କର୍ଣ୍ଣାଟକରେ ମର୍ମନ୍ତୁଦ ଦୁର୍ଘଟଣା! ଭାରସାମ୍ୟ ହରାଇ ଟ୍ରକ୍ ସହ ପିଟି ହୋଇଗଲା ଜିପ୍; ୯ ଶ୍ରମିକ ମୃତ, ୧୧ ସଙ୍କଟାପନ୍ନ
କର୍ଣ୍ଣାଟକରେ ଆଜି ଗୁରୁବାର ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ୯ ଜଣଙ୍କ ଶୋଚନୀୟ ମୃତ୍ୟୁ ଘଟିଛି ଏବଂ ୧୧ ଜଣ ଗୁରୁତର ଆହତ ହୋଇଛନ୍ତି। ମୃତକଙ୍କ ମଧ୍ୟରେ ୩ ଛୋଟ ପିଲା ଥିବା ଜଣାପଡ଼ିଛି। ଖବର ମୁତାବକ, ଏହି ଦୁର୍ଘଟଣା ତୁମକୁର୍ ଜିଲ୍ଲାରେ ସିରା ଜାତୀୟ ରାଜପଥ ନିକଟରେ ହୋଇଛି।
ଖବର ପାଇ ସ୍ଥାନୀୟ ଏସ୍ପି ରାହୁଲ କୁମାର ଘଟଣାସ୍ଥଳରେ ପହଞ୍ଚିଛନ୍ତି। କୁହାଯାଉଛି, ସମସ୍ତ ମୃତକ ଦିନ ମଜୁରିଆ ଥିଲେ। ସେମାନେ ବେଙ୍ଗାଲୁରୁ ଯାଉଥିବା ବେଳେ ଭୟଙ୍କର ସଡ଼କ ଦୁର୍ଘଟଣାର ଶିକାର ହୋଇଥିଲେ। ଶ୍ରମିକମାନଙ୍କୁ ନେଇ ଯାଉଥିବା ଜିପ୍ ହଠାତ୍ ଭାରସାମ୍ୟ ହରାଇ ଏକ ଟ୍ରକ୍ ସହ ପିଟି ହୋଇଯିବାରୁ ଘଟଣାସ୍ଥଳରେ ହିଁ ୯ ଜଣଙ୍କ ପ୍ରାଣବାୟୁ ଉଡ଼ି ଯାଇଥିଲା।
Karnataka | Nine people, including three children, died and 11 injured after a jeep collided with a truck on National Highway near Sira, Tumakuru district. All of them were daily wage workers, labourers coming towards Bengaluru. SP Rahul Kumar Shahpurwad visited the spot: Police
— ANI (@ANI) August 25, 2022
