କୋରେଇ ଟ୍ରେନ୍ ଦୁର୍ଘଟଣାରେ ଆଖି ବୁଜିଲେ ମା’ ଝିଅ, ଅଳ୍ପକେ ବର୍ତ୍ତିଗଲା ଅଢ଼େଇ ମାସର ଶିଶୁ
ଯାଜପୁର ରୋଡ୍(କେନ୍ୟୁଜ୍): ମାଲବାହୀ ଟ୍ରେନ୍ ଦୁର୍ଘଟଣାରେ ମୃତ୍ୟୁସଂଖ୍ୟା ୩କୁ ବୃଦ୍ଧି ପାଇଛି। ସମସ୍ତ ୩ ଜଣ ମୃତକ ମହିଳା। ତେବେ କେମିତି ହେଲା ଦୁର୍ଘଟଣା ? କେଉଁ ପରିସ୍ଥିତିରେ ଲାଇନଚ୍ୟୁତ ହେଲା ମାଲବାହୀ ଟ୍ରେନ୍ ? ଟ୍ରେନରେ ତ୍ରୁଟି ନା ଟ୍ରାକରେ ଥିଲା ତ୍ରୁଟି ? ପ୍ଲାଟଫର୍ମରେ କେତେ ଲୋକ ଥିଲେ ? ଦୁର୍ଘଟଣାର କାରଣ ଖୋଜା ଚାଲିଛି । ଏହାରି ଭିତରେ ଏକ ଦୁଃଖଦ ଖବର ମିଳିଛି । ଏହି ମର୍ମନ୍ତୁଦ ମାଲବାହୀ ଟ୍ରେନ୍ ଦୁର୍ଘଟଣା ଗୋଟିଏ ପରିବାରକୁ ପୁରା ଛାରଖାର କରିଦେଇଛି।
ମିଳିଥିବା ସୂଚନା ମୁତାବକ, ଏହି ଦୁର୍ଘଟଣାରେ ଜଣେ ମହିଳା ଓ ତାଙ୍କ ଝିଅଙ୍କ ମୃତ୍ୟୁ ହୋଇଛି । ତେବେ କାଖରେ ଥିବା ତାଙ୍କ ଅଢ଼େଇ ମାସର ନାତୁଣୀ ବଞ୍ଚି ଯାଇଥିବା ଜଣେ ବ୍ଯକ୍ତି ସୂଚନା ଦେଇଛନ୍ତି। ମୃତା ମହିଳାଦ୍ୱୟ ହେଉଛନ୍ତି ପାର୍ବତୀ ବିନ୍ଧାଣି ଓ ତାଙ୍କ ଝିଅ କଣ୍ଢେଇ ବିନ୍ଧାଣି।
