ଆବଶ୍ୟକ ସାମଗ୍ରୀ
- ବେସନ – ୨ କପ୍
- ଅଳେଇଚ ପାଉଡର – ୧/୨ ଛୋଟ ଚାମଚ
- ପିସ୍ତା – ଲମ୍ବା ପତଳା ସ୍ଲାଇସରେ କଟା ହୋଇଥିବା
- ଆଲମଣ୍ଡ/ବାଦାମ୍ – ଲମ୍ବା ପତଳା ସ୍ଲାଇସରେ କଟା ହୋଇଥିବା
- ପେଶା ହୋଇଥିବା ଚିନି – ୧ କପ୍
- ଦେଶି ଘିଅ – ୧ କପ୍
ପ୍ରସ୍ତୁତି ପ୍ରଣାଳୀ
- ପିସ୍ତା ଏବଂ ବାଦାମକୁ ପତଳା ସ୍ଲାଇସରେ କାଟି ଦିଅନ୍ତୁ।
- ଏକ ନନଷ୍ଟିକ କଡାରେ ଘିଅ ଗରମ କରି ସେଥିରେ ବେସନ ପକାି ଧୀମା ଆଞ୍ଚରେ ଲଗାତର ଚଲାନ୍ତୁ। ଦଶ ରୁ ୧୫ ମିନିଟ୍ ପର୍ଯ୍ୟନ୍ତ ଏହାକୁ ଭାଜନ୍ତୁ।
- ବେସନର ରଙ୍ଗ ବଦଳିବା ସହିତ ଏଥିରୁ ବାସ୍ନା ବାହାରିଲେ ଭାଜିବା ବନ୍ଦ କରିଦିଅନ୍ତୁ।
- ଅଳେଇଚ ପାଉଡର, ବାଦାମ ଏବଂ ପିସ୍ତା ସ୍ଲାଇସ ପକାଇ ମିଶାଇ ଦିଅନ୍ତୁ। ଆଞ୍ଚରୁ ବାହାର କରି ତାକୁ ଥଣ୍ଡା ହେବାକୁ ଦିଅନ୍ତୁ। ଏହାପରେ ପେଶା ହୋଇଥିବା ଚିନି ପକାଇ ଭଲଭାବେ ମିଶାଇ ଦିଅନ୍ତୁ।
- ଏକ ଟ୍ରେରେ ଅଳ୍ପ ଘିଅ ଲଗାନ୍ତୁ। ତାଉପରେ ବେସନ ମିଶ୍ରଣକୁ ପକାଇ ସମାନ କରିଦିଅନ୍ତୁ। ଏହାକୁ ଥଣ୍ଡା ହେବାକୁ ଛାଡନ୍ତୁ। ଏହାପରେ ଏହାକୁ ଆପଣ ନିଜ ମନ ପସନ୍ଦର ବର୍ଫି ସେପ ଦେଇ କାଟି ଦିଅନ୍ତୁ।
- ଗଣେଶ ଚତୁର୍ଥୀରେ ବିନାୟକଙ୍କୁ ଭୋଗ ଲଗାନ୍ତୁ। ଏବଂ ବାକି ସବୁକୁ ଏକ ଏୟାର ଟାଇଟ କଣ୍ଟେନରରେ ରଖିଦିଅନ୍ତୁ।