ଏହି ଚାଷୀଙ୍କ ଭିଡିଓ ସେୟାର କରି ସେହୱାଗ ଦେଲେ ଜବରଦସ୍ତ ମେସେଜ, ଦେଖନ୍ତୁ ଥରେ ଏହି ଭିଡିଓ
ଟିମ ଇଣ୍ଡିୟାର ପୂର୍ବ କ୍ୟାପଟେନ ବୀରେନ୍ଦ୍ର ସେହୱାଗ ବର୍ତ୍ତମାନ ସମୟରେ ସୋସିଆଲ ମିଡ଼ିଆ ମାନଙ୍କରେ ଖୁବ ଆକ୍ଟିଭ ରହୁଥିବାର ଦେଖାଯାଉଛି । ଖୁବ ମଜାଦାର ଜୋକ୍ସ, ଭିଡିଓ ସେୟାର କରି ଦର୍ଶକ ମାନଙ୍କ ଭରପୁର ମନୋରଞ୍ଜନ କରୁଛନ୍ତି ସେହୱାଗ । ଏଥର କିନ୍ତୁ ବିରୁ ଜଣେ କ୍ଷେତରେ ଚାଷ କରୁଥିବା ଜଣେ କୃଷକଙ୍କ ଭିଡିଓ ସେୟାର କରିଛନ୍ତି । ଭିଡିଓଟି ଖୁବ ଭାଇରାଲ ହେବାରେ ଲାଗିଛି । ଭିଡିଓଟିରେ ଚାଷୀ ଜଣଙ୍କ କ୍ଷେତରେ ଚାଷ କରୁଥିବା ସମୟରେ ଖୁବ ମଜାର ସହ ଡ୍ୟାନ୍ସ କରୁଥିବାର ନଜର ଆସିଛନ୍ତି । ନିଜ ଜମିରେ ପାଣି ଦେଉଥିବା ସମୟରେ ବ୍ୟାକଗ୍ରାଉଣ୍ଡରେ ଏକ ଗୀତ ଲଗାଇଛନ୍ତି | ଆଉ ଏହି ଗୀତର ତାଳେ ତାଳେ ଝୁମି ଉଠୁଛନ୍ତି ଚାଷୀ ଜଣଙ୍କ । ଯେବେକି ପାଖଆଖରେ ଛିଡା ହୋଇଥିବା ଲୋକେ ଏହି ଦୃଶ୍ୟର ଖୁବ ମଜା ନେଉଛନ୍ତି ।
What a simple yet wonderful lesson from this farmer. Whatever you do, whether your office work or any household work, do it joyfully, like how he is playfully and joyfully watering crops. pic.twitter.com/SnS5N2TJLv
— Virender Sehwag (@virendersehwag) September 15, 2020
ଚାଷୀଙ୍କୁ ଏତେ ଖୁସି ଥିବାର ଦେଖି ନିଜେ ସେହୱାଗ ବି ପ୍ରଫୁଲ୍ଲିତ ହୋଇ ଯାଇଛନ୍ତି । କିନ୍ତୁ ଏହାକୁ ସେୟାର କରିବା ପଛରେ ସେହୱାଗଙ୍କର ଏକ ବିଶେଷ ଉଦ୍ଦେଶ୍ୟ ରହିଛି । ଏହା ମାଧ୍ୟମରେ ଜନସାଧାରଣଙ୍କୁ ଏକ ଶିକ୍ଷଣୀୟ ବାର୍ତ୍ତା ଟିଏ ଦେବାକୁ ଚେଷ୍ଟା କରିଛନ୍ତି । ନିଜ କ୍ୟାପ୍ସନରେ ସେ ଲେଖିଛନ୍ତିକି, ଗାଁ ର ଏହି ସରଳ ଚାଷୀ ଜଣଙ୍କ ନିଜର ଏହି କାମ ଜରିଆରେ ଏକ ବଡ ଶିକ୍ଷା ଦେଇଛନ୍ତି । ଯିଏ ଯେତେବେଳେ ଯେଉଁ କାମ କରୁଛନ୍ତି ତାହାକୁ ମନଖୁସିରେ କରିବା ଉଚିତ । ସେହୱାଗ ଆହୁରି ମଧ୍ୟ ଲେଖିଛନ୍ତିକି, “ଟିକେ ଧ୍ୟାନର ସହ ଦେଖନ୍ତୁ ତ ଚାଷୀ ଜଣଙ୍କ ଚାଷ ଜମିରେ କେତେ ମନ ଖୁସିରେ ନିଜ କାମ କରୁଛନ୍ତି” । ସେହୱାଗ ଏହି ଭିଡିଓ ଟିକୁ ମଙ୍ଗଳବାର ସକାଳେ ନିଜ ଟ୍ୱିଟର ଆକାଉଣ୍ଟରେ ସେୟାର କରିଥିବା ବେଳେ ମାତ୍ର ୨୪ ଘଣ୍ଟା ଭିତରେ ଏହାକୁ ୪୪ ହଜାରରୁ ଅଧିକ ଜଣ ଦେଖିସାରିଲେଣି । ୫ ହଜାରରୁ ଅଧିକ ଲାଇକ ମିଳିବା ସହ ୪୦୦ ରୁ ଅଧିକ ଥର ରିଟ୍ୱିଟ ମଧ୍ୟ କରା ଯାଇସାରିଲାଣି ।
