ବଲିଉଡ୍ ଫିଲ୍ମ ନିର୍ମାତା କରିମ ମୋରାନି କରୋନା ପଜେଟିଭ୍ ଥିବା ବୁଧବାର ଜଣାପଡ଼ିଛନ୍ତି । ଏବେ ତାଙ୍କୁ ମୁମ୍ବାଇ ସ୍ଥିତ ନାନାବତୀ ହସ୍ପିଟାଲରେ ଭର୍ତ୍ତି କରାଯାଇଛି । ଗୋଟିଏ ଦିନ ପୂର୍ବରୁ ତାଙ୍କ ଦୁଇ ଝିଅ ଜୋଆ ଓ ସାଜା କରୋନା ପଜେଟିଭ୍ ଥିବା ଜଣାପଡ଼ିଥିଲା ।
ଦୁଇ ଝିଅଙ୍କୁ ମୁମ୍ବାଇର କୋକିଳାବେନ୍ ଧିରୁଭାଇ ଅମ୍ବାନୀ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଖବର ତାଙ୍କର ଭାଇ ମହମ୍ମଦ ମୋରାନୀ ମିରର ଅନ୍ଲାଇନ୍କୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ।
କରିମ୍ ଯେହେତୁ ଦୁଇ ଝିଅଙ୍କ ସହ ରହୁଥିଲେ ତାଙ୍କୁ କରୋନା ହୋଇଥିବା ଆଶଙ୍କା କରି ଟେଷ୍ଟ କରାଯାଇଥିଲା । ଯେଉଁଥିରେ ସେ ପଜେଟିଭ ଥିବା ଜାଣିବାକୁ ମିଳିଥିଲା । ଜୋଆ ବମ୍ବେ ଟାଇମ୍ସକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ‘ମୁଁ ହସ୍ପିଟାଲ ଆଇସିୟୁରେ ରହିଛି । ମୋ ପାଖକୁ କେହି ଆସୁ ନଥିବାରୁ ମୁଁ ବହି ପଢ଼ିବାରେ ମୋର ସମୟ କାଟୁଛି ।’
ଜୋଆଙ୍କ ପ୍ରଥମ ଟେଷ୍ଟ ନେଗେଟିଭ ବାହାରି ଥିବା ବେଳେ ଦ୍ୱିତୀୟ ଟେଷ୍ଟ ପଜେଟିଭ ବାହାରିଥିବା ଜଣାପଡ଼ିଛି ।