ଆଜି ସନ୍ଧ୍ୟାରେ ବୋହୂ ରୂପରେ ସଜେଇ ହେବ ରାମନଗରୀ ଅଯୋଧ୍ୟା। ଆୟୋଜନ ହେବ ଭବ୍ୟ ଦୀପୋତ୍ସବ କାର୍ଯ୍ୟକ୍ରମ, ଯେଉଁଥିରେ ୧୨ ଲକ୍ଷ ମାଟି ଦୀପ ଜଳାଯିବ। ଉତ୍ତର ପ୍ରଦେଶର ଅଯୋଧ୍ୟାରେ ବୁଧବାର ସନ୍ଧ୍ୟାରେ ଭବ୍ୟ ଦୀପୋତ୍ସବ କାର୍ଯ୍ୟକ୍ରମ ଆୟୋଜନ କରାଯାଇଛି। ଏଥର ମୁଖ୍ୟମନ୍ତ୍ରୀ ଯୋଗ୍ୟ ଆଦିତ୍ୟନାଥ ଅଯୋଧ୍ୟାରେ ଏହି ଦୀପୋତ୍ସବ କାର୍ଯ୍ୟକ୍ରମ ଆୟୋଜନ କରିଛନ୍ତି। ଏଥିରେ ପ୍ରଭୁ ଶ୍ରୀରାମଙ୍କ ପାଦପଦ୍ମରେ ୯ ଲକ୍ଷ ଦୀପ ଏବଂ ଅଯୋଧ୍ୟାର ବାକି ଭାଗରେ ୩ ଲକ୍ଷ ଦୀପ ପ୍ରଜ୍ଜ୍ୱଳନ କରାଯିବ। Guinness Book of World Recordsର ଟିମ୍ ସେଠାରେ ଉପସ୍ଥିତ ରହି ଦୀପଗୁଡ଼ିକୁ ଗଣନା କରିବାରେ ଲାଗି ପଡ଼ିଛନ୍ତି। ଆଜି ଦୀପୋତ୍ସବ ପରେ ରେକର୍ଡ ବନାଯିବ।
ଏହି ଆୟୋଜନକୁ ନେଇ ଅଯୋଧ୍ୟାରେ ୭ ସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ସ୍ଥାନୀୟ ଏସ୍ଏସ୍ପି ଶୈଲେଶ ପାଣ୍ଡେ କହିଛନ୍ତି, ସହରରେ ସୁରକ୍ଷା ବ୍ୟବସ୍ଥାକୁ ମଜଭୁତ କରିବା ପାଇଁ ପୋଲିସ, ସ୍ୱତନ୍ତ୍ର ଅଭିଯାନ ସମୂହ ଏବଂ ସ୍ୱତନ୍ତ୍ର ସୁରକ୍ଷା ବଳକୁ ନିୟୋଜିତ କରାଯାଇଛି। ପାଣ୍ଡେ ଆହୁରି କହିଛନ୍ତି ଯେ ଆମେ ସୁରକ୍ଷାର ଯାଞ୍ଚ କରିବା ଏବଂ ଗୁଇନ୍ଦା ସୂଚନା ପଠାଇବା ପାଇଁ ସାଧାରଣ ପୋଷାକଧାରୀ ଅନେକ ପୋଲିସ କର୍ମୀଙ୍କୁ ମୁତୟନ କରିଛୁ। ସରଜୁ ନଦୀ ଘାଟରେ ଜୀବନ ରକ୍ଷକ ଉପକରଣ ସହିତ ୪୦ ବୋଟ୍ ମୁତୟନ ରହିଛନ୍ତି। ସୁରକ୍ଷା କର୍ମୀମାନେ ଚାରିଆଡ଼କୁ ତୀକ୍ଷ୍ଣ ନଜର ରଖିଛନ୍ତି।
ଆତଙ୍କୀ ସଙ୍ଗଠନ ପଠାଇ ଥିଲା ଧମକପୂର୍ଣ୍ଣ ଚିଠି
କହି ରଖୁଛୁ, ନିକଟରେ ଲସ୍କର-ଏ-ତୈୟବା (ଏଲ୍ଇଟି)ର ଜଣେ ଆତଙ୍କବାଦୀ କମାଣ୍ଡର ଲେଖିଥିବା ଏକ ଧମକପୂର୍ଣ୍ଣ ଚିଠି ମିଳିଥିଲା। ଚିଠି ମିଳିବା ପରେ ସୁରକ୍ଷା ବ୍ୟବସ୍ଥାକୁ ବର୍ତ୍ତମାନ ବଢ଼ାଇ ଦିଆଯାଇଛି। ଉକ୍ତ ଚିଠିରେ ଅଯୋଧ୍ୟା ସମେତ ୪୬ ରେଲେଓ୍ଵ ଷ୍ଟେଶନକୁ ଉଡ଼ାଇ ଦେବାକୁ ଧମକ ଦିଆଯାଇଥିଲା। ସହରର ସୀମାକୁ ସିଲ୍ କରି ଦିଆଯାଇଛି। ଭିଆଇପି ଏବଂ ଅଧିକାରୀମାନଙ୍କ କାର୍କୁ ଛାଡ଼ି ବାକି ଗାଡ଼ିଗୁଡ଼ିକର ପ୍ରବେଶ ଉପରେ କଡ଼ା ପ୍ରତିବନ୍ଧକ ଲଗାଇ ଦିଆଯାଇଛି। ସେପଟେ ଆମ୍ବୁଲାନ୍ସ ଯିବାଆସିବା ପାଇଁ ସ୍ୱତନ୍ତ୍ର ଡ୍ୟୁଟି ଅଧିକାରୀମାନଙ୍କୁ ମଧ୍ୟ ମୁତୟନ କରାଯାଇଛି।
୨୦୦ କଳାକାର ଶୋଭାଯାତ୍ରାରେ ଭାଗ ନେବେ
ଆଜି ପୂରା ଦେଶ ଏବଂ ସାର୍କ ଦେଶଗୁଡ଼ିକରେ ପାଖାପାଖି ୨୦୦ କଳାକାର ଶୋଭାଯାତ୍ରାରେ ଭାଗ ନେବେ। ଏହି ସମୟରେ ସେମାନେ ରାମାୟଣର ଦୃଶ୍ୟଗୁଡ଼ିକୁ ଚିତ୍ରିତ କରିବେ। ଏଥି ସହିତ ରାମ କଥା ପାର୍କରେ ବିଶିଷ୍ଟ ଅତିଥିମାନଙ୍କର ସ୍ୱାଗତ ବୈଦିକ ମନ୍ତ୍ର ଉଚ୍ଚାରଣ ସହିତ କରାଯିବ। ଏହି ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ରାଜ୍ୟପାଳ ଆନନ୍ଦୀବେନ ପଟେଲ ବିକାଶ ଯୋଜନାଗୁଡ଼ିକର ଉଦ୍ଘାଟନ ସହ ଶିଳାନ୍ୟାସ କରିବେ। ଅଯୋଧ୍ୟାର ପରମ୍ପରା ଓ ସଂସ୍କୃତି ଉପରେ ଏକ ପୁସ୍ତକ ମଧ୍ୟ ଉନ୍ମୋଚନ ହେବ।
अयोध्या में सरयू किनारे दीपोत्सव की तैयारियों के मोहक दृश्य।
#DeepotsavInAyodhya pic.twitter.com/h7Iatg7YfA
— BJP Uttar Pradesh (@BJP4UP) November 3, 2021