ଟ୍ରକରେ ବୁଲି ପୋଷାକ ବିକ୍ରି କରୁଛନ୍ତି ବଡ଼ ବଡ଼ ବ୍ରାଣ୍ଡ, ଲୋକେ କହିଲେ ୨୦୨୦ରେ ଆଉ କଣ ଦେଖିବାକୁ ବାକି ରହିଲା
ନିକଟରେ ଅମିତ ତ୍ରାଧାନୀ ନାମକ ଜଣେ ଟ୍ୱିଟର ୟୁଜର ଏକ ଏମିତି ଫଟୋ ସେୟାର କରିଛନ୍ତି ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହି ଫଟୋରେ ସେ କ୍ୟାପ୍ସନ ରେ ଲେଖିଛନ୍ତି “ଏବେ ଦୋକାନ ଆମ ସୋସାଇଟିକୁ ଆସୁଛି” । ପ୍ରକୃତରେ ଏହି ଫଟୋରେ ଏକ ପ୍ରସିଦ୍ଧ ବ୍ରାଣ୍ଡର ପୋଷାକ ଟ୍ରକରେ ବିକ୍ରି କରାଯାଉଥିବା ଦେଖିବାକୁ ମିଳିଛି ।
Shops are coming to our society now! pic.twitter.com/Vbtt6IEKJP
— Amit Thadhani (@amitsurg) September 2, 2020
ଏପରି ବ୍ରାଣ୍ଡ ଯାହା କେବେ ଟ୍ରକରେ ବିକ୍ରି କରାଯାଇନଥାଏ । ଏହିପରି ବ୍ରାଣ୍ଡ ଗୁଡିକ କେବଳ ବଡ ବଡ ସପିଙ୍ଗ ମଲରେ ହିଁ ଦେଖିବାକୁ ମିଳିଥାଏ । କିନ୍ତୁ ଏହି ଫଟୋ ଦେଖିବା ପରେ ଜଣାପଡୁଛି ଯେ କରୋନା ପାଇଁ ବିଜନେସର ଅବସ୍ଥା କେତେ ତଳକୁ ଖସିଯାଇଛି । ତେବେ ଏହି ଫଟୋ ଦେଖି କିଛି ଲୋକଙ୍କୁ ସେହି ସମୟର କଥା ମାନେ ପଡିଯାଇଛି ଯେତେବେଳେ ସାଇକେଲ କିମ୍ବା ମାତ୍ର ସାଇକେଲରେ ଲୋକେ କପଡା ନେଇ ବୁଲି ବୁଲି ବିକ୍ରି କରୁଥିଲେ । ତେବେ କିଛି ଲୋକଙ୍କୁ ଏହି ଆଇଡ଼ିଆ ପସନ୍ଦ ମଧ୍ୟ ଆସିଛି ।
Kerala: An autorickshaw drivers in Kochi is now using his autos as carts and selling vegetables to houses, as he faces financial crisis amid #COVID19 pandemic. Abu, the driver says, “There aren’t many passengers now. So I decided to do this as I felt like we are going to starve.” pic.twitter.com/J8VAR4Z2lx
— ANI (@ANI) September 4, 2020
ଠିକ ସେହିପରି ଆଉ ଏକ ଘଟଣା କୋଚିରେ ଦେଖିବାକୁ ମିଳିଛି । ଯେଉଁଠି ପର୍ଯ୍ୟାପ୍ତ ଯାତ୍ରୀ ନମିଳିବା କାରଣରୁ ଜଣେ ଅଟୋ ଡ୍ରାଇଭର ଘର ଘର ବୁଲି ଅଟୋ ସାହାଯ୍ୟରେ ପରିବା ବିକ୍ରି କରୁଥିବା ଦେଖିବାକୁ ମିଳିଛି ଯାହାଦ୍ୱାରା ସେ ତାଙ୍କର ଗୁଜୁରାଣ ମେଣ୍ଟାଇ ପାରିବେ ।
