‘ମୋ ଶରୀରରେ ଟିକା ନୁହେଁ, ପେଗ୍ କାମ ଦେବ’: ରାଜଧାନୀର ଏକ ମଦ ଦୋକାନ ସାମ୍ନାରେ ଠିଆ ହୋଇ ଏମିତି କହିଲେ ମହିଳା; ଦେଖନ୍ତୁ ଭିଡିଓ
ଦିଲ୍ଲୀରେ ୬ ଦିନିଆ ଲକ୍ଡାଉନ୍ ଘୋଷଣା ହୋଇଛି। ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ଵାଲ ଆଜି ରାତି ୧୦ଟାରୁ ସୋମବାର ସକାଳ ୫ଟା ପର୍ଯ୍ୟନ୍ତ ଦିଲ୍ଲୀ ସହରରେ ଲକ୍ଡାଉନ୍ ଲଗାଇବାକୁ ନିଷ୍ପତ୍ତି ନେଇଛନ୍ତି। ଏ ଅବସରରେ ଦିଲ୍ଲୀ ସହରରେ ମଦ ଦୋକାନ ମଧ୍ୟ ବନ୍ଦ ରହିବ। କେଜରିଓ୍ଵାଲଙ୍କ ଏହି ନିଷ୍ପତ୍ତି ପରେ ସହରର ମଦ ଦୋକାନରେ ଲୋକମାନେ ପ୍ରବଳ ଭିଡ଼ ଜମାଇଛନ୍ତି।
ଏ ଅବସରରେ କିଛି ଲୋକ ମଦକୁ ଅତ୍ୟାବଶୀୟ ସାମଗ୍ରୀ ବୋଲି ମଧ୍ୟ କହିଛନ୍ତି। ଜଣେ ଯୁବକ କହିଛନ୍ତି, ସେ ନିଜ ପାଇଁ ନୁହେଁ ମାଲିକ ପାଇଁ ମଦ ନେବାକୁ ଆସିଛନ୍ତି। ସେହିପରି ଆଉ କିଛି ଲୋକ କହିଛନ୍ତି- କରୋନା କାଳରେ ସରକାରଙ୍କୁ ଆର୍ଥିକ ସଙ୍କଟରୁ ମୁକ୍ତ କରିବା ପାଇଁ ସେମାନେ ମଦ କିଣିବାକୁ ଆସିଛନ୍ତି।
#WATCH Delhi: A woman, who has come to purchase liquor, at a shop in Shivpuri Geeta Colony, says, “…Injection fayda nahi karega, ye alcohol fayda karegi…Mujhe dawaion se asar nahi hoga, peg se asar hoga…” pic.twitter.com/iat5N9vdFZ
— ANI (@ANI) April 19, 2021
ଦିଲ୍ଲୀର କେତେକ ଦୋକାନରେ ମହିଳାମାନେ ମଧ୍ୟ ମଦ କିଣିବାକୁ ଭିଡ଼ ଜମାଇଛନ୍ତି। ଶିବପୁରୀ ଗୀତା କଲୋନୀ ସ୍ଥିତ ଏକ ଦୋକାନ ବାହାରେ ଠିଆ ହୋଇଥିବା ଜଣେ ମହିଳା କହିଛନ୍ତି- ମୋ ଉପରେ କୋଭିଡ-୧୯ ଟିକାର କୌଣସି ପ୍ରଭାବ ପଡ଼ିବ ନାହିଁ। ଆଲକହଲ ଲାଭ ଦେବ। କରୋନା ମେଡିସିନ୍ ଶରୀରରେ କାମ ଦେବନି ବରଂ ପେଗ୍ କାମ ଦେବ। ମହିଳା କହିଛନ୍ତି, ଆସନ୍ତା ୬ ଦିନ ଲକ୍ଡାଉନ୍ ଯୋଗୁ ମଦ ମିଳିବନି। ଏଣୁ ସେ ଏବେଠୁ ମଦ କିଣିନେବାକୁ ଆସିଛନ୍ତି। ମଦ ପିଇଲେ ସବୁ ଠିକ୍ ରହିବ ବୋଲି ମହିଳା ଜଣକ କହିଛନ୍ତି।