ଏସିଡିଟିରୁ ମୁକ୍ତି ଦେବ ଗୁଲକନ୍ଦ, ଜାଣନ୍ତୁ କେମିତି ପିଇବେ
ଏସିଡିଟି ଏପରି ଏକ ସମସ୍ୟା ଯେ ଏହା ବେଳେବେଳେ ଖାଲି ପେଟରେ, କେବେ ରାତିରେ ଖାଇବା ପରେ ଏବଂ କେବେ ବସିବା ସମୟରେ ମଧ୍ୟ ହୋଇପାରେ । ଏହି ସବୁ ପରିସ୍ଥିତିରେ ଗୁଲକନ୍ଦ ଏବଂ ଥଣ୍ଡା କ୍ଷୀରର ବ୍ୟବହାର ଅନେକ ଉପାୟରେ ଲାଭଦାୟକ ହୋଇଥାଏ ।
ଆଜିକାଲି ଏସିଡ୍ ସମସ୍ୟା ସମସ୍ତଙ୍କୁ ଅସୁବିଧାରେ ପକାଇଥାଏ । ଏହା ଏପରି ଏକ ସମସ୍ୟା ଯେ ଏହା ବେଳେବେଳେ ଖାଲି ପେଟରେ, କେବେ ରାତିରେ ଖାଇବା ପରେ ଏବଂ କେବେ ବସିବା ସମୟରେ ମଧ୍ୟ ହୋଇପାରେ । ଏହି ସବୁ ପରିସ୍ଥିତିରେ ଗୁଲକନ୍ଦ ଏବଂ ଥଣ୍ଡା କ୍ଷୀରର ବ୍ୟବହାର ଅନେକ ଉପାୟରେ ଲାଭଦାୟକ ହୋଇଥାଏ । ବାସ୍ତବରେ ଏହି ଦୁଇଟି ପେଟର pH କୁ ସନ୍ତୁଳିତ କରିବାରେ ଏବଂ ତାପରେ ପେଟ ଜଳିବାକୁ କମ୍ କରିବାରେ ସାହାଯ୍ୟ କରିଥାଏ । ଏହା ବ୍ୟତୀତ ଏହାର ଅନେକ ଲାଭ ମଧ୍ୟ ରହିଛି । ତାହେଲେ ଆସନ୍ତୁ ସେହି ସବୁ ଲାଭ ବିଷୟରେ ଜାଣିବା ।
ଜାଣନ୍ତୁ ଗୁଲକନ୍ଦ ଏବଂ ଥଣ୍ଡା କ୍ଷୀର ଏସିଡିଟି ପାଇଁ କିପରି ଲାଭଦାୟକ ହୋଇଥାଏ ?
ଥଣ୍ଡା କ୍ଷୀର ପେଟର ଏସିଡିଟିକୁ କମ୍ କରିଥାଏ ଏବଂ ସେହିପରି ପେଟ ଜଳିବାକୁ କମ୍ କରିବାରେ ଗୁଲକନ୍ଦ ସାହାଯ୍ୟ କରିଥାଏ । ଯେତେବେଳେ ଆପଣ ଏହି ଦୁଇଟିକୁ ଏକାଠି ପିଅନ୍ତି, ଏହା ଏସିଡ୍ ରିଫ୍ଲକ୍ସକୁ କମ୍ କରିଥାଏ ଏବଂ ହଜମ ଶକ୍ତିକୁ ଭଲ କରିଥାଏ । ଏହିପରି ଭାବରେ ଏସିଡିଟି ସମସ୍ୟାରୁ ମୁକ୍ତି ମିଳିଥାଏ । ଏଥିସହ ଏହାର ବିଶେଷ କଥା ହେଉଛି GRD ସମସ୍ୟାରେ ଯେଉଁଥିରେ ପେଟ ଏସିଡ୍ ପାଟିରେ ପହଞ୍ଚେ ଏବଂ ଏହା ଖଟା ଢିକାର ସୃଷ୍ଟି କରେ, ଏହି ପରିସ୍ଥିତିରେ ଗୁଲକନ୍ଦକୁ ଥଣ୍ଡା କ୍ଷୀରରେ ମିଶାଇ ପିଇବା ମଧ୍ୟ ଲାଭଦାୟକ ହୋଇଥାଏ ।
ଜାଣନ୍ତୁ ଏସିଡିଟି ବ୍ୟତୀତ ଥଣ୍ଡା କ୍ଷୀର ଏବଂ ଗୁଲକନ୍ଦ ପିଇବାର ଅନ୍ୟାନ୍ୟ ଲାଭ :
ଯେଉଁମାନେ କ୍ଷୀର ହଜମ କରିପାରନ୍ତି ନାହିଁ ସେମାନଙ୍କ ପାଇଁ ମଧ୍ୟ ଏହି ଦୁଇଟି ଜିନିଷର ବ୍ୟବହାର ଲାଭଦାୟକ ହୋଇଥାଏ । ଏହା ବ୍ୟତୀତ ଯେତେବେଳେ ଆପଣ କ୍ଷୀରକୁ ଗୁଲକନ୍ଦ ସହିତ ଖାଆନ୍ତି, ଏହା ହଜମ ପ୍ରକ୍ରିୟାକୁ ମଧ୍ୟ ଭଲ କରିଥାଏ । ଯାହା ଫଳରେ ଆପଣଙ୍କ ହଜମ ଜନିତ ସମସ୍ୟା ରହିନଥାଏ । ଏହା ସହ ଗୁଲକନ୍ଦ ଆଣ୍ଟିବ୍ୟାକ୍ଟେରିଆଲର ଏକ ଭଲ ଉତ୍ସ ହୋଇଥାଏ, ଯାହାର ବ୍ୟବହାର ପେଟରେ ବେକ୍ଟେରିଆ ମାରିବାରେ ସାହାଯ୍ୟ କରିଥାଏ ଏବଂ ଭଲ ବେକ୍ଟେରିଆକୁ ପେଟରେ ବଢାଇବାରେ ସାହାଯ୍ୟ କରିଥାଏ । ଏହି ପରି ଭାବେ ଗୁଲକନ୍ଦକୁ କ୍ଷୀରରେ ମିଶାଇ ପିଇବା ଲୋକଙ୍କ ପାଇଁ ବହୁତ ଲାଭଦାୟକ ହୋଇଥାଏ । ତାହେଲେ ଆସନ୍ତୁ ଜାଣିବା ଯେ ଏହି ସମସ୍ତ ଲାଭ ପାଇବାକୁ ଆପଣଙ୍କୁ କ’ଣ କରିବାକୁ ପଡିବ । ତେବେ ଆପଣଙ୍କୁ ୧ ଚାମଚ ଗୁଲକନ୍ଦକୁ ୧ ଗ୍ଲାସ ଥଣ୍ଡା କ୍ଷୀରରେ ମିଶାନ୍ତୁ ଏବଂ ତାପରେ ଏହାକୁ ପିଅନ୍ତୁ । ଆପଣ ସକାଳେ ଖାଲି ପେଟରେ ଏହାକୁ ପିଇପାରିବେ । ଏପରି କରିବା ଦ୍ୱାରା ଆପଣ ଦେଖିବେ ଯେ ଏହା କିପରି ଭଲ କାମ କରିବ ଏବଂ ଏହି ସବୁ ସମସ୍ୟାକୁ କମ୍ କରିବାରେ ସାହାଯ୍ୟ କରିବ ।
