ଇତିହାସ ରଚିଲା ଭାରତୀୟ ମହିଳା ବ୍ଲାଇଣ୍ଡ କ୍ରିକେଟ୍ ଟିମ, ଅଷ୍ଟ୍ରେଲିଆକୁ ହରାଇ ହାସଲ କଲା ସ୍ୱର୍ଣ୍ଣ
ଭାରତୀୟ ମହିଳା ବ୍ଲାଇଣ୍ଡ କ୍ରିକେଟ୍ ଟିମ IBSA ଓ୍ଵାର୍ଲ୍ଡ ଗେମ୍ସ ୨୦୨୩ର ଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରି ୨୬ ଅଗଷ୍ଟ ଶନିବାର ଦିନ ସ୍ୱର୍ଣ୍ଣ ପଦକ ହାସଲ କରିଛି । ଭାରତୀୟ ମହିଳା ଟିମ ଇଂଲଣ୍ଡର ଏଜବାଷ୍ଟନ୍ରେ ଅନୁଷ୍ଠିତ ଏକ ଟି –୨୦ ମ୍ୟାଚ୍ରେ DLS ନିୟମ ଆଧାରରେ ନଅ ୱିକେଟ୍ ନେଇ ଶକ୍ତିଶାଳୀ ଅଷ୍ଟ୍ରେଲିଆକୁ ପରାସ୍ତ କରିଛି ।
ଭାରତ ପାଇଁ ଏକ ଐତିହାସିକ ମୁହୂର୍ତ୍ତ ସୃଷ୍ଟି ହୋଇଛି । ଭାରତୀୟ ମହିଳା ବ୍ଲାଇଣ୍ଡ କ୍ରିକେଟ୍ ଟିମ IBSA ଓ୍ଵାର୍ଲ୍ଡ ଗେମ୍ସ ୨୦୨୩ର ଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରି ୨୬ ଅଗଷ୍ଟ ଶନିବାର ଦିନ ସ୍ୱର୍ଣ୍ଣ ପଦକ ହାସଲ କରିଛି । ଭାରତୀୟ ମହିଳା ଟିମ ଇଂଲଣ୍ଡର ଏଜବାଷ୍ଟନ୍ରେ ଅନୁଷ୍ଠିତ ଏକ ଟି –୨୦ ମ୍ୟାଚ୍ରେ DLS ନିୟମ ଆଧାରରେ ନଅ ୱିକେଟ୍ ନେଇ ଶକ୍ତିଶାଳୀ ଅଷ୍ଟ୍ରେଲିଆକୁ ପରାସ୍ତ କରିଛି ।
ପ୍ରଥମ ଥର ପାଇଁ IBSA ଓ୍ଵାର୍ଲ୍ଡ ଗେମ୍ସରେ କ୍ରିକେଟ ସାମିଲ ହୋଇଛି ଏବଂ ଭାରତର ଉଭୟ ପୁରୁଷ ଓ ମହିଳା ବ୍ଲାଇଣ୍ଡ ଟିମ ଫାଇନାଲରେ ପହଞ୍ଚି ଇତିହାସ ସୃଷ୍ଟି କରିଛନ୍ତି । ବର୍ତ୍ତମାନ ବ୍ଲୁ ଇନ୍ ମହିଳାମାନେ ବିଶ୍ୱ ସ୍ତରରେ ଏକ ସ୍ୱର୍ଣ୍ଣ ପଦକ ଜିତି ଭାରତକୁ ଗର୍ବିତ କରିଛନ୍ତି । ଅନ୍ୟପଟେ ପୁରୁଷ ଟିମ ଫାଇନାଲରେ ପାକିସ୍ତାନ ଠାରୁ ପରାସ୍ତର ସାମ୍ନା କରିବାକୁ ପଡ଼ିଥିଲା । ଯେଉଁଥିପାଇଁ ସେମାନେ ସିଲଭର ମେଡାଲ ନିଜ ନାମରେ କରିଥିଲେ ।
ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରୁଥିବାବେଳେ ଆଠ ୱିକେଟ୍ ପାଇଁ ମାତ୍ର ୧୧୫ ରନ୍ ସ୍କୋର କରିବାରେ ସଫଳ ହୋଇଥିଲା । ମିଡିଲ୍ ଅର୍ଡର ବ୍ୟାଟ୍ସମ୍ୟାନ୍ ଲୁଇସ୍ ୨୮ ବଲରେ ୨୯ ରନ୍ କରିଥିଲେ ଏବଂ ୱେବକ୍ ୨୬ଟି ବଲରେ ୩୦ ରନ୍ ସହ ଅଷ୍ଟ୍ରେଲିଆକୁ ଏକ ଚ୍ୟାଲେଞ୍ଜିଂ ସ୍କୋର କରିବାରେ ସାହାଯ୍ୟ କରିଥିଲେ । ଭାରତ ପାଇଁ ଦୀପିକା, ଡେଭିସ୍ ଏବଂ ଟୁଡୁ ଗୋଟିଏ ଲେଖାଏଁ ୱିକେଟ୍ ନେଇଥିବା ବେଳେ ଅବଶିଷ୍ଟ ପାଞ୍ଚଟି ୱିକେଟ୍ ରନ୍ ଆଉଟ୍ ହୋଇଯାଇଥିଲା ।
ଏହି ସମୟରେ, ଭାରତ ଲକ୍ଷ୍ୟକୁ ଛୁଇଁବା ଆରମ୍ଭ କଲାବେଳେ ବର୍ଷା ହୋଇଥିଲା ଯାହା ଖେଳରେ ବାଧା ସୃଷ୍ଟି କରିଥିଲା । ଓପନର୍ ନୀଲାପ୍ପା ମାତ୍ର ଆଠ ରନରେ ବାହାରିଥିଲେ କିନ୍ତୁ ଦୀପିକା ୧୧ଟି ବଲରେ ୧୮ ସ୍କୋର କରି ୩.୩ ଓଭରରେ ସ୍କୋରବୋର୍ଡରେ ୪୩ ରନ୍ କରିଥିଲେ । ଭାରତ DLS ନିୟମ ଅନୁସାରେ ଏହି ଖେଳ ଜିତିଥିଲା ଏବଂ ପ୍ରଥମ ସ୍ୱର୍ଣ୍ଣ ପଦକ ସହିତ ଇତିହାସ ପୃଷ୍ଠାରେ ନିଜ ନାମ ଲେଖିଥିଲା ।
