୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ନିର୍ବାଚନ ପାଇଁ ସରିଲା ମତଦାନ, ଇଭିଏମ୍ରେ ସିଲ୍ ହେଲା ୬୭୨ ପ୍ରାର୍ଥୀଙ୍କ ଭାଗ୍ୟ
କେନ୍ୟୁଜ୍(ବ୍ୟୁରୋ): ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ନିର୍ବାଚନ ପାଇଁ ସରିଛି ମତଦାନ । ଇଭିଏମ୍ରେ ସିଲ୍ ହୋଇଛି ୬୭୨ ପ୍ରାର୍ଥୀଙ୍କ ଭାଗ୍ୟ । ମତଦାନ ହାର ରହିଛି ୫୭ ଦଶମିକ ୦୬ ପ୍ରତିଶତ । ଆସନ୍ତା ୧୧ ତାରିଖରେ ଭୋଟ୍ ଗଣତି ଓ ଫଳାଫଳ ପ୍ରକାଶ ପାଇବ । କଡ଼ା ସୁରକ୍ଷା ଭିତରେ ଆଜି ଦିଲ୍ଲୀରେ ଭୋଟ୍ ଗ୍ରହଣ ହୋଇଥିଲା । ୨୦୧୫ ନିର୍ବାଚନରେ ଦିଲ୍ଲୀକୁ ଝାଡୁ ମାରିଥିଲା କେଜ୍ରିଓ୍ଵାଲଙ୍କ ଆମ୍ ଆଦମୀ ପାର୍ଟି। ଦଳ ୬୭ଟି ଆସନରେ ବାଜିମାରିଥିଲା । ବିଜେପି ପାଇଥିଲା ମାତ୍ର ୩ଟି ସିଟ । କଂଗ୍ରେସ ଖାତା ଖୋଲପାରିନଥିଲା ।
