ନିଆଳି: ବାଲିପାଟଣା – ନିମାପଡା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣକ ହେଉଛନ୍ତି ତୁରିନ୍ତିରା ଗାଁର ବିଭୂତି ଭୂଷଣ ସ୍ବାଇଁ । ମିଳିଥିବା ସୂଚନା ଅନୁସାରେ, ଏକ ୪୦୭କୁ ଓଭରଟେକ୍ କରିଯାଉଥିବା ବେଳେ ବିଭୂତିଙ୍କ ଉପରେ ଏହା ଚଢିଯାଇଥିଲା । ଗୁରୁତର ଅବସ୍ଥାରେ ବିଭୂତିଙ୍କୁ କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ତାଙ୍କର ମୃତ୍ୟୁ ହୋଇଥିଲା ।
ଅନ୍ୟପଟେ ଦୁର୍ଘଟଣାପରେ ସ୍ଥାନୀୟ ଅଂଚଳରେ ଉତ୍ତେଜନା ଦେଖାଦେଇଥିଲା । ଉତ୍ତ୍ୟକ୍ତ ଲୋକ ରାସ୍ତା ଅବରୋଧ କରିବାରୁ କିଛି ସମୟ ପାଇଁ ଯାତାୟତ ବାଧାପ୍ରାପ୍ତ ହୋଇଥିଲା । ତେବେ ଘଟଣାସ୍ଥଳରେ ପହଂଚି ବୁଝାସୁଝା କରିବା ପରେ ରାସ୍ତାରୋକ ହଟିଥିଲା ।