ଟିମ୍ ଇଣ୍ଡିଆ ଫ୍ଯାନଙ୍କ ପାଇଁ ଖୁସି ଖବର, ଟିମକୁ ଫେରିଲେ ଉମେଶ ଯାଦବ
ଟିମ୍ ଇଣ୍ଡିଆ ଫ୍ଯାନଙ୍କ ପାଇଁ ଖୁସି ଖବର । ଇଂଲଣ୍ଡ ବିପକ୍ଷ ଶେଷ ୨ଟି ଟେଷ୍ଟ ପାଇଁ ଟିମ୍ ଇଣ୍ଡିଆକୁ ପ୍ରତ୍ୟାବର୍ତ୍ତନ କରିଛନ୍ତି ସ୍ପିଡ୍ ଷ୍ଟାର ଉମେଶ ଯାଦବ । ଏ ନେଇ ଟ୍ବିଟ୍ କରି ସୂଚନା ଦେଇଛି ବିସିସିଆଇ। ଉମେଶ ଯାଦବ ଟିରେ ଶାର୍ଦ୍ଦଲୁ ଠାକୁରଙ୍କ ସ୍ଥାନରେ ରିପ୍ଲେସ ହେବେ। ଆଉ ଶାର୍ଦ୍ଦଲୁ ଏବେ ବିଜୟ ହଜାରେ ଟୁର୍ଣ୍ଣାମେଣ୍ଟ ଖେଳିବେ।
ବିସିସିଆଇ ମୁତାବକ, ଭାରତ-ଇଂଲଣ୍ଡ ଶେଷ ୨ ଟେଷ୍ଟ ମ୍ୟାଚ୍ ପାଇଁ ଟିମ୍ ଇଣ୍ଡିଆ ସ୍କ୍ବାଡରେ ସାମିଲ ହୋଇଛନ୍ତି ଉମେଶ ଯାଦବ । ୨୧ ଫେବ୍ରୁଆରୀକୁ ହୋଇଥିବା ଫିଟନେସ ଟେଷ୍ଟ ପାସ୍ କରିଛନ୍ତି। ଶେଷ ଦୁଇ ମ୍ଯାଚ ପାଇଁ ଉମେଶଙ୍କୁ ସ୍ଥାନ ଦିଆଯାଇଛି। ମେଲବର୍ଣ୍ଣରେ ଅଷ୍ଟ୍ରେଲିଆ ବିପକ୍ଷ ଦ୍ବିତୀୟ ଟେଷ୍ଟ ମ୍ୟାଚ୍ ବେଳେ ଆହତ ହୋଇଥିଲେ ଉମେଶ ଯାଦବ । ମାଂସପେଶୀ ଜନିତ ସମସ୍ୟା ଯୋଗୁଁ ସେ ଭାରତ ପ୍ରତ୍ୟାବର୍ତ୍ତନ କରିଥିଲେ । ବର୍ତ୍ତମାନ ଇଂଲଣ୍ଡ ବିପକ୍ଷ ଶେଷ ଦୁଇ ଟେଷ୍ଟ ମ୍ୟାଚ୍ ପାଇଁ ଭାରତୀୟ ଦଳରେ ସାମିଲ ହୋଇଛନ୍ତି ଉମେଶ ଯାଦବ ।
NEWS: @y_umesh added to #TeamIndia squad for the last two @Paytm #INDvENG Tests.
Details 👉 https://t.co/PO6nBt8JWu pic.twitter.com/Ek796rZ0Is
— BCCI (@BCCI) February 22, 2021
ସୂଚନାଯୋଗ୍ଯ, ଆସନ୍ତାକାଲରୁ ମୋଟରା ଷ୍ଟାଡିୟମରେ ଭାରତ-ଇଂଲଣ୍ଡ ମଧ୍ୟରେ ୩ୟ ଟେଷ୍ଟ ମ୍ଯାଚ ଖେଳାଯିବ।
