ଏସୀୟ କ୍ରୀଡ଼ା : ଭାରତକୁ ୪ର୍ଥ ସ୍ୱର୍ଣ୍ଣ, ୨୫ ମିଟର ପିସ୍ତଲ ଇଭେଣ୍ଟରେ ମିଳିଲା
ଏସୀୟ କ୍ରୀଡ଼ା ଚତୁର୍ଥ ଦିନରେ ଭାରତକୁ ଦୁଇଟି ପଦକ ମିଳିଛି । ଭାରତକୁ ମହିଳା ୨୫ ମିଟର ପିସ୍ତଲ ଟିମରେ ସ୍ୱର୍ଣ୍ଣ ପାଇଥିବା ବେଳେ ୫୦ ମିଟର ରାଇଫଲରେ ରୌପ୍ୟ ପାଇଛି । ଭାରତର ପଦକ ସଂଖ୍ୟା ୧୬ରେ ପହଞ୍ଚିଛି ।
ଏସୀୟ କ୍ରୀଡ଼ାରେ ଭାରତକୁ ମିଳିଛି ୪ର୍ଥ ସ୍ୱର୍ଣ୍ଣ ପଦକ । ମହିଳା ୨୫ ମିଟର ପିସ୍ତଲ ଟିମରେ ସ୍ୱର୍ଣ୍ଣ ପଦକ ହାସଲ କରିଛି । ଏହାସହିତ ଭାରତ ୪ର୍ଥ ସ୍ୱର୍ଣ୍ଣ ପଦକ ଜିତିବା ସହିତ ମୋଟ ପଦକ ସଂଖ୍ୟା ୧୬ରେ ପହଞ୍ଚିଛି । ଶୁଟିଂର ୨୫ମି ପିସ୍ତଲ ଇଭେଣ୍ଟରେ ମହିଳା ଟିମ୍ ପ୍ରଥମ ସ୍ଥାନ ଅଧିକାର କରିଛି । ସେହିଭଳି ୫୦ମି ରାଇଫଲରେ ଭାରତୀୟ ମହିଳା ଟିମ୍ ୩ୟ ସ୍ଥାନ ଅଧିକାର କରି ରୌପ୍ୟ ପାଇ ପଦକ ସଂଖ୍ୟା ୧୫ରେ ପହଞ୍ଚାଇଥିଲେ ।
🇮🇳 𝗟𝗜𝗩𝗘 𝗨𝗣𝗗𝗔𝗧𝗘: #Shooting
𝟮𝟱𝗺 𝗣𝗶𝘀𝘁𝗼𝗹
Manu Bhaker, Esha Singh currently in qualifying spots
Team looking good for GOLD medal𝟱𝟬𝗺 𝗥𝗶𝗳𝗹𝗲 𝟯𝗣
Sift Kaur, Ashi Chouksey currently in qualifying spots
Team looking good for a medal #AsianGames…— Team India at the Asian Games 🇮🇳 (@sportwalkmedia) September 27, 2023
ଚତୁର୍ଥ ଦିନ ଆରମ୍ଭରୁ ଭାରତ ଗୋଟିଏ ସ୍ୱର୍ଣ୍ଣ ଓ ଗୋଟିଏ ରୌପ୍ୟ ପଦକ ହାସଲ କରିଛି । ମାନୁ ଭାକର, ଇଶା ସିଂହ ଓ ଆର. ସାଙ୍ଗୱାନ ଶୁଟିଂରେ ସ୍ୱର୍ଣ୍ଣ ହାସଲ କରିଥିଲେ । ୩ଟି ‘ରାପିଡ୍ ରାଉଣ୍ଡ୍’ରେ ମନୁ ଭାକର୍ ୯୯, ୯୯ ଓ ୧.୯୮ ସ୍କୋର୍ କରି ଭାରତ ପାଇଁ ସ୍ବର୍ଣ୍ଣ ପଦକ ଆଣିଛନ୍ତି। ସେହିପରି ମହିଳା ୫୦ମି ରାଇଫଲ ୩ ପୋଜିସନ ଟିମ ଇଭେଣ୍ଟରେ ଭାରତ ରୌପ୍ୟ ପଦକ ହାସଲ କରିଥିଲା । ଏହାଫଳରେ ଭାରତର ମୋଟ ପଦକ ସଂଖ୍ୟା ୧୬ରେ ପହଞ୍ଚିବା ସହ ଭାରତର ପଏଣ୍ଟ ଟେବୁଲରେ ସପ୍ତମ ସ୍ଥାନରେ ରହିଛି ।
ସେହିପରି ଭାରତୀୟ ଅଶ୍ୱଚାଳନା ଟିମ୍ ୪୧ ବର୍ଷ ପରେ ସ୍ୱର୍ଣ୍ଣ ଜିତି ଇତିହାସ ରଚିଛି । ଭାରତୀୟ ଅଶ୍ୱଚାଳନ ଟିମରେ ସୁଦିପ୍ତ ହଜେଲ, ଦିବ୍ୟକିର୍ତ୍ତୀ ସିଂହ, ଅନୁଶ ଅଗ୍ରଓ୍ଵାଲ ଏବଂ ହୃଦୟ ଚେଡା ଭଲ ପ୍ରଦର୍ଶନ କରି ଇଭେଣ୍ଟରେ ସ୍ୱର୍ଣ୍ଣ ଜିତିଥିଲେ । ଭାରତୀୟ ମହିଳା କ୍ରିକେଟ ଟିମ୍ ମଧ୍ୟ ଏସୀୟ କ୍ରୀଡ଼ାରେ ସ୍ୱର୍ଣ୍ଣ ପଦକ ହାସଲ କରିଛି ।
