ପାରାଦ୍ବୀପ(କେନ୍ୟୁଜ୍):ଟଳିଲା ବିପଦ । ପାଖାପାଖି ଦୁଇ ଘଣ୍ଟା ପରେ ପାରାଦୀପ ପାଇପଲାଇନ୍ରୁ ତେଲ ଲିକେଜକୁ ରୋକାଯାଇଛି । ଏବେ ସମ୍ପୂର୍ଣ୍ଣ ବିପଦ ଟଳି ଯାଇଥିବା ନେଇ ଆଇଓସିଏଲ ଅଧିକାରୀ କହିଛନ୍ତି । ଆଞ୍ଚଳିକ ପ୍ରଦୂଷଣ ବୋର୍ଡ ଅଧିକାରୀ ଘଟଣାସ୍ଥଳ ପରିଦର୍ଶନ କରିବା ସହ ସ୍ଥିତି ଅନୁଧ୍ୟାନ କରିଛନ୍ତି ।
ତେବେ ଏହା ଯାନ୍ତ୍ରିକ ତ୍ରୁଟି ଏବଂ ଏହା ଉପରେ ଅନୁସନ୍ଧାନ ଜାରି ରହିଥିବା ଆଇଓସିଏଲ କର୍ତ୍ତୃପକ୍ଷ କହିଛନ୍ତି । IOCL ଟାଉନସିପ୍ ନିକଟରେ ହଳଦିଆ-ପାରାଦୀପ ଅଶୋଧିତ ତୈଳ ପାଇପଲାଇନ ଫାଟିବା ଯୋଗୁ ମାଟିରେ ମିଶି ଯାଇଥିଲା ହଜାର ହଜାର ଲିଟର ତେଲ । ରାସ୍ତାକଡ଼ରେ ତୈଳର କୃତ୍ରିମ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଥିଲା ।