ପ୍ରବାସୀ ଶ୍ରମିକଙ୍କ ପାଇଁ ସମସ୍ତ ପ୍ରକାର ବନ୍ଦୋବସ୍ତ କରିଥିଲା ଛତାବର ପଞ୍ଚାୟତ, ଯେଉଁଥିପାଇଁ ଧନ୍ୟବାଦ ଜଣାଇଲେ ଝାଡଖଣ୍ଡ ବିଧାୟକ
ଖୋର୍ଦ୍ଧା ( କେ ନ୍ୟୁଜ) : ଅତିଥି ଦେବୋ ଭବଃ । ଏହାକୁ ପାଳନ କରିବାରେ ଶୀର୍ଷରେ ଓଡିଶା ସରକାର। ଏହାର ଏକ ଉଦାହରଣ ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲାର ଛତାବର ପଞ୍ଚାୟତରେ । ବାହାର ରାଜ୍ୟର ଶ୍ରମିକମାନେ ସେହି ରାସ୍ତା ଦେଇ ଯିବା ସମୟରେ, ସେମାନଙ୍କୁ ସେଠାରେ ରଖି ସବୁ ପ୍ରକାରର ବନ୍ଦୋବସ୍ତ କରିଥିଲେ ସ୍ଥାନୀୟ ସରପଂଚ । ଓଡିଶାର ଏପରି ଆତିଥ୍ୟରେ ଶତମୁଖ ହୋଇ ପ୍ରଶଂସା କରିଛନ୍ତି ଝାଡଖଣ୍ଡ ସରକାର।
ଝାଡଖଣ୍ଡ ବିହାର ଅଚଂଳର ଶତାଧିକ ଲୋକେ ଛତାବର ଗ୍ରାମ ଦେଇ ଯିବା ସମୟରେ ସ୍ଥାନୀୟ ପୋଲିସ, ଜିଲ୍ଲା ପ୍ରଶାସନ ଓ ସରପଂଚଙ୍କ ତତ୍ତ୍ୱାବଧାନରେ ସେମାନଙ୍କୁ ସେଠାରେ ମାସେ ପର୍ଯ୍ୟନ୍ତ ରଖାଯାଇଥିଲା । ସେଠାରେ ସେମାନଙ୍କୁ ସବୁ ପ୍ରକାରର ବ୍ୟବସ୍ଥା କରାଯାଇଥିଲା । ଖାଇବା ଠାରୁ ଆରମ୍ଭ କରି ସ୍ୱାସ୍ଥ୍ୟ ସେବା ମଧ୍ୟ ପ୍ରଦାନ କରାଯାଇଥିଲା ।
ସେମାନଙ୍କୁ ନିଜ ନିଜ ଅଚଂଳକୁ ଫେରିବା ପାଇଁ ବ୍ୟବସ୍ଥା କରାଯାଇଥିଲା । ବସ୍ ଯୋଗେ ସେମାନେ ନିଜ ନିଜ ଘରକୁ କିପରି ଘରକୁ ଯିବେ ତା’ ପାଇଁ ସବୁ ପ୍ରକାର ବ୍ୟବସ୍ଥା କରାଯାଇଥିଲା। ଏହାକୁ ଝାଡଖଣ୍ଡର ବିଧାୟକ ଛତାବର ପଂଚାୟତର ସରପଂଚଙ୍କ ସହ ଫୋନ ଯୋଗେ କଥା ହୋଇ ଧନ୍ୟବାଦ ଜଣାଇଥିଲେ।