ଭାଇରାଲ କଣ୍ଟେଣ୍ଟ କୁ ରୋକିବ ‘Take It Down’ ଟୁଲ

ସୋସିଆଲ ମିଡିଆର ଜଣାଶୁଣା କମ୍ପାନୀ ମେଟା ୟୁଜର୍ସଙ୍କ ପାଇଁ ଆଣିଛି ଏକ ବଢିଆ ଟୁଲ । ଯାହାର ନାମ ହେଉଛି ‘Take It Down’ ଟୁଲ । ଏହି ଟୁଲ ସାହାଯ୍ୟରେ ପ୍ଲାଟଫର୍ମରେ ନ୍ୟୁଡ କଣ୍ଟେଣ୍ଟକୁ ସୁର୍କୁଲେଟ କରିବାରୁ ରୋକାଯାଇ ପାରିବ । ଏହି ଟୁଲକୁ ନ୍ୟାଶନାଲ ସେଣ୍ଟର ଫର ମିସିଂ ଆଣ୍ଡ ଏକ୍ସପ୍ଲେଇଡେଟ ଚିଲଡ୍ରେନ ଦ୍ୱାରା ଅପରେଟ କରାଯାଉଛି । ଏହି ଟୁଲକୁ ଲଞ୍ଚ କରିବାର ଉଦ୍ଦେଶ୍ୟ ସେକ୍ସର୍ଟଶନ ମାମଲାକୁ କମ କରିବା ଓ ଲୋକଙ୍କ ପ୍ରାଇଭେସିକୁ ସୁରକ୍ଷିତ ରଖିବା ।

ଏହି ଟୁଲ ସାହାଯ୍ୟରେ ଆଗରୁ ଅପଲୋଡ ହୋଇଥିବା ଫଟୋକୁ ବି ପ୍ଲାଟଫର୍ମରୁ ହଟାଇ ଦିଆଯାଇ ପାରିବ। ଏହାକୁ ଭାଇରାଲ କରିବାକୁ ରୋକାଯାଇ ପାରିବ । ସୋସିଆଲ ମିଡିଆରେ ନ୍ୟୁଡ କଣ୍ଟେଣ୍ଟ ଆଜିକାଲି ଖୁବ ବେଗ ରେ ସର୍କୁଲେଟ ହେଉଛି ଓ ଏହାପାଇଁ ଲୋକଙ୍କୁ ବ୍ଲାକମେଲ କରାଯାଉଛି । ଏସବୁ ଭୁଲ କାମ କୁ ରୋକିବା ପାଇଁ କମ୍ପାନୀ ପକ୍ଷ ରୁ ଏପରି କାମ କରାଯାଇଛି ।

ଭାରତରେ ଇଣ୍ଟରନେଟ ୟୁଜର୍ସଙ୍କ ସଂଖ୍ୟା ବହୁତ ଅଧିକ। ଏମାନଙ୍କ ମଧ୍ୟରୁ କିଛି ପ୍ରତିଶତ ୧୮ ବର୍ଷରୁ କମ ବୟସର । କୋଭିଡ ପରେ ଛୋଟ ପିଲାମାନେ ଅଧିକ ଇଣ୍ଟରନେଟର ବ୍ୟବହାର କରୁଥିବା ବେଳେ ଏମାନେ ସହଜରେ ଅନ୍ୟ ଜଣଙ୍କ ଜାଲରେ ଫସିଯାଉଛନ୍ତି। ପରେ ଫସାଇଥିବା ଲୋକେ ଏହାର ଫାଇଦା ଉଠାଉଛନ୍ତି । ହେଲେ ଏବେ ଏସବୁ ଉପରେ ରୋକ ଲାଗିବ ।

ଯଦି ଜଣେ ୟୁଜର୍ସ ‘Take It Down’ ଟୁଲ ସାହାଯ୍ୟରେ ଏକ ଫଟୋକୁ ରିପୋର୍ଟ କରନ୍ତି, ତେବେ ସେହି ଫଟୋର ଏକ ଡିଜିଟାଲ୍ ଫିଙ୍ଗର ପ୍ରିଣ୍ଟ ସୃଷ୍ଟି ହେବ ଯାହାକୁ #ହାସ୍ କୁହାଯାଏ ।ଏମିତି ରେ ଆପଣଙ୍କର ଫଟୋ କୋଡ୍ ରେ ପରିବର୍ତ୍ତନ ହେବ ଏବଂ ତା’ପରେ କେହି ଏହାକୁ ଦେଖି ପାରିବେ ନାହିଁ । ଏଥିରେ ଭଲ କଥା ହେଉଛି ଫଟୋ ଥରେ ରିପୋର୍ଟ ହେବା ପରେ ପ୍ଲାଟଫର୍ମରେ ଥିବା ସମାନ ଫଟୋ ଖୋଲିବ ନାହିଁ । ଏହାର ଅର୍ଥ ଏହା ବ୍ଲକ ହୋଇଯିବ । ଯଦି ଜଣେ ବ୍ୟକ୍ତି ସେହି ଫଟୋକୁ ପ୍ଲାଟଫର୍ମରେ ଅପଲୋଡ୍ କରିବାକୁ ଚେଷ୍ଟା କରନ୍ତି ତେବେ ତାହା ମଧ୍ୟ ହେବନି ।

ମେଟା କହିଛି ଯେ, ଏହା ଭାରତରେ ଚଳିତ ବର୍ଷ ଶେଷ ସୁଦ୍ଧା ହିନ୍ଦୀରେ ଲଞ୍ଚ ହେବ ଏବଂ ଆଗାମୀ ସମୟରେ ଏହା ଅନ୍ୟ ଆଞ୍ଚଳିକ ଭାଷାରେ ମଧ୍ୟ ଉପଲବ୍ଧ ହେବ । ଏଥିରେ ଗୋଟିଏ ଲାଭ ହେଉଛି ଯେ, ଯଦି କେହି ଆପଣଙ୍କର କୌଣସି ଫୋଟୋ କୁ ସେଭ୍ କରନ୍ତି ଏବଂ ଏହାକୁ ଏଡିଟ୍ କରି ପ୍ଲାଟଫର୍ମରେ ଅପଲୋଡ୍ କରନ୍ତି, ତେବେ ସେହି କ୍ଷେତ୍ରରେ ଏହି ଫଟୋ ବ୍ଲକ ହେବନାହିଁ । କାରଣ ଏଥିରେ ସେହି ଫଟୋକୁ ନା ଚିହ୍ନିଛି ନା ବୁଝିଛି । ଏଥିପାଇଁ ଆପଣଙ୍କୁ ଏହି ଫଟୋକୁ ପୁନର୍ବାର ରିପୋର୍ଟ କରିବାକୁ ପଡିବ ଏବଂ ତା’ପରେ ଏହା ସର୍କୁଲେଟ ହେବ ନାହିଁ । ତେଣୁ ନିଜ ଆକାଉଣ୍ଟ ତଥା ପୋଷ୍ଟ କୁ ଅଧିକ ସୁରକ୍ଷିତ ରଖିବା ପାଇଁ ମେଟା ର ଏହି ପ୍ରୟାସ ସମସ୍ତଙ୍କୁ ଭଲ ଲାଗିବ ବୋଲି ଆଶା ରହିଛି ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।