ସରିଲା ବିଶ୍ବକପ୍ । ବିଶ୍ବବିଜେତା ହେଲା ଇଂଲଣ୍ଡ । ସେମିଫାଇନାଲରେ ନ୍ୟୁଜିଲାଣ୍ଡଠୁ ହାରି ବିଶ୍ବକପରୁ ବିଦା ହେଲା ଟିମ୍ ଇଣ୍ଡିଆ । ତଥାପି ଏହାକୁ ନେଇ ଥମିବାର ନା ଧରୁନି ଚର୍ଚ୍ଚା । ସାମ୍ନାକୁ ଆସୁଛି ଗୋଟିଏ ପରେ ଗୋଟିଏ ଖବର । ଏହି ପରାଜୟ ପରେ ୧୫ ଭାରତୀୟ ଖେଳାଳିଙ୍କ ବାର୍ଷିକ ଆୟର ଜାରି ହୋଇଛି ଲିଷ୍ଟ । ଏମାନେ ସେହି ଖେଳାଳି ଯେଉଁମାନଙ୍କ ବିଶ୍ବକପରେ ନିଜର ଯୋଗଦାନ କରିଥିଲେ ।
ଲିଷ୍ଟର ସବୁଠାରୁ ଟପରେ ଅଛନ୍ତି ରୋହିତ ଶର୍ମା । ତାଙ୍କର ବାର୍ଷିକ ଆୟ ହେଉଛି ୭ କୋଟି । ସେହିପରି କ୍ୟାପଟେନ୍ କୋହଲିଙ୍କର ବାର୍ଷିକ ଆୟ ହେଉଛି ୭ କୋଟି । ରୋହିତ ଏବଂ ବିରାଟଙ୍କ ପରେ ଅଛନ୍ତି ଶିଖର ଧୱନ । ଶିଖରଙ୍କ ବାର୍ଷିକ ରୋଜଗାର ୫ କୋଟି ହୋଇଥିବା ବେଳେ ଲୋକେଶ୍ ରାହୁଲଙ୍କର ହେଉଛି ୩ କୋଟି । ତେବେ ଜାଣି ଆଶ୍ଚର୍ଯ୍ୟ ହେବେ ରୋହିତ୍ ଏବଂ ବିରାଟଙ୍କ ପରେ ଅଛନ୍ତି ଧୋନୀ। ମାହିଙ୍କର ବାର୍ଷିକ ଆୟ ହେଉଛି ୫ କୋଟି । ଏପରିକି ଜସପ୍ରିତ ବୁମରାହଙ୍କର ଆୟ ଧୋନୀଙ୍କଠାରୁ ଅଧିକ । ବୁମରାହଙ୍କ ବାର୍ଷିକ ଆୟ ହେଉଛି ୭ କୋଟି ।
ଏହା ସହ ପଢନ୍ତୁ ବଳିଦାନ ରୁ ମାରପିଟ୍ ପର୍ଯ୍ୟନ୍ତ . . ଏହି ସବୁ ସ୍ମୃତି ଏବଂ ବିବାଦ ପାଇଁ ମନେ ରହିବ ବିଶ୍ବକପ୍ ୨୦୧୯
ସେହିପରି ଦିନେଶ କାର୍ତ୍ତିକଙ୍କର ଆୟ ୧ କୋଟି ହୋଇଥିବା ବେଳେ ହାର୍ଦ୍ଦିକ ପାଣ୍ଡ୍ୟାଙ୍କର ୩ କୋଟି, ଜାଡେଜାଙ୍କର ୫ କୋଟି ଏବଂ କେଦାର ଯାଦବଙ୍କର ବାର୍ଷିକ ଆୟ ହେଉଛି ୧ କୋଟି । ମହମ୍ମଦ ସାମୀଙ୍କର ବାର୍ଷିକ ଆୟ ୫ କୋଟି ହୋଇଥିବା ବେଳେ ଭୁବନେଶ୍ବର କୁମାରଙ୍କର ହେଉଛି ୫ କୋଟି ଏବଂ ଯୁଜବେନ୍ଦ୍ର ଚହଲଙ୍କର ୩ କୋଟି ।
କେତେ ଥିଲା ଟିମ୍ ଇଣ୍ଡିଆର ଖେଳାଳିଙ୍କ ଦରମା :
୧୯୮୩ରେ ପ୍ରଥମ ଥର ବିଶ୍ବକପରେ କବଜା କରିଥିଲା ଟିମ୍ ଇଣ୍ଡିଆ । କପିଲ ଦେବଙ୍କ ଏହି ଟିମ୍ ଉପରେ କାହାର ଭରସା ନଥିଲା । କିନ୍ତୁ ସମସ୍ତଙ୍କୁ ଆଶ୍ଚର୍ୟ୍ୟ କରି ଟ୍ରଫି ନିଜ ନାଁରେ କରିଥିଲା ଏହି ଟିମ୍ । ସେ ସମୟରେ ଭାରତରେ ସେତେ ଲୋକପ୍ରିୟ ନଥିଲା କ୍ରିକେଟ୍ । କିନ୍ତୁ ଏହି ବିଜୟ ଦେଶରେ କ୍ରିକେଟକୁ ଦେଇଥିଲା ଏକ ନୂଆ ଦିଗ ।
ସେ ସମୟରେ ଖେଳାଳିଙ୍କୁ ପ୍ରତିଦିନ ୨୦୦ ଟଙ୍କା ଦେଉଥିଲା ବିସିସିଆଇ । ଏହା ସହ ଗୋଟିଏ ମ୍ୟାଚ୍ ଖେଳିବା ପାଇଁ ଫିସ୍ ବାବଦରେ ୧୫୦୦ ଟଙ୍କା ମିଳୁଥିଲା ।