ଇମ୍ରାନ୍ଙ୍କ ଘରକୁ ଯାଇ ଶକ୍ତ ଚାପୁଡ଼ା ମାରିଥିଲେ ଆଇଏସ୍ଆଇ ମୁଖ୍ୟ, ହୋଇଥିଲା ହାଇଡ୍ରାମା
ପାକିସ୍ତାନ: ପାକିସ୍ତାନରେ ଇମ୍ରାନ୍ ଖାନ୍ଙ୍କୁ ଚାପୁଡ଼ା ଘଟଣା ଏବେ ଚର୍ଚ୍ଚାରେ ରହିଛି। ରିପୋର୍ଟ ମୁତାବକ, ଏପ୍ରିଲ ୯ ତାରିଖ ରାତିରେ ଇମ୍ରାନ୍ଙ୍କୁ ଚାପୁଡ଼ା ମାରିଛନ୍ତି ଆଇଏସ୍ଆଇର ମୁଖ୍ୟ। ଏପ୍ରିଲ ୯ ଓ ୧୦ ତାରିଖ ରାତିରେ ଇମ୍ରାନ୍ ସରକାର ଭୁଶୁଡ଼ିବା ବେଳେ ହାଇ ଡ୍ରାମା ହୋଇଥିଲା। କିଛି ଘଟଣା ସାମ୍ନାକୁ ଆସିଥିବା ବେଳେ ଆଉ କିଛିକୁ ଲୁଚାଯାଇଛି। ଏବେ ଧୀରେ ଧୀରେ ସବୁ ଘଟଣା ସାମ୍ନାକୁ ଆସୁଛି।
ସୂଚନା ମୁତାବକ, ଏପ୍ରିଲ ୯ ତାରିଖ ରାତିରେ ଇମ୍ରାନ୍ଙ୍କ ବନୀଗାଲାସ୍ଥିତ ଘରର ଲନ୍ରେ ଏକ ହେଲିକପ୍ଟର ଲ୍ୟାଣ୍ଡ୍ କରିଥିଲା। ଏଥିରେ ଦୁଇ ଜଣ ବିଶିଷ୍ଟ ବ୍ୟକ୍ତି ଥିଲେ। ଉଭୟେ ଇମ୍ରାନଙ୍କ ସହ ଅଲଗା ଅଲଗା ରୁମ୍ରେ ସାକ୍ଷାତ କରିଥିଲେ ଓ ଇସ୍ତଫା ଦେବାକୁ କହିଥିଲେ। ସେମାନଙ୍କ କଥା ଶୁଣି ଇମ୍ରାନ୍ ରାଗି ଯାଇଥିଲେ। ସେ ଅଶାଳୀନ ଭାଷା କହିଥିଲେ। ଫଳରେ ବ୍ୟକ୍ତି ଜଣକ ଇମ୍ରାନ୍କୁ ଏକ ଶକ୍ତ ଚାପୁଡ଼ା ଦେଇଥିଲେ। ଏହା ପରେ ସେଠାରୁ ଚାଲି ଆସିଥିଲେ। ତା’ ପରର ସବୁ କଥା ସମସ୍ତଙ୍କ ସାମ୍ନାରେ। ଭୋଟିଂ ହେଲା ଓ ଇମ୍ରାନ୍ ସରକାର ଭୁଶୁଡ଼ି ପଡ଼ିଲା।
ତେବେ କୁହାଯାଉଛି ଯେ ସେଦିନ ରାତିରେ ଇମ୍ରାନ୍କୁ ଚାପୁଡ଼ା ମାରିଥିବା ବ୍ୟକ୍ତି ହେଉଛନ୍ତି ଆଇଏସ୍ଆଇ ମୁଖ୍ୟ। ଉଭୟଙ୍କ ଭିତରେ କଥା କଟା କଟି ହୋଇଥିଲା। ଶେଷରେ ଉତ୍କ୍ଷିପ୍ତ ହୋଇ ସେ ଇମ୍ରାନ୍ଙ୍କୁ ଚାପୁଡ଼ା ମାରିଥିଲେ।
Imran Khan was slapped by the ISI chief for not agreeing to resign? Know what’s the matter-इस्तीफे के लिए ना नुकूर पर इमरान खान को ISI चीफ ने मारा था थप्पड़? जानिए क्या है मामला https://t.co/D2t6t7U0BA
— Indialive24news (@indialive24news) April 16, 2022
ପ୍ରକାଶ ଯେ ଇମ୍ରାନ୍ ଖାନ୍ ପ୍ରଧାନମନ୍ତ୍ରୀ ପଦ ଛାଡ଼ିବା ନେଇ ଶେଷ ଯାଏଁ ଡ୍ରାମା ଚାଲିଥିଲା। ସେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପାଳନ କରିବାକୁ ବି ରାଜି ନଥିଲେ। ସେ ଅନାସ୍ଥା ଭୋଟ୍ ପାଇଁ ରାଜି ନଥିଲେ। ଇମ୍ରାନ୍ ସଂସଦକୁ ଭଙ୍ଗ କରି ପୁନର୍ବାର ନିର୍ବାଚନ ଚାହୁଁଥିଲେ। କିନ୍ତୁ ସେନା ତାଙ୍କୁ ସର୍ବୋଚ୍ଚ କୋର୍ଟଙ୍କ ଆଦେଶ ପାଳନ କରିବାକୁ କହିଥିଲା। କିନ୍ତୁ ଇମ୍ରାନ୍ ତାକୁ ବି ଖାତିର କରିନଥିଲେ। ସେ ସେନା ମୁଖ୍ୟ ଜେନେରାଲ କମର ଜାଭେଦ ବାଜଓ୍ଵାଙ୍କୁ ହଟାଇବାକୁ ବି ନୋଟିସ୍ ତିଆରି କରି ଦେଇଥିଲେ। ସେଥିରେ କେବଳ ନମ୍ବର ଲେଖିବା ବାକିଥିଲା। ତେବେ ଶେଷରେ ଇମ୍ରାନ୍ଙ୍କର ସବୁ ଚାଲ୍ ଫସର ଫାଟିଯାଇଥିଲା ଓ ତାଙ୍କୁ ଗାଦି ଛାଡ଼ିବାକୁ ପଡ଼ିଛି।
Also Read: ଆଜାନ୍ ସମୟରେ ଲାଉଡ୍ସ୍ପିକରରେ ବଜାଯାଉଛି ହନୁମାନ ଚାଳିଶା, ଛାତରେ ମାଇକ୍ ଲଗାଇଲେ କାଶୀ ବାସିନ୍ଦା
