ଆଇପିଏଲର ଉତ୍କଣ୍ଠାପୂର୍ଣ୍ଣ ମ୍ୟାଚ୍, ଗୁଜରାଟ ଟାଇଟନ୍ସକୁ ହରାଇଲା ପଞ୍ଜାବ କିଙ୍ଗସ
ପଞ୍ଜାବ କିଙ୍ଗସର ନାଟକୀୟ ବିଜୟ। ଗୁଜରାଟ ଟାଇଟନ୍ସ ହାତରୁ ଅଳ୍ପକେ ମ୍ୟାଚ୍ ଛଡ଼ାଇ ନେଲା ପଞ୍ଜାବ । ଏଥିରେ ମୁଖ୍ୟ ହିରୋ ଥିଲେ ଶଶାଙ୍କ ଓ ଆଶୁତୋଷ ଶର୍ମା । ଏହି ଦୁଇ ଖେଳାଳିଙ୍କ ଦମଦାର ବ୍ୟାଟିଂ ବଳରେ ଗୋଟିଏ ବଲ୍ ବାକି ଥାଇ ପଞ୍ଜାବ ୩ ୱିକେଟରେ ବିଜୟୀ ହୋଇଛି ।
ପଞ୍ଜାବ କିଙ୍ଗସର ନାଟକୀୟ ବିଜୟ। ଗୁଜରାଟ ଟାଇଟନ୍ସ ହାତରୁ ଅଳ୍ପକେ ମ୍ୟାଚ୍ ଛଡ଼ାଇ ନେଲା ପଞ୍ଜାବ । ଏଥିରେ ମୁଖ୍ୟ ହିରୋ ଥିଲେ ଶଶାଙ୍କ ଓ ଆଶୁତୋଷ ଶର୍ମା । ଏହି ଦୁଇ ଖେଳାଳିଙ୍କ ଦମଦାର ବ୍ୟାଟିଂ ବଳରେ ଗୋଟିଏ ବଲ୍ ବାକି ଥାଇ ପଞ୍ଜାବ ୩ ୱିକେଟରେ ବିଜୟୀ ହୋଇଛି । ଗୁରୁବାର ଦିନ ଅହମ୍ମଦାବାଦରେ ଖେଳା ଯାଇଥିବା ଚଳିତ ଆଇପିଏଲ୍ ସିଜିନର ୧୭ତମ ଲିଗ ମ୍ୟାଚରେ ପଞ୍ଜାବ କିଙ୍ଗସ ପରାଜୟର ଆଶଙ୍କା ଭିତରେ ଥିବା ବେଳେ ଜୋରଦାର ସଂଘର୍ଷ କରି ଜିତି ଯାଇଥିଲା । ଅଧିନାୟକ ଶୁବମନ ଗିଲଙ୍କ ଅପରାଜିତ ୮୯ ରନ ବଳରେ ପ୍ରଥମେ ବ୍ଯାଟିଂ କରି ଗୁଜରାଟ କରିଥିଲା ୪ ୱିକେଟରେ ୧୯୯ ରନ୍ ।
ପଞ୍ଜାବ କିଙ୍ଗସ ୨୦୦ ରନର ବିଜୟ ଲକ୍ଷ୍ୟକୁ ପିଛା କରି ୧୬ ଓଭର ଖେଳ ଶେଷ ବେଳକୁ ୬ ୱିକେଟ ହରାଇ କରିଥିଲା ୧୫୩ ରନ୍ । ତେବେ ଶେଷ ୪ ଓଭରରେ ଶଶାଙ୍କ ଏବଂ ଆଶୁତୋଷ ଖେଳର ମୋଡ଼ ବଦଳାଇ ଦେଇଥିଲେ । ଶଶାଙ୍କ ଶେଷ ପର୍ଯ୍ୟନ୍ତ ଅପରାଜିତ ରହି ୨୯ ବଲରେ ୬୧ ରନ୍ କରିଥିଲେ । ସେ ୪ଟି ଛକା ଓ ୬ଟି ଚୋକା ମାରିଥିଲେ । ତାଙ୍କୁ ଭଲ ସାଥ୍ ଦେଇଥିବା ଆଶୁତୋଷ ୧୭ ବଲରେ ୩୧ ରନ୍ କରିଥିଲେ । ଆଜିର ମ୍ୟାଚରେ ହାଇଦ୍ରାବାଦରେ ମୁହାଁମୁହିଁ ହେବେ ସନରାଇଜର୍ସ ହାଇଦ୍ରାବାଦ ଓ ଚେନ୍ନାଇ ସୁପର କିଙ୍ଗସ ।