ଭାରତୀୟ କ୍ରିକେଟ ଦଳର ଷ୍ଟାର ଅଫ ସ୍ପିନର ହରଭଜନ ସିଂହ ବର୍ତ୍ତମାନ ସମୟରେ ସୋସିଆଲ ମିଡ଼ିଆରେ ନିଜକୁ ଖୁବ ଆକ୍ଟିଭ ରଖୁଥିବାର ଦେଖାଯାଉଛି । ଖାଲି ସମୟରେ ବିଭିନ୍ନ ରୋଚକ ପୂର୍ଣ୍ଣ ଭିଡିଓ ତଥା ଫଟୋ ଦେଖିବା ସହ ସୋସିଆଲ ମିଡ଼ିଆ ମାନଙ୍କରେ ମଧ୍ୟ ସେୟାର କରୁଛନ୍ତି । ତାଙ୍କୁ ପ୍ରଭାବିତ କରୁଥିବା ସମସ୍ତ ଭିଡିଓ ଓ ଫଟୋ ଆଦିକୁ ଭଜି ନିଜ ଫ୍ୟାନ୍ସ ମାନଙ୍କ ସହ ସେୟାର କରୁଛନ୍ତି । ନିକଟରେ ହିଁ ଭଜି ନିଜ ଇନ୍ଷ୍ଟଗ୍ରାମ ଆକାଉଣ୍ଟରେ ଏକ କୁନି ଫୁଟବଲ ଖେଳାଳି ଖେଳୁଥିବା ସମୟର ଏକ ଭିଡିଓ ପୋଷ୍ଟ କରିଛନ୍ତି । ଏହି କୁନି ପ୍ଲେୟରଟି ବଲକୁ ଲଗାତାର କ୍ୱିକ୍ସ ଅଫ କରିବାରେ ଲାଗିଛି । କିନ୍ତୁ ଏତେ କ୍ୱିକ୍ସ ଅଫ କରି ବି ଏହି ଛୋଟ ଖେଳାଳିଟି ଜମା ବି ଥକି ପଡୁନାହିଁ କି ନିଜେ ବି ତଳେ ପଡି ଯାଉନାହିଁ । ଯାହାକୁ ଦେଖି ନିଜେ ହରଭଜନ ବି ଚକିତ ହୋଇ ଯାଇଛନ୍ତି ।
View this post on Instagram
Unbelievable skill at his age.. another great in years to come 🤔?? What say guys
ଭିଡିଓଟିକୁ ସେୟାର କରି ସ୍ପିନର ସିଂହ ଲେଖିଛନ୍ତିକି, ବୟସ ଅନୁଯାୟୀ ବାଳକଟିର ଅବିଶ୍ୱସନୀୟ ପ୍ରତିଭା ରହିଛି ? ଭବିଷ୍ୟତରେ ସେ ନିଶ୍ଚିତ ରୂପେ ଜଣେ ବଡ଼ ପ୍ରତିଭା ଭାବେ ଉଭା ହେବ । ଆପଣ ମାନଙ୍କୁ ମଧ୍ୟ ଏହାହିଁ ଲାଗୁଛି ନା ? କ୍ୟାପ୍ସନ ସହିତ ଏକ ଚିନ୍ତା କରୁଥିବା ଏକ ଇମୋଜୀ ବି ସେୟାର କରିଛନ୍ତି ଭାରତୀୟ କ୍ରିକେଟ ଦଳର ସ୍ପିନର । ଏହି ଭିଡିଓ ଟିରେ ମିନି ଫୁଟବଲ ପ୍ଲେୟାରଟିର ଦମଦାର ଜଗଲିଙ୍ଗ ଦେଖି ସମସ୍ତେ ତାଯୁବ ହୋଇ ଯାଇଛନ୍ତି । ଫ୍ୟାନ୍ସ ମାନେ ବି ଏହାକୁ ଖୁବ ପସନ୍ଦ କରିଛନ୍ତି ।
ସୂଚନା ଦେବା ଯୋଗ୍ୟକି, କୋଭିଡ ମହାମାରୀ କାରଣରୁ ହରଭଜନ ସିଂହ ଚଳିତ ଥର ନିଜ ଫ୍ୟାନ୍ସ ମାନଙ୍କୁ ନିଜ ଯାଦୁ ଦେଖେଇ ପାରିବାରୁ ବଂଚିତ ଅଛନ୍ତି । ଆଇପିଏଲର ଚଳିତ ସିଜିନରେ ଏମଏସ ଧୋନିଙ୍କ କ୍ୟାପଟେନସିପରେ ଭଜି ଏକ ଦମଦାର ପ୍ରଦର୍ଶନ କରିବା ପାଇଁ ନିଜକୁ ପ୍ରସ୍ତୁତ କରିଥିଲେ । କିନ୍ତୁ ଜାରି ରହିଥିବା ଏହି ଘାତକ ମହାମାରୀ କାରଣରୁ ଏହା ସମ୍ଭବ ହୋଇପାରିନଥିଲା । ଅନିଶ୍ଚିତ କାଳ ପାଇଁ ଆଇପିଏଲକୁ ସ୍ଥଗିତ ରଖାଯାଇଛି ।