ଦିଲ୍ଲୀ ଜନତାଙ୍କ ଦିଲ୍ ଜିତିବା ପାଇଁ APPର ପ୍ରୟାସ, ବିଦ୍ୟୁତ ଓ ପାଣି ଭଳି ଅନେକ ସାମଗ୍ରୀ ମାଗଣା କରିବ ନେଇ ପ୍ରସ୍ତୁତ କଲା ଗ୍ୟାରେଣ୍ଟି କାର୍ଡ
ଦିଲ୍ଲୀ: ଘୋଷଣା ହୋଇସାରିଛି ଦିଲ୍ଲୀର ନିର୍ବାଚନ ତାରିଖ। ହାତରେ ମାତ୍ର ଆଉ କେତେଟା ଦିନ ଫେବୃଆରୀ ୮ ତାରିଖରେ ଜନତା ଜନାର୍ଦ୍ଦନ ବାଛିବେ ନିଜ ପ୍ରିୟ ନେତାକୁ। ଆଉ ବସାଇବେ ଦିଲ୍ଲୀ ସିଂହାସନରେ। ଏଥିପାଇଁ ବିଭିନ୍ନ ଦଳ ବେଶ୍ କଶରତ ଚଳାଇଛନ୍ତି । ଭୋଟରଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ନୂଆ ନୂଆ ନିର୍ବାଚନୀ ଇସ୍ତୀହାର ପ୍ରସ୍ତୁତ କରିସାରିଛନ୍ତି ।ଏହି ରେସରେ କିନ୍ତୁ ପଛରେ ପଡିଯାଇନାହିଁ ଆପ୍ ଦଳ । ଦିଲ୍ଲୀ ବାସୀଙ୍କ ମୌଳିକ ଆବଶ୍ୟକତାକୁ ଦୃଷ୍ଟିରେ ରଖି ପ୍ରସ୍ତୁତ କରିଛ ଇସ୍ତୀହାର । ସେଥିପାଇଁ ଆଜି ଆପ ମୁଖ୍ୟ ଅରବିନ୍ଦ କେଜ୍ରିୱାଲ ଏକ ଗ୍ୟାରେଣ୍ଟି କାର୍ଡ ଉପସ୍ଥାପନ କରିଛନ୍ତି। ଏହି ଗ୍ୟାରେଣ୍ଟି କାର୍ଡରେ ମୁଖ୍ୟତଃ ୧୦ଟି ମୌଳିକ ପ୍ରସଙ୍ଗକୁ ସ୍ଥାନ ଦିଆଯାଇଛି। ସେଗୁଡିକ ହେଲା-
୧- ଦିଲ୍ଲୀବାସୀଙ୍କ ପାଇଁ ଲାଗୁ ହୋଇଥିବା ଯୋଜନା କେବେବି ବନ୍ଦ ହେବ ନାହିଁ।
୨- ଦିଲ୍ଲୀବାସୀଙ୍କୁ୨୪ଘଣ୍ଟିଆ ବିଜୁଳି ମିଳିବ ଓ ୨୦୦ ୟୂନିଟ ବିଦ୍ୟୁତ ମାଗଣାରେ ପ୍ରଦାନ କରାଯିବ।
୩- ପ୍ରତିଘରକୁ ୨୪ ଘଣ୍ଟା ପାଣିର ସୁବିଧା ମିଳିବ ଓ ପ୍ରତିମାସର ୨୦,୦୦୦ ଲିଟର ପାଣି ମାଗଣାରେ ଦିଆଯିବ।
୪ -ଦିଲ୍ଲୀର ପ୍ରତି ଶିଶୁଙ୍କୁ ବିଶ୍ବସ୍ତରୀୟ ଶିକ୍ଷାର ବ୍ୟବସ୍ଥା କରାଯିବ ଓ ଶିକ୍ଷା ବ୍ୟବସ୍ଥାକୁ ଅଧିକ ଉନ୍ନତମାନର କରିବା ପାଇଁ ଆପ ସରକାର ପକ୍ଷରୁ ଚେଷ୍ଟା କରାଯିବ।
୫- ସମସ୍ତ ପରିବାରକୁ ଆଧୁନିକ ହସ୍ପିଟାଲ ମାଧ୍ୟମରେ ଚିକିତ୍ସା ସୁବିଧା ପ୍ରଦାନ କରାଯିବ ଓ ଏହି ବ୍ୟବସ୍ଥାକୁ ଅଧିକ ଉନ୍ନତମାନର କରାଯିବା ନେଇ କାର୍ଯ୍ୟ କରାଯିବ।
୬- ଆଗାମୀ ୫ ବର୍ଷ ମଧ୍ୟରେ ୧୧୦୦୦ରୁ ଅଧିକ ବସ ଦିଲ୍ଲୀ ସଡକରେ ଗଡିବ।
୭- ୫୦୦ କିମିରୁ ଅଧିକ ଲମ୍ବା ମେଟ୍ରୋ ସୁବିଧା ଯୋଗାଇ ଦିଆଯିବ। ମହିଳାଙ୍କ ସହ ଛାତ୍ରୀଙ୍କୁ ମାଗଣା ବସ୍ ଯାତ୍ରାର ସୁବିଧା ଉପଲବ୍ଧ କରାଯିବ।
୮- ଚଳିତ ପାଳିର ୩ ଗୁଣା ପ୍ରଦୂଷଣ କମାଇବା ପାଇଁ ଲକ୍ଷ୍ୟ ରଖାଯାଇଛି। ଦୁଇକୋଟିରୁ ଅଧିକ ବ୍କ୍ଷରୋପଣ କରାଯିବାରୁ ଯୋଜନା ରଖାଯାଇଛି। ଦିଲ୍ଲୀକୁ ସବୁଜ ସୁନ୍ଦର କରିବା ପାଇଁ ସମସ୍ତ ଚେଷ୍ଟା କରାଯାଉଛି।
୯- ସିସିଟିଭି କ୍ୟାମେରା ଜେଟ୍ ଲାଇଟ ଓ ବସ ମାର୍ସାଲଙ୍କ ସହ ଗଳିକନ୍ଦିରେ ମଧ୍ୟ ମାର୍ସାଲ ମୁତୟନ କରାଯିବ। ସମସ୍ତ କଲୋନୀରେ ପାନୀୟ ଜଳ ଓ ସିସିଟିଭି ଲଗାଇବା ଉପରେ ଧ୍ୟାନ ଦିଆଯିବ।
୧୦- ଦିଲ୍ଲୀର ଝୁମ୍ପୁଡି ଘରେ ବାସ କରୁଥିବା ଲୋକେ ସମ୍ମାନ ସହକାରେ ଜୀବନ ବିତାଇବା ପାଇଁ ପକ୍କା ଘର ଯୋଗାଇ ଦିଆଯିବ।
