ପ୍ରସିଦ୍ଧ ଗାୟିକା ଲତା ମଙ୍ଗେସକର ଆଜି ଭୋର ସକାଳୁ ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଛି । ସେ ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରୁଥିଲେ ଯେଉଁଥିପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରି ଦିଆଯାଇଥିଲା । ସୂଚନା ଅନୁଯାୟୀ ଲତାଙ୍କର ସ୍ୱାସ୍ଥ୍ୟଅବସ୍ଥା ଖରାପ ହେଉଥିବାର ଦେଖି ତାଙ୍କୁ ରାତି ପ୍ରାୟ ୨ଟା ସମୟରେ ହସ୍ପିଟାଲ ନିଆଯାଇଥିଲା ଓ ଏହାପରେ ତାଙ୍କୁ ଓଉଟରେ ମଧ୍ୟ ଭର୍ତ୍ତି କରିଦିଆଯାଇଥିଲା । ଯଦିଓ ବର୍ତ୍ତମାନର ସୂଚନା ଅନୁଯାୟୀ ତାଙ୍କ ସ୍ୱାସ୍ଥ୍ୟ ଅବସ୍ଥାରେ ସୁଧାର ଆସୁଥିବା ଦେଖି ସନ୍ଧ୍ୟା ପର୍ଯ୍ୟନ୍ତ ତାଙ୍କୁ ବିଶ୍ରାମ ନେବାପାଇଁ ଘରକୁ ପଠାଇ ଦିଆଯାଇଛି । ନିକଟରେ ଲତା ନିଜର ୯୦ତମ ଜନ୍ମଦିନ ପାଳନ କରିଥିଲେ ।
ଲତା ମଙ୍ଗେସକର ମୋଟ ୩୬ଟି ଭାଷାରେ ୧୦୦୦ରୁ ଉର୍ଦ୍ଧ୍ୱ ଗୀତ ଗାଇ ସାରିଛନ୍ତି । ତାଙ୍କର ମହାନ କାମକୁ ଦେଖି ଭାରତ ସରକାର ୨୦୦୧ ମସିହାରେ ଲତାଙ୍କୁ ଦେଶର ସର୍ବୋଚ୍ଚ ନାଗରିକ ସମ୍ମାନ ଭାରତ ରତ୍ନରେ ସମ୍ମାନିତ କରିଥିଲେ । ଏହା ବ୍ୟତୀତ ତାଙ୍କୁ ଦାଦାସାହେବ ଫାଲକେ, ଭାରତ ରତ୍ନ ଓ ତିନୋଟି ନେସନାଲ ଆୱାର୍ଡ ସହିତ ଆହୁରି ଅନେକ ଆୱାର୍ଡ ମଧ୍ୟ ମିଳି ସାରିଛି ।
Namaskar. Meri bhaanji Padmini Kolhapure ek bahut acchi kalakar hai aur ab woh Panipat is film mein Gopika bai ka kirdaar nibha rahi hai. Main Padmini ko aashirwad deti hun aur Ashutosh aur unki team ko shubhkaamanayein deti hun. pic.twitter.com/bTZJMUjdYq
— Lata Mangeshkar (@mangeshkarlata) November 10, 2019
ଏହାସହ ପଢନ୍ତୁ ମାତ୍ର ୯୦ ଟଙ୍କା ଦେଇ କିଣିଥିଲେ ଫୁଲଦାନୀ କିନ୍ତୁ ବିକିଲେ ୪.୪ କୋଟି ଟଙ୍କାରେ, ଜାଣନ୍ତୁ କଣ ରହିଥିଲା ସ୍ୱତନ୍ତ୍ରତା
ସୂଚନା ଅନୁଯାୟୀ ରବିବାର ଲତା ମଙ୍ଗେସକର ଟ୍ୱିଟରରେ ଚଳଚ୍ଚିତ୍ର ପାନିପତରୁ ପଦ୍ମିନୀର କୋହ୍ଲାପୁରୀ ଲୁକ ସେୟାର କରିଥିଲେ । ସେ କହିଥିଲେ ଯେ ପଦ୍ମିନୀ ଗୋପିକା ବାଇଙ୍କର ଚରିତ୍ରରେ ଅଭିନୟ କରୁଛନ୍ତି । ମୋର ଭାଣିଜୀ ପଦ୍ମିନୀ କୋହ୍ଲାପୁରର ଜଣେ ବହୁତ ଭଲ କଳାକାର ଅଟନ୍ତି । ମୁଁ ପଦ୍ମିନୀଙ୍କୁ ଆଶୀର୍ବାଦ କରୁଛି ଓ ଆଶୁତୋଷ ଏବଂ ତାଙ୍କ ଟିମକୁ ଶୁଭକାମନା ଜଣାଉଛି ।