା, ଯେଉଁଥିରେ ସେ ନିଧି ରବି ତପଡିଆଙ୍କ ସହ ନଜର ଆସିଥିଲେ। ଉଭୟଙ୍କୁ କିସ୍ କରୁଥିବାର ଦେଖାଯାଇଥିଲା। ଏଥି ସହିତ ପୃଥ୍ଵୀ କ୍ୟାପସନ ଦେଇଥିଲେ ଯେ ‘ହ୍ୟାପି ଭାଲେଣ୍ଟାଇନ୍ସ ମାଇଁ ଓ୍ଵାଇଫି’।
ଏହି ଫଟୋ ସୋସିଆଲ ମିଡିଆରେ ଚାହୁଁ ଚାହୁଁ ଭାଇରାଲ ହୋଇଥିଲା, ଯାହାକୁ ନେଇ ଖୁବ୍ ଚର୍ଚ୍ଚା ହୋଇଥିଲା। ଏହାରି ଭିତରେ ପୃଥ୍ଵୀଙ୍କୁ ଇନଷ୍ଟାଗ୍ରାମରେ ସ୍ପଷ୍ଟୀକରଣ ଦେବାକୁ ପଡ଼ିଛି। ଶ’ ଲେଖିଛନ୍ତି ଯେ କେହି ଜଣେ ମୋ ଫଟୋ ଏଡିଟ୍ କରୁଛି ଏବଂ ଏପରି ଜିନିଷ ଦେଖାଉଛି, ଯାହାକୁ ମୁଁ ଇନଷ୍ଟାଗ୍ରାମରେ ପୋଷ୍ଟ କରିନାହିଁ। ଏଥିପାଇଁ ସେ କିଛି କଥାକୁ ସତ ନ ଭାବିବାକୁ ଅପିଲ୍ କରିଛନ୍ତି।
ଇନ୍ଷ୍ଟାଗ୍ରାମରେ ପୃଥ୍ଵୀଙ୍କ ସହ ଯାହାଙ୍କ ଫଟୋକୁ ଦେଖାଯାଇଛି, ସେ ହେଉଛନ୍ତି ଅଭିନେତ୍ରୀ ନିଧି ତପଡିଆ। କିଛି ଦିନ ପୂର୍ବେ ପୃଥ୍ଵୀ ତାଙ୍କ ସହ ଏକ ଫଟୋ ସେୟାର କରିଥିଲେ, ଯାହା ପରଠାରୁ ଉଭୟଙ୍କ ମଧ୍ୟରେ ଆଫେୟାର ଚାଲିଥିବା ନେଇ ଚର୍ଚ୍ଚା ଜୋର୍ ଧରିଥିଲା। ଯଦିଓ ଏହା ଉପରେ କୌଣସି ଖବର ବର୍ତ୍ତମାନ ସୁଦ୍ଧା ନିଶ୍ଚିତ ହୋଇନାହିଁ। ସେପଟେ ଫ୍ୟାନ୍ମାନେ ସୋସିଆଲ ମିଡିଆରେ ଦାବି କରିଛନ୍ତି ଯେ ପୃଥ୍ଵୀ ଶ’ ଇନଷ୍ଟାଗ୍ରାମରେ ପୋଷ୍ଟ କରିବା ମାତ୍ରେ ଫଟୋ ହଟାଇ ଦେଇଛନ୍ତି।
