ଭ୍ୟାଲେଣ୍ଟାଇନ ଡ଼େ’ରେ କେମିତି ନିଜ ସାଥି କିମ୍ବା ଜୀବନ ସାଥୀଙ୍କୁ ଖୁସି କରିବେ ସେନେଇ ସମସ୍ତେ ଚିନ୍ତା କରିଥାନ୍ତି । କିଏ ବଜାରରୁ କିଛି ଉପହାର କିଣି ସାଥୀଙ୍କ ମୁହଁରେ ହସ ଆଣିବାକୁ ଚେଷ୍ଟା କରନ୍ତି ତ କିଏ ରଙ୍ଗ ବିରଙ୍ଗର ଗୋଲାପ କିଣି ସରପ୍ରାଇଜ ଦେଇଥାନ୍ତି । ଏହାବାଦ ବି ଆପଣ ଏକ ନୂଆ ତରିକାରେ ଭ୍ୟାଲେଣ୍ଟାଇନ ଡ଼େ’ ସେଲିବ୍ରେଟ କରିପାରିବେ । ତେବେ ଆଜି ଘରେ ସ୍ପେଶାଲ କେକ ବନାନ୍ତୁ ଆଉ ଅନ୍ୟମାନଙ୍କୁ ଖୁସି କରନ୍ତୁ ।
ତେବେ ଜାଣିରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
୧ କପ ନନ ଡେରୀ ମିଲ୍କ
୧ ଚାମଚ ଆପଲ ସାଇଡ଼ର ଭିନେଗାର
ଦୁଇ କପ ଅଟା
ଗୋଟେ କପ ଚିନି
୨ ଚାମଚ କୋକୋ ପାଉଡର
ଅଧା ଚାମଚ ବେକିଙ୍ଗ ପାଉଡର
ଅଧା ଚାମଚ ବେକିଙ୍ଗ ସୋଡା଼
ଅଧା ଚାମଚ ଲୁଣ
ଅଧା କପ ତେଲ
୨ ବଡ ଚାମଚ ଲାଲ ରଙ୍ଗ
୨ ଚାମଚ ଭାନିଲା ଏସେନ୍ସ
ଅଧା ଚାମଚ ବାଦାମ
ପ୍ରସ୍ତୁତି ପ୍ରଣାଳୀ:
ଓଭାନକୁ ୧୫ ମିନିଟ ପାଇଁ 350F / 180C ପାଇଁ ପ୍ରି ହିଟ କରନ୍ତୁ । ପେପର ଲାଇନର୍ସ ସହ ୧୨ଟି ମଫିନ କପକୁ ସଜେଇ ରଖନ୍ତୁ ।
ଏବେ ଏକ ମଧ୍ୟମ ଆକାରର ପାତ୍ରରେ କ୍ଷୀର, ଭାନିଲା ସିର୍କାକୁ ଭଲ ଭାବରେ ଗୋଳାନ୍ତୁ । ଗାଢ଼ ହେବ ଯାଏଁ ମିଶାନ୍ତୁ ।
ଏବେ ଏକ ବଡ ଜାଗାରେ ଅଟା, କୋକୋ ପାଉଡର, ବେକିଙ୍ଗ ପାଉଡର, ସୋଡା଼, ଲୁଣ ଆଦିକୁ ମିଶାନ୍ତୁ ।
ଏବେ କ୍ଷୀରରେ ଦହି ବସାଇବା ପରେ ସେଥିରେ ତେଲ, ରଙ୍ଗ, ଭାନିଲା ଏସେନ୍ସକୁ ମିଶାନ୍ତୁ । ଶୁଖିଲା ସାମଗ୍ରୀ ଗୁଡିକୁ ଭଲ ଭାବରେ ମିଶାଇ ଧୀରେ ଧୀରେ ଏଥିରେ ଓଦା ସାମଗ୍ରୀ ଗୁଡିକୁ ଢଳାନ୍ତୁ । ଭଲ ଭାବରେ ନମିଶିବା ପର୍ଯ୍ୟନ୍ତ ଗୋଳାନ୍ତୁ ।
ଆଣଟି ହାଲ୍କା ବହଳିଆ ହୋଇଆସିଲେ ଜାଣିବେ ଯେ ଆପଣଙ୍କ କେକ ଘୋଳ ପ୍ରସ୍ତୁତ ହୋଇଗଲା ।
ହଁ ଯେମିତି ବିଣ୍ଡା ନ ବାନ୍ଧେ ସେ ନେଇ ଧ୍ୟାନ ରଖିବେ । ଏବେ ପୂର୍ବରୁ ପ୍ରସ୍ତୁତ ହୋଇଥିବା ମଫିନରେ 3/4 ଆଣ ଭରନ୍ତୁ । ଏବେ ଏହାକୁ ୧୬ ରୁ ୨୦ ମିନିଟ ପାଇଁ ବେକ କରନ୍ତୁ । ପରେ ଟୁଥ ପିକ ଭର୍ତ୍ତି କରି ସିଝିଛି କି ନାହିଁ ଚେକ କରନ୍ତୁ । ଥଣ୍ଡା ହୋଇଗଲା ପରେ କେକ ଗୁଡିକୁ ସାବଧାନତାର ସହ ବାହାର କରିଦିଅନ୍ତୁ ।