କାଜିରଙ୍ଗା ନ୍ୟାସନାଲ ପାର୍କରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ମୋଦି, ହାତୀ ଉପରେ ବସି ବୁଲିଲେ ଜଙ୍ଗଲ
ଆସାମର କାଜିରଙ୍ଗା ଅଭୟାରଣ୍ୟ ବୁଲିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ହାତୀ ପିଠିରେ ବସିଲେ ଆଉ ଜିପ୍ ସଫାରୀ କଲେ । ଜାତିସଂଘ ଦ୍ବାରା ବିଶ୍ବ ଐତିହ୍ୟ ସ୍ଥଳ ଘୋଷିତ ଏହି ପ୍ରାଣୀ ଉଦ୍ୟାନକୁ ପ୍ରଥମ ଥର ଆସିଛନ୍ତି ମୋଦି । ପ୍ରଥମେ ସେ ସେର୍ଟ୍ରାଲ କୋହୋରା ରେଞ୍ଜରେ ହାତୀ ପିଠିରେ ବସି ବୁଲିଥିଲେ ।
ଆଜି ସକାଳୁ ସକାଳୁ ଆସାମର କାଜିରଙ୍ଗା ଅଭୟାରଣ୍ୟ ବୁଲିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ହାତୀ ପିଠିରେ ବସିଲେ ଆଉ ଜିପ୍ ସଫାରୀ କଲେ । ଜାତିସଂଘ ଦ୍ବାରା ବିଶ୍ବ ଐତିହ୍ୟ ସ୍ଥଳ ଘୋଷିତ ଏହି ପ୍ରାଣୀ ଉଦ୍ୟାନକୁ ପ୍ରଥମ ଥର ଆସିଛନ୍ତି ମୋଦି । ପ୍ରଥମେ ସେ ସେର୍ଟ୍ରାଲ କୋହୋରା ରେଞ୍ଜରେ ହାତୀ ପିଠିରେ ବସି ବୁଲିଥିଲେ । ପରେ ଜିପରେ ଅଭୟାରଣ୍ୟ ଭିତର ଅଞ୍ଚଳ ବୁଲି ଦେଖିଥିଲେ । ସକାଳ ସମୟ ୫ଟାରେ ହାତୀ ଉପରେ ବସି ବୁଲିଛନ୍ତି । ତାଙ୍କ ସହିତ ସଫାରୀର ନିର୍ଦ୍ଦେଶକ ସୋନାଲୀ ଘୋଷ ଏବଂ ଅନ୍ୟ ବରିଷ୍ଠ ବନ ଅଧିକାରୀ ରହିଥିଲେ ।
ଗତକାଲି ପ୍ରଧାନମନ୍ତ୍ରୀ ଦୁଇ ଦିନିଆ ଆସାମ ଗସ୍ତରେ ଆସିଛନ୍ତି । ଆଜି ସେ ଜୋରହାଟ ଯାଇ ୧୮ ହଜାର କୋଟିର ବିଭିନ୍ନ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିବେ । ଜୋରହାଟରେ ଅପରାହ୍ନରେ ମୋଦି ୧୨୫ ଫୁଟ ଉଚ୍ଚତାର ଷ୍ଟାଚ୍ୟୁ ଅଫ୍ ଭେଲରର ଉନ୍ମୋଚନ କରିବେ । ଏହାପରେ ଏକ ଜନସଭାକୁ ଉଦ୍ବୋଧନ କରିବା ପରେ ପଶ୍ଚିମବଙ୍ଗ ଫେରିଯିବେ । ପ୍ରଧାନମନ୍ତ୍ରୀ ଆସାମ ବ୍ୟତୀତ ଅରୁଣାଚଳ ପ୍ରଦେଶ, ପଶ୍ଚିମବଙ୍ଗ ଏବଂ ଉତ୍ତରପ୍ରଦେଶ ମଧ୍ୟ ଗସ୍ତ କରିବେ ।
This morning I was at the Kaziranga National Park in Assam. Nestled amidst lush greenery, this UNESCO World Heritage site is blessed with diverse flora and fauna including the majestic one horned rhinoceros. pic.twitter.com/68NEtoGAoz
— Narendra Modi (@narendramodi) March 9, 2024
