ଆଜି ବିପାଶା ବସୁଙ୍କ ଜନ୍ମଦିନ: ଜାଣନ୍ତୁ ତାଙ୍କ ନେଟୱର୍ଥ କେତେ?
ବଲିଉଡ ଅଭିନେତ୍ରୀ ବିପାଶା ବସୁ ୭ ଜାନୁଆରୀ ଅର୍ଥାତ ଆଜି ତାଙ୍କର ୪୪ ତମ ଜନ୍ମଦିନ ପାଳନ କରୁଛନ୍ତି । ବଲିଉଡର ବେଙ୍ଗଲୀ ବ୍ୟୁଟି ବିପାଶା ବସୁ ଅନେକ କୋଟିର ମାଲିକାଣୀ, ଜାଣନ୍ତୁ ତାଙ୍କ ନେଟୱର୍ଥ କେତେ...
ବଲିଉଡର ବେଙ୍ଗଲୀ ବ୍ୟୁଟି ଭାବରେ ଫେମସ୍ ବିପାଶା ବସୁ ୭ ଜାନୁଆରୀ ଅର୍ଥାତ ଆଜି ତାଙ୍କ ଜନ୍ମଦିନ ପାଳନ କରୁଛନ୍ତି । ଜଣେ ସଫଳ ମଡେଲ ହେବା ପରେ ବିପାଶା ୨୦୦୧ ମସିହାରେ ଫିଲ୍ମ ‘ଅଜନବୀ’ ସହିତ ବଲିଉଡରେ ଡେବ୍ୟୁ କରିଥିଲେ । ଏହା ପରେ ସେ ଅନେକ ବଡ ଫିଲ୍ମରେ ନିଜର ପରିଚୟ ସୃଷ୍ଟି କରିଥିଲେ । ଏକ ସମୟ ଥିଲା ଯେତେବେଳେ ବିପାଶାଙ୍କ ନାମ ଇଣ୍ଡଷ୍ଟ୍ରିରେ ଖୁବ ଫେମସ୍ ଥିଲା । ବଡରୁ ବଡ ଅଭିନେତା ତାଙ୍କ ସହ ଫିଲ୍ମ କରିବାକୁ ଚାହୁଁଥିଲେ ।
କିନ୍ତୁ ୨୦୧୬ ରେ କରଣ ସିଂ ଗ୍ରୋଭରଙ୍କୁ ବିବାହ କରିବା ପରେ ସେ ଫିଲ୍ମ ଦୁନିଆରୁ ନିଜକୁ ଦୂରେଇ ରଖିଥିଲେ । ଯଦିଓ ବିପାଶା ଅଭିନୟରୁ ବିରତି ନେଇଛନ୍ତି, ତଥାପି ସେ ଏକ ବିଳାସପୂର୍ଣ୍ଣ ଜୀବନ ବିତାଉଛନ୍ତି । ବହୁତ କମ୍ ଲୋକ ଜାଣନ୍ତି ଯେ ବିପାଶା ବସୁ ଜଣେ ସଫଳ ବ୍ୟବସାୟୀ । ବିପାଶା ବସୁ, ମଲାଇକା ଆରୋରା ଏବଂ ସୁଜେନ ଖାନଙ୍କ ସହ ଏକ ପୋଷାକ ବ୍ରାଣ୍ଡ ଚଳାନ୍ତି । ଏହି କମ୍ପାନୀର ନାମ ହେଉଛି ‘ଲେବଲ୍ ଲାଇଫ୍’, ଯାହା ଏକ ସପିଂ ପୋର୍ଟାଲ୍ ।
ବିପାଶାଙ୍କ ନେଟୱର୍ଥ ବିଷୟରେ କହିବାକୁ ଗଲେ ‘ରାଜ’ ଅଭିନେତ୍ରୀ ହେଉଛନ୍ତି ୧୨୪ କୋଟି ଟଙ୍କା ମୂଲ୍ୟ ସମ୍ପତ୍ତିର ମାଲିକ । ଏହା ବ୍ୟତୀତ ବିପାଶାଙ୍କ ମୁମ୍ବାଇର ବାନ୍ଦ୍ରାଠାରେ ଏକ ବିଳାସପୂର୍ଣ୍ଣ ବଙ୍ଗଳା ଅଛି ଯାହାର ମୂଲ୍ୟ ପ୍ରାୟ ୧୬ କୋଟି ଟଙ୍କା । ଆଜିକାଲି ବିପାଶା ତାଙ୍କ ପ୍ରିୟ ଝିଅ ଦେବୀଙ୍କ ସହିତ ପ୍ୟାରେଣ୍ଟହୁଡକୁ ଉପଭୋଗ କରୁଛନ୍ତି । ନିକଟରେ ସେ ନିଜର ବର୍ଷକର ଝିଅର ଚେହେରା ସମସ୍ତଙ୍କୁ ଦେଖାଇଥିଲେ, ଯେଉଁଥିରେ ଫ୍ୟାନ୍ସମାନେ ବହୁତ ଭଲ ପାଇବା ଦେଇଥିଲେ ।
