ପୁଣିଥରେ ସାହାଯ୍ୟର ହାତ ବଢ଼ାଇଲେ ସୋନୁ ସୁଦ୍, ଗରିବ ପିଲାଙ୍କ ପାଇଁ ଆରମ୍ଭ କଲେ ସ୍କଲାରସିପ୍
କରୋନା ମହାମାରୀ ଯୋଗୁ ସବୁ କ୍ଷେତ୍ରରେ ମାନ୍ଦାବସ୍ଥା ଜାରି ରହିଛି। ଏଭଳି ସଙ୍କଟ ସମୟରେ ଗରିବଙ୍କ ପାଇଁ ଦେବଦୂତ ସାଜିଛନ୍ତି ଅଭିନେତା ସୋନୁ ସୁଦ୍। ଲକ୍ଡାଉନ୍ ବେଳଠୁ ଲୋକଙ୍କୁ ସାହାଯ୍ୟ କରିଆସୁଥିବା ସୋନୁ ପୁଣି ଥରେ ମହାନତା ଦେଖାଇଛନ୍ତି। ଏବେ ସେ ନିଜ ସ୍ୱର୍ଗତ ମା’ ପ୍ର.ସରୋଜ ସୁଦ୍ଙ୍କ ନାଁରେ ଏକ ସ୍କଲାରସିପ୍ ଘୋଷଣା କରିଛନ୍ତି। ଏହି ସ୍କଲାରସିପ୍ ଗରିବ ପିଲାଙ୍କୁ ପଢ଼ିବାରେ ସାହାଯ୍ୟ କରିବ।
Hindustaan Badhega Tabhi, Jab Padhenge Sabhi!
Launching full scholarships for students for higher education.I believe,financial challenges should not stop any one from reaching their goals.Send in ur entries at [email protected] (in next 10 days) & I will reach out to u🇮🇳 pic.twitter.com/JPBuUUF23s— sonu sood (@SonuSood) September 12, 2020
ସୋନୁ ସୁଦ୍ ‘ପଢ଼େଗା ଭାରତ, ତଭି ତୋ ବଢ଼େଗା ଭାରତ’ ଓ ‘ହିନ୍ଦୁସ୍ତାନ୍ ବଢ଼େଗା ତଭି, ଜବ ପଢ଼େଙ୍ଗେ ସଭି’ ନାରା ଦେଇ ଅସହାୟ ପିଲାଙ୍କୁ ପଢ଼ାଇବାକୁ ଓ ଆର୍ଥିକ ସହାୟତା କରିବାକୁ ଘୋଷଣା କରିଛନ୍ତି। ଏନେଇ ସେ ନିଜ ସୋସିଆଲ ମିଡିଆ ଆକାଉଣ୍ଟରେ ସୂଚନା ଦେଇଛନ୍ତି। ଏହି ସ୍କଲାରସିପ୍ ପାଇଁ ଆବେଦନ କରିବା ପାଇଁ ରେଜିଷ୍ଟ୍ରେସନ୍ ପ୍ରକ୍ରିୟା ଆରମ୍ଭ ହୋଇସାରିଲାଣି।
हमारा भविष्य हमारी काबिलियत और मेहनत तय करेगी ! हम कहाँ से हैं , हमारी आर्थिक स्थिति का इस से कोई सम्बन्ध नहीं। मेरी एक कोशिश इस तरफ – स्कूल के बाद की पढ़ाई के लिए full scholarship – ताकि आप आगे बढ़ें और देश की तरक्की में योगदान दें। 🇮🇳
email करें [email protected] pic.twitter.com/tKwIhuHQ5j— sonu sood (@SonuSood) September 12, 2020
ସୂଚନାଯୋଗ୍ୟ ଯେ ବଲିଉଡ୍ ଅଭିନେତା ସୋନୁ ସୁଦ୍ ପ୍ରବାସୀ ଶ୍ରମିକଙ୍କ ପାଇଁ ଦେବଦୂତ ସାଜିଛନ୍ତି। ସେ ଲକ୍ଡାଉନ୍ ବେଳେ କେବଳ ଦେଶରୁ ନୁହେଁ ବରଂ ବିଦେଶରେ ଫସିଥିବା ଲୋକଙ୍କୁ ମଧ୍ୟ ଘରକୁ ଫେରାଇ ଆଣିଥିଲେ। କେବଳ ଏତିକି ନୁହେଁ, ପ୍ରବାସୀ ଶ୍ରମିକଙ୍କ ପାଇଁ ସେ ଚାକିରି ବ୍ୟବସ୍ଥା ମଧ୍ୟ କରିଛନ୍ତି। ଏଥିପାଇଁ ସେ APEC ନାମକ କମ୍ପାନୀ ସହ ହାତ ମିଳାଇଛନ୍ତି।