ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ନଈରୀ ଗ୍ରାମ ନିକଟ ଚିଲିକାର ଲବଣାକ୍ତ ନୀଳଜଳ ରାଶି ମଧ୍ୟରେ କାଙ୍କଣ କୂଦ ଯାହା କାଙ୍କଣ ଶିଖରୀ ରୂପେ ପରିଚିତ । ଏଠାରେ ଚତୁର୍ଦ୍ଧା ମୂର୍ତ୍ତିଙ୍କର ପ୍ରତ୍ୟେକ ବର୍ଷ ଏକ ନିଆରା ଢଙ୍ଗରେ ରଥଯାତ୍ରା ପାଳନ କରାଯାଇଥାଏ। ଏବର୍ଷ ମହାମାରୀ କରୋନାକୁ ଦୃଷ୍ଟିରେ ରଖି ସବୁଆଡେ ରଥଯାତ୍ରା କେବଳ ନୀତିକାନ୍ତିରେ କରାଯାଉଥିବା ବେଳେ ଏଠାରେ ଦେଖିବାକୁ ମିଳିଛି ଏକ ନିଆରା ଢଙ୍ଗରେ ରଥଯାତ୍ରା।
ସାମାଜିକ ଦୂରତା ପାଳନକରି ନନ୍ଦିଘୋଷ ରଥ ନାମରେ ଏକ ନୌକାକରି ଚତୁର୍ଦ୍ଧା ମୂର୍ତ୍ତିଙ୍କୁ କାଙ୍କଣ କୂଦର ଚତୁଃପାର୍ଶ୍ବର ନୀଳଜଳ ରାଶିରେ ୭ଥର ପରିକ୍ରମା କରିଯାଇଥିଲା । ଏହାପରେ ସମସ୍ତ ରୀତିନୀତି ଅନୁସାରେ ଚତୁର୍ଦ୍ଧା ମୂର୍ତ୍ତିଙ୍କୁ ମନ୍ଦିରରେ ପ୍ରବେଶ କରାଯାଇଥିଲା।