ଭାରତୀୟ ଖେଳାଳିଙ୍କ ଡ୍ରେସିଂ ରୁମ୍ ଏବଂ ଖାଦ୍ୟ ବିଷୟରେ ଭିଡିଓ କରି ଫ୍ୟାନ୍ସଙ୍କୁ ଜଣାଇଲେ ଚହଲ, ରୋହିତ କଲେ ପ୍ରଶଂସା
ଭାରତୀୟ ଟିମ୍ ନ୍ୟୁଜିଲାଣ୍ଡ ବିପକ୍ଷରେ ଦ୍ୱିତୀୟ ଦିନିକିଆ ମ୍ୟାଚ୍ ଆଜି ରାୟପୁରରେ ଖେଳିବ । ପ୍ରଥମ ଦିନିକିଆ ଜିତିବା ପରେ ଟିମ୍ ଇଣ୍ଡିଆ ଦ୍ୱିତୀୟ ମ୍ୟାଚ୍ ଜିତିବାକୁ ଚେଷ୍ଟା କରିବ । ଟିମ ଇଣ୍ଡିଆର ଷ୍ଟାର ସ୍ପିନର ଯୁଜବେନ୍ଦ୍ର ଚହଲ ପ୍ରଥମ ଦିନିକିଆରେ ଖେଳିବାକୁ ସୁଯୋଗ ପାଇନଥିଲେ । କିନ୍ତୁ ଏବେ ବିସିସିଆଇ ତାଙ୍କର ଏକ ଭିଡିଓ ସେୟାର କରିଛି। ଯେଉଁଥିରେ ଚହଲ ଡ୍ରେସିଂ ରୁମ ବିଷୟରେ ଦର୍ଶକଙ୍କୁ ଦେଖାଉଛନ୍ତି । ଏହାଛଡା ଖାଇବା ମେନ୍ୟୁ ମଧ୍ୟ ଦେଖାଉଛନ୍ତି ।
ବିସିସିଆଇ ଯେଉଁ ଭିଡିଓ ସେୟାର କରିଛି, ସେଥିରେ ଷ୍ଟାର ସ୍ପିନର ଯୁଜବେନ୍ଦ୍ର ଚହଲ ଡ୍ରେସିଂ ରୁମ ଦେଖାଉଛନ୍ତି । ଚହଲ ଭିଡିଓ ଆରମ୍ଭରେ କହୁଛନ୍ତି, ଆଜି ଚହଲ ଟିଭିକୁ କୌଣସି ପ୍ଲେୟାର ଆସିବେନି। କାରଣ ଆଜି ମୁଁ ଡ୍ରେସିଂ ରୁମ୍ ସର୍ଭେ କରିବି । ତେବେ ଭିଡିଓରେ ଡ୍ରେସିଂ ରୁମରେ କିଭଳି ବ୍ୟବସ୍ଥା ରହିଛି। ରୋହିତ ଶର୍ମା ଏବଂ ବିରାଟ କୋହଲି ଏବଂ ହାର୍ଦ୍ଦିକ ପାଣ୍ଡ୍ୟା ବସିଥିବା ଭିଡିଓରେ ଦେଖିବାକୁ ମିଳିଛି ।
ଡ୍ରେସିଂ ରୁମରେ ଖେଳାଳିମାନେ କେଉଁଠି ବସିଛନ୍ତି, ତାହା ଦେଖାଇଛନ୍ତି । ତା’ ପରେ ଚହଲ ଈଶାନ କିଶନଙ୍କୁ ଦ୍ୱିଶତକ ମାରିଥିବା କଥା ପଚାରୁଛନ୍ତି । ଆଉ ଈଶାନଙ୍କ ସହିତ ମସ୍ତି କରୁଛନ୍ତି। ତା’ ପରେ ମସାଜ ଟେବୁଲ ଦେଖାଇବା ପରେ ଚହଲଙ୍କୁ ରୋହିତ ପ୍ରଶଂସା କରି ଭଲ ଭବିଷ୍ୟତ ବୋଲି କହୁଛନ୍ତି।
Inside #TeamIndia‘s dressing room in Raipur! 👌 👌
𝘼 𝘾𝙝𝙖𝙝𝙖𝙡 𝙏𝙑 📺 𝙎𝙥𝙚𝙘𝙞𝙖𝙡 👍 👍 #INDvNZ | @yuzi_chahal pic.twitter.com/S1wGBGtikF
— BCCI (@BCCI) January 20, 2023
ଭିଡିଓରେ ଚହଲ ଖେଳାଳିଙ୍କ ଖାଇବା ମଧ୍ୟ ଦେଖାଉଛନ୍ତି। ଖେଳାଳିମାନେ କ’ଣ ଖାଉଛନ୍ତି ଦେଖାଉଛନ୍ତି। ନାନ୍, ଜୀରା ରାଇସ, ଡାଲ ଟମାଟର, ଆଳୁ ଜିରା, ଗ୍ରୀଲଡ ଟମାଟର, ପାସ୍ତା ବିଭିନ୍ନ ପ୍ରକାର ଖାଦ୍ୟ ଦେଖାଉଛନ୍ତି ।
ସୂଚନାଯୋଗ୍ୟ, ପ୍ରଥମ ଦିନିକିଆ ମ୍ୟାଚ୍ ୧୨ ରନରେ ଭାରତ ବିଜୟୀ ହୋଇଥିଲା । ୩ଟି ମ୍ୟାଚ୍ ବିଶିଷ୍ଟ ସିରିଜରେ ୧-୦ରେ ଭାରତ ଆଗୁଆ ରହିଛି। ଆଜି ମ୍ୟାଚ୍ ଜିତି ସିରିଜ ହାତେଇବାକୁ ଚେଷ୍ଟା କରିବ ଭାରତ । ଅନ୍ୟପକ୍ଷରେ ନ୍ୟୁଜିଲାଣ୍ଡ ଆଜିର ମ୍ୟାଚ ଜିତି ସିରିଜରେ ତିଷ୍ଠି ରହିବାକୁ ଚେଷ୍ଟା କରିବ । ପ୍ରଥମ ଦିନିକିଆରେ ଯୁବ ଓପନର ଶୁବମନ ଗିଲଙ୍କ ୨୦୮ ରନର ଦ୍ୱିଶତକୀୟ ପାଳି ଖେଳିଥିଲେ । ବୋଲିଂରେ ମହମ୍ମଦ ସିରାଜ ୪ ଓ୍ଵିକେଟ ନେଇଥିଲେ ।
