ବିମାନରେ ଧୋନିଙ୍କୁ ଚକୋଲେଟ୍ ଯାଚିଲେ ଏୟାରହଷ୍ଟେସ, ଗୋଟେ ଚକୋଲେଟ ଧରି ମାହି ଦେଲେ ସ୍ମିତହାସ୍ୟ : ଭିଡିଓ ଭାଇରଲ
ବିମାନରେ Candy Crush ଖେଳୁଥିଲେ ଧୋନି। ଏହି ସମୟରେ ଏୟାରହଷ୍ଟେସ ଯାଚିଲେ ଚକୋଲେଟ । ଆଉ ଧୋନି ଏଥିରୁ ଗୋଟେ ଉଠାଇ ନେଇ ଏୟାରହଷ୍ଟେସଙ୍କୁ ଦେଖି ହସିଦେଇଛନ୍ତି । ଯାହାର ଭିଡିଓ ଭାଇରଲ ହେଉଛି ।
ଟିମ୍ ଇଣ୍ଡିଆର ପୂର୍ବତନ ଅଧିନାୟକ ଏମଏସ ଧୋନି ରିଟାୟର୍ଡମେଣ୍ଟ ପରେ ସମୟ ଅତିବାହିତ କରିବା ପାଇଁ ବୁଲିବାକୁ କିମ୍ବା ଫାର୍ମ ହାଉସକୁ ଯାଇଥାନ୍ତି । ଧୋନି ଇଣ୍ଟରନ୍ୟାସନାଲ କ୍ରିକେଟରୁ ସନ୍ନ୍ୟାସ ନେବା ପରେ ଆଇପିଏଲରେ ଖେଳୁଛନ୍ତି । ଧୋନିଙ୍କ ଅଧିନାୟକତ୍ବରେ ଚେନ୍ନାଇ ସୁପରକିଙ୍ଗସ ଆଇପିଏଲ୍ ୨୦୨୩ ଟାଇଟଲ ଜିତିଛି । ଧୋନିଙ୍କ ଖେଳିବାର ଷ୍ଟାଇଲ ଏବଂ କୁଲ ଅନ୍ଦାଜ ପାଇଁ ସବୁବେଳେ ଫ୍ୟାନ୍ସ ତାଙ୍କୁ ପସନ୍ଦ କରନ୍ତି । କେବଳ ମ୍ୟାଚ୍ ନୁହେଁ ଅନ୍ୟ ସମୟରେ ମଧ୍ୟ ଚର୍ଚ୍ଚାକୁ ଆସିଥାନ୍ତି ଧୋନି । ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହେଉଛି । ଭାଇରାଲ ଭିଡିଓରେ ଧୋନି ବିମାନ ଭିତରେ ଗେମ୍ ଖେଳୁଥିବା ଦେଖିବାକୁ ମିଳିଛନ୍ତି । ଧୋନି ବିମାନ ଭିତରେ କ୍ୟାଣ୍ଡି କ୍ରସ ଖେଳୁଥିବାର ଦେଖିବାକୁ ମିଳିଛନ୍ତି ।
ଭିଡିଓରେ ଦେଖିବାକ ମିଳିଛି, ଧୋନି ବିମାନରେ ଯାତ୍ରା କରୁଥିବା ସମୟରେ ଜଣେ ଏୟାରହଷ୍ଟେସ ତାଙ୍କୁ ଚକୋଲେଟ ଭର୍ତ୍ତି ଥିବା ଟ୍ରେ ଦେଖାଇଛନ୍ତି । ଆଉ ଧୋନି ତା’ ମଧ୍ୟରୁ ଗୋଟିଏ ମାତ୍ର ଚକୋଲେଟ ଉଠାଇଛନ୍ତି ଧୋନି ଆଉ ଏୟାରହଷ୍ଟେସଙ୍କୁ ଦେଖି ହସିଦେଉଛନ୍ତି । ଏହି ସମୟରେ ଧୋନି ନିଜ ଟ୍ୟାବ୍ ରେ Candy Crush ଖେଳୁଥିଲେ । ଭିଡିଓଟି ଟ୍ବିଟରରେ ସେୟାର ହେବା ପରେ ଏହାକୁ ୧୫୦୦ରୁ ଅଧିକ ଲାଇକ ମିଳିସାରିଛି । ଆଉ ଭିଡିଓକୁ ଅନେକ ଫ୍ୟାନ୍ସ କମେଣ୍ଟ ମଧ୍ୟ କରିଛନ୍ତି ।
The way he winks his eyes 🥺
Also the way she is acting kittenish while having is wife right next to him 🥰What a video @msdhoni 🤩 pic.twitter.com/SkrhQeZnDE
— LEO (@BoyOfMasses) June 25, 2023
ମାହି Candy Crush ଖେଳୁଥିବାର ଦେଖି ଫ୍ୟାନ୍ସ ସୋସିଆଲ ମିଡିଆରେ ଆଲୋଚନା କରିଥିଲେ । ପରେ ଟ୍ବିଟରରେ Candy Crush ଟ୍ରେଣ୍ଡ କରିବା ଆରମ୍ଭ କରିଥିଲା । କିଛି ୟୁଜର୍ସଧୋନି ଖେଳୁଥିବା ଖେଳ Candy Crush ନୁହେଁ ବରଂ Pet Rescue Saga।
Candy Crush ଟପ୍ ଟ୍ରେଣ୍ଡ ହେବା ପରେ ମୋବାଇଲ୍ ଆପ୍ ପ୍ରାୟ ୩୦ ଲକ୍ଷ ନୂଆ ୟୁଜର୍ ଯୋଡିଥିଲା । ଗେମ୍ କମ୍ପାନୀ ଦାବି କରିଛି ଯେ, ମାତ୍ର ୩ ଘଣ୍ଟା ମଧ୍ୟରେ ୩୦ ଲକ୍ଷରୁ ଅଧିକ ଲୋକ ଏହି ଆପ୍ ଡାଉନଲୋଡ୍ କରିଛନ୍ତି । ଖେଳର ଟ୍ରେଣ୍ଡ ପାଇଁ Candy Crush ମାଲିକ ଧୋନିଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ।
Just In – We Got 3.6 Million New Downloads in just 3 hours.
Thanks to the Indian Cricket Legend @msdhoni . We are Trending In India Just Because Of You.
~ Team Candy Crush Saga pic.twitter.com/LkpY8smxzA
— Candy Crush Saga Official (@teams_dream) June 25, 2023
