ମୁମ୍ବାଇ: ବଢ଼ିଲା ମୁମ୍ବାଇ ତାଜ୍ ହୋଟେଲର ସୁରକ୍ଷା ବ୍ୟବସ୍ଥା । ତାଜ ହୋଟେଲ ସମେତ ଏହି ଅଞ୍ଚଳରେ ପୋଲିସର କଡା ପହରା ଲାଗିଛି । ଗତକାଲି ପାକିସ୍ତାନରୁ ଧମକପୂର୍ଣ୍ଣ ଫୋନ କଲ ଆସିବା ପରେ କଡ଼ା ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି । ତାଜ୍ ହୋଟେଲକୁ ଉଡ଼ାଇ ଦେବାକୁ ଆସିଥିଲା ଧମକ ।
ତାଜ୍ ହୋଟେଲ ସମେତ ଗେଟ ୱେ ଅଫ ଇଣ୍ଡିଆ ଓ ନରିମନ୍ ପଏଣ୍ଟ ଅଞ୍ଚଳରେ ପୋଲିସ ଛାଉଣି କରାଯାଇଛି । ଏହାସହ ସାମୁଦ୍ରିକ ପୋଲିସକୁ ମଧ୍ୟ ଆଲର୍ଟ କରାଯିବା ସହ ସୁରକ୍ଷା ବଢ଼ାଯାଇଛି । ମୁମ୍ବାଇ ପୋଲିସ ପକ୍ଷରୁ ଏହି ସୂଚନା ଦିଆଯାଇଛି । ପୂର୍ବରୁ ୨୦୦୮ ନଭେମ୍ବର ୨୬ରେ ଆକ୍ରମଣ କରିଥିଲା ।
ପାକିସ୍ତାନର ଆତଙ୍କବାଦୀ । ଏଥିରେ ୧୬୬ ଲୋକଙ୍କ ପ୍ରାଣ ଯାଇଥିବା ବେଳେ ୩୦୦ରୁ ଅଧିକ ଆହତ ହୋଇଥିଲେ । ୨୮ ଜଣ ବିଦେଶୀ ନାଗରିକ ମଧ୍ୟ ପ୍ରାଣ ହରାଇଥିଲେ । ଅଜମଲ କସବ ଏକୁଟିଆ ଜୀବିତ ଅବସ୍ଥାରେ ଧରାପଡିଥିଲା ।