ହୋଲିରେ ଉମେଶ ଯାଦବଙ୍କ ଘରକୁ ଆସିଲେ ଲକ୍ଷ୍ମୀ, ସୋସିଆଲ ମିଡିଆରେ ସୂଚନା ଦେଲେ ଉମେଶ
ହୋଲିରେ ଖୁସି ଖବର ଦେଇଛନ୍ତି ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଉମେଶ ଯାଦବ । ଦ୍ୱିତୀୟ ଥର ବାପା ହୋଇଛନ୍ତି ଉମେଶ । ହୋଲି ଦିନ ଉମେଶଙ୍କ ଘରକୁ ଲକ୍ଷ୍ମୀ ଆସିଛନ୍ତି । ଉମେଶଙ୍କ ପତ୍ନୀ ତନୟା କନ୍ୟା ସନ୍ତାନଙ୍କୁ ଜନ୍ମ ଦେଇଛନ୍ତି।
ଟିମ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ମ୍ୟାଚ ଖେଳୁଛି । ଏହା ମଧ୍ୟରେ ଖୁସି ଖବର ଦେଇଛନ୍ତି ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଉମେଶ ଯାଦବ । ଦ୍ୱିତୀୟ ଥର ବାପା ହୋଇଛନ୍ତି ଉମେଶ । ହୋଲି ଦିନ ଉମେଶଙ୍କ ଘରକୁ ଲକ୍ଷ୍ମୀ ଆସିଛନ୍ତି । ଉମେଶଙ୍କ ପତ୍ନୀ ତନୟା କନ୍ୟା ସନ୍ତାନଙ୍କୁ ଜନ୍ମ ଦେଇଛନ୍ତି। ସୋସିଆଲ ମିଡିଆରେ ସୂଚନା ଦେଇଛନ୍ତି ଉମେଶ । ଗତମାସରେ ଉମେଶଙ୍କ ବାପାଙ୍କ ନିଧନ ଅନେକ ଦୁଃଖ ଆଣିଥିଲା ।
ଉମେଶ ପ୍ରଥମଥର ଯେତେବେଳେ ୨୦୨୧ରେ ବାପା ହୋଇଥିଲେ ସେତେବେଳେ ମଧ୍ୟ ସେ ଅଷ୍ଟ୍ରେଲିଆ ବିପକ୍ଷ ସିରିଜରେ ବ୍ୟସ୍ତ ଥିଲେ। ପୁଣି ଏବେ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ ବେଳେ ଉମେଶ ବାପା ହୋଇଛନ୍ତି। ଉମେଶଙ୍କ ବଡ଼ ଝିଅଙ୍କ ବୟସ ୨ ବର୍ଷ।
View this post on Instagram
ଗତମାସରେ ଉମେଶଙ୍କ ବାପା ତିଲକ ଯାଦବଙ୍କର ୭୪ ବର୍ଷ ବୟସରେ ନିଧନ ହୋଇଯାଇଥିଲା। ସେ ଗତ କିଛି ମାସ ଧରି ରୋଗାକ୍ରାନ୍ତ ଥିଲେ। ନାଗପୁରସ୍ଥିତ ଏକ ଘରୋଇ ହସ୍ପିଟାଲରେ ତାଙ୍କର ଚିକିତ୍ସା ଚାଲିଥିଲା। ସ୍ୱାସ୍ଥ୍ୟାବସ୍ଥାରେ ସୁଧାର ନ ଆସିବାରୁ ତିଲକଙ୍କୁ ଘରକୁ ଅଣାଯାଇଥିଲା, ହେଲେ ତାଙ୍କର ଦେହାନ୍ତ ହୋଇଥିଲା। ତିଲକ ଯାଦବ ନିଜର ଯୁବାବସ୍ଥାରେ ଜଣେ ନାମୀ ପହିଲମାନ ଥିଲେ। ସେ ଉତ୍ତର ପ୍ରଦେଶର ପଡରୌନା ଜିଲ୍ଲାର ପୋକରଭିଣ୍ଡା ଗାଁରେ ରହୁଥିଲେ।
