କାନାଡା ଗ୍ୟାଙ୍ଗଷ୍ଟର ଲଖବୀର ସିଂ ଲାଣ୍ଡାକୁ ଆତଙ୍କବାଦୀ ଘୋଷଣା କଲା ଭାରତ
ଗୃହ ମନ୍ତ୍ରଣାଳୟ, ୩୩ ବର୍ଷୀୟ ଗ୍ୟାଙ୍ଗଷ୍ଟର ଲଖବୀରକୁ ଆତଙ୍କବାଦ ବିରୋଧୀ ଆଇନ (UAPA) ଅଧିନରେ ଆତଙ୍କବାଦୀ ଭାବେ ନାମିତ କରିଛି । ୨୦୨୧ରେ ମୋହାଲିରେ ପଞ୍ଜାବ ପୋଲିସ ଗୁଇନ୍ଦା ମୁଖ୍ୟାଳୟ ଉପରେ ରକେଟ ଆକ୍ରମଣ ଘଟଣାରେ ସାମିଲ ରହିଥିଲା ।
କାନାଡା ଗ୍ୟାଙ୍ଗଷ୍ଟର ଲଖବୀର ସିଂ ଲାଣ୍ଡାକୁ ଆତଙ୍କବାଦୀ ଘୋଷଣା କରିଛି ଭାରତ । ଗୃହ ମନ୍ତ୍ରଣାଳୟ, ୩୩ ବର୍ଷୀୟ ଗ୍ୟାଙ୍ଗଷ୍ଟର ଲଖବୀରକୁ ଆତଙ୍କବାଦ ବିରୋଧୀ ଆଇନ (UAPA) ଅଧିନରେ ଆତଙ୍କବାଦୀ ଭାବେ ନାମିତ କରିଛି । ଲାଣ୍ଡା ଅନ୍ୟ ଆତଙ୍କବାଦୀ ଗତିବିଧି ବ୍ୟତୀତ, ୨୦୨୧ରେ ମୋହାଲିରେ ପଞ୍ଜାବ ପୋଲିସ ଗୁଇନ୍ଦା ମୁଖ୍ୟାଳୟ ଉପରେ ରକେଟ ଆକ୍ରମଣ ଘଟଣାରେ ସାମିଲ ରହିଥିଲା ।
୧୯୮୯ରେ ପଞ୍ଜାବର ତରନତାରନ ଜିଲ୍ଲାରେ ଜନ୍ମିତ ଲାଣ୍ଡା ୨୦୧୭ରେ କାନାଡା ଫେରାର ହୋଇଯାଇଥିଲା । କୁଖ୍ୟାତ ଖଲିସ୍ତାନୀ ସମୂହ, ବବ୍ଦର ଖାଲସା ଇଣ୍ଟରନ୍ୟାସନାଲ ସଦସ୍ୟ ଭାବେ ଲଖବୀର ପରିଚୟ ରହିଛି ବୋଲି ଗୃହ ମନ୍ତ୍ରଣାଳୟ କହିଛି । ଲଖବୀର ହରବିନ୍ଦିର ସିଂ ଓରଫ ରିନ୍ଦାର ବହୁତ ଖାସ୍ ବୋଲି କୁହାଯାଉଛି । ରିନ୍ଦା ପାକିସ୍ତାନର ଜଣାଶୁଣା ଗ୍ୟାଙ୍ଗଷ୍ଟର ।
Canada-based Babbar Khalsa’s Lakhbir Singh Landa declared a terrorist by Ministry of Home Affairs. pic.twitter.com/iz2eNhpxyt
— ANI (@ANI) December 30, 2023
ଲଖବୀର ସିଂ ଭାରତରେ ଅନେକ ଆକ୍ରମଣର ମାଷ୍ଟରମାଇଣ୍ଡ ଥିଲା । ଲାଣ୍ଡା କେବଳ ମୋହାଲି ରକେଟ ଆକ୍ରମଣ ନୁହେଁ, ସୀମା ପାର ଆତଙ୍କବାଦୀ ଗତିବିଧିରେ ସାମିଲ ଥିଲା । ଆତଙ୍କବାଦୀ ଗତିବିଧିରେ ବ୍ୟବହାର ହେଉଥିବା ବିଭିନ୍ନ ମଡେଲ, ଆଇଇଡି, ଅସ୍ତ୍ରଶସ୍ତ୍ର, ଅତ୍ୟାଧୁନିକ ଅସ୍ତ୍ରଶସ୍ତ୍ର ଏବଂ ବିସ୍ଫୋରଣରେ ସାମିଲ ଥିଲା ।