ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏବଂ ଅଭିନେତା ରଣବୀର ସିଂ ନିଜ ଲାଇଫରେ ଯେତେବି ବ୍ୟସ୍ତ ରହିଲେ ମଧ୍ୟ ନିଜ ପାଇଁ ସମୟ ବାହାର କରିଦେଇଥାନ୍ତି । ଦୁହିଁଙ୍କ ବିବାହ ପରେ ପ୍ରଥମଥର ପାଇଁ ସେମାନେ ଏକ ଫିଲ୍ମରେ ଏକାସହିତ ନଜରକୁ ଆସିବେ । ଫିଲ୍ମର ନାମ ହେଉଛି ‘୮୩’ । ଏହା ୧୯୮୩ ମସିହାର କ୍ରିକେଟ ୱାର୍ଲଡକପ ଉପରେ ଆଧାରିତ ଓ ଏହି ଚଳଚ୍ଚିତ୍ରର ସୁଟିଂ ଶେଷ ହୋଇଯାଇଛି । ନିକଟରେ ଏହାର ର୍ୟ୍ୟାପ ଅପ ପାର୍ଟିରେ ରଣବୀର ଏବଂ ଦୀପିକା ନିଜ ଷ୍ଟାଇଲରେ କ୍ରିକେଟ ମ୍ୟାଚ ଖେଳିଥିଲେ । ଯାହାର ଭିଡିଓ ବର୍ତ୍ତମାନ ଭାଇରଲ ହେବାରେ ଲାଗିଛି । ସବୁଠାରୁ ମଜାଦାର କଥା ହେଉଛି ଏହି ମ୍ୟାଚ ବିନା ବ୍ୟାଟ ଏବଂ ବଲରେ ଖେଳାଯାଇଥିଲା । ଯେଉଁଥିରେ ଦୀପିକାଙ୍କ ବୋଲିଂରେ ରଣବୀରଙ୍କ ସଟ ଦେଖିବାଭଳି ହୋଇଛି ।
View this post on Instagram
ଏହାସହ ପଢନ୍ତୁ ନିଜ ବାୟୋପିକର ଫାଷ୍ଟ ଲୁକ ସେୟାର କଲେ ସାୟନା ଓ ପରିଣିତିଙ୍କୁ ଜଣାଇଲେ ଶୁଭେଚ୍ଛା
ସୂଚନା ଅନୁଯାୟୀ ୧୯୮୩ ବିଶ୍ଵକପର ଐତିହାସିକ ଜିତକୁ ସମସ୍ତଙ୍କ ସାମ୍ନାକୁ ଆଣିବା ପାଇଁ କବିର ଖାନଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀର ସିଂ ଭାରତୀୟ କ୍ରିକେଟ ଟିମର ପୂର୍ବ ଅଧିନାୟକ କପିଲ ଦେବଙ୍କ ଚରିତ୍ରରେ ନଜର ଆସିବେ । ଫିଲ୍ମ ‘୮୩’ ରଣବୀର ସିଂ ଙ୍କ ଅଭିନୀତ ହିନ୍ଦୀ, ତାମିଲ ଏବଂ ତେଲୁଗୁରେ ପ୍ରସ୍ତୁତ ଏହା ପ୍ରଥମ ତ୍ରିଭାସୀ ଫିଲ୍ମ ହେବ । ଏହି ଫିଲ୍ମର ସୁଟିଂ ଭାରତଠୁ ନେଇ ଲଣ୍ଡନର ଲର୍ଡ଼ ଗ୍ରାଉଣ୍ଡ ପର୍ଯ୍ୟନ୍ତ କରାଯାଇଛି ।