ରୁଷ କାରଖାନାରେ ଭୟଙ୍କର ବିସ୍ଫୋରଣ: ୬ ମୃତ, ଦୁଇ ଗୁରୁତର
ରୁଷର ଏକ କାରଖାନାରେ ବିସ୍ଫୋରଣ ଘଟି ୬ ଲୋକଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଆହତ ହୋଇଛନ୍ତି । ଏହି କାରଖାନାରେ ବିସ୍ଫୋରକ ପଦାର୍ଥ ତିଆରି କରାଯାଉଥିଲା ।ସ୍ଥାନୀୟ ଲୋକ ବିସ୍ଫୋରଣ ଯୋଗୁଁ ଭୟଭୀତ ହୋଇଯାଇଛନ୍ତି।
ରୁଷର ଏକ କାରଖାନାରେ ବିସ୍ଫୋରଣ ଘଟି ୬ ଲୋକଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଆହତ ହୋଇଛନ୍ତି । ରୁଷ ସାମାଚାର ଏଜେନ୍ସୀ ଦ୍ୱାରା ସୂଚନା ମିଳିଛି । ବିସ୍ଫୋରଣ ରୁଷର ସମାରା ସ୍ଥିତ ଫ୍ୟାକ୍ଟ୍ରିରେ ହୋଇଛି । ଏହି କାରଖାନାରେ ବିସ୍ଫୋରକ ପଦାର୍ଥ ତିଆରି କରାଯାଉଥିଲା । ବିସ୍ଫୋରଣ ଏତେ ଭୟଙ୍କର ଥିଲା ଯେ, ଆଖପାଖ ଘର ଥରି ଉଠିଥିଲା । ସ୍ଥାନୀୟ ଲୋକ ବିସ୍ଫୋରଣ ଯୋଗୁଁ ଭୟଭୀତ ହୋଇଯାଇଥିଲେ ।
ଆହତ ମାନଙ୍କୁ ଚିକିତ୍ସା ପାଇଁ ହସପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ଅବସ୍ଥା ଗୁରୁତର ବୋଲି ଜଣାପଡିଛି । କିନ୍ତୁ କାରଖାନା ତରଫରୁ ବିସ୍ଫୋରଣକୁ ନେଇ କୌଣସି ବୟାନ ଜାରି କରାଯାଇନି । କର୍ମଚାରୀ କାମ କରୁଥିବା ସମୟରେ ବିସ୍ଫୋରଣ ହୋଇଥିଲା । କିନ୍ତୁ ମୃତକଙ୍କ ପରିଚୟ ବିଷୟରେ ଏପର୍ଯ୍ୟନ୍ତ ଖୁଲାସା ହୋଇନାହିଁ ।
#BREAKING Blast at explosives factory kills six in central Russia: Russian agencies pic.twitter.com/aHd7ME8px4
— AFP News Agency (@AFP) July 7, 2023
ବିଗତ କିଛିଦିନ ହେଲାଣି ରୁଷର କାରଖାନାରେ ଅନେକ ସମୟରେ ବିସ୍ଫୋରଣ ହେଉଛି । ଗତ ମାସରେ ରୁଷ ସ୍ଥିତି ତାମ୍ବେଓ୍ଵ ବାରୁଦ କାରଖାନାରେ ଭୀଷଣ ବିସ୍ଫୋରଣ ହୋଇ ୫ ଜଣଙ୍କର ମୃତ୍ୟୁ ହୋଇଥିଲା ।
ସୂଚନାଯୋଗ୍ୟ, ରୁଷ ଏବଂ ୟୁକ୍ରେନ ମଧ୍ୟରେ ୫୦୦ ଦିନ ହେଲାଣି ଯୁଦ୍ଧ ଚାଲିଛି । ଗତବର୍ଷ ଫେବୃଆରୀରୁ ଆରମ୍ଭ ହୋଇଥିବା ଏହି ଯୁଦ୍ଧ ପରେ ମସ୍କୋରେ ହାଇ ଆଲର୍ଟ ରହିଛି ।