ଦେଶରେ କରୋନା ମାମଲା କମ୍ ହୋଇଥିଲେ ମଧ୍ୟ ଭାଇରସ୍ର ବିପଦ ଏବେ ବି ଟଳି ନାହିଁ। ଏବେ ବି ବୈଜ୍ଞାନିକମାନେ କରୋନାର ବଦଳୁଥିବା ରୂପ ଉପରେ ନଜର ରଖିଛନ୍ତି। ତେବେ ନିକଟରେ ବୈଜ୍ଞାନିକମାନେ ଏକ ବଡ଼ ଖୁଲାସା କରିଛନ୍ତି। ବିଶେଷଜ୍ଞଙ୍କ ରିସର୍ଚ୍ଚ ମୁତାବକ, କରୋନା ଭାଇରସ୍ର ନୂଆ ମ୍ୟୁଟେଣ୍ଟ ଭ୍ୟାରିଏଣ୍ଟ ଏକ୍ସଇ (XE) ସଂକ୍ରମଣ ଧୀରେ ଧୀରେ ବୃଦ୍ଧି ପାଉଛି। ଏହି ନୂଆ ଭ୍ୟାରିଏଣ୍ଟ ଓମିକ୍ରନ୍ର ସବ୍ ଭ୍ୟାରିଏଣ୍ଟ ବିଏ.୨ ତୁଳନାରେ ପାଖାପାଖି ୧୦ ଗୁଣ ଅଧିକ ସଂକ୍ରାମକ ହୋଇପାରେ।
ସେହିପରି ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ଏ ନେଇ ଚିନ୍ତା ବ୍ୟକ୍ତ କରିଛି। XE ଓମିକ୍ରନ୍ର ଦୁଇଟି ସବ୍ ଲିନେଜ୍ ବିଏ.୧ (BA.1) ଓ ବିଏ.୨ (BA.2) ର ରିକମ୍ବିନେଣ୍ଟ ଷ୍ଟ୍ରେନ୍। ଡବ୍ଲ୍ୟୁଏଚ୍ଓର ରିପୋର୍ଟ ମୁତାବକ, ଯେବେ ଯାଏଁ ଏହାର ଟ୍ରାନ୍ସମିଶନ ରେଟ୍ ଓ ରୋଗର ଲକ୍ଷଣରେ ଆଖିଦୃଶିଆ ପରିବର୍ତ୍ତନ ନଜର ଆସିନାହିଁ, ସେତେବେଳ ପର୍ଯ୍ୟନ୍ତ ଓମିକ୍ରନ୍ ଭ୍ୟାରିଏଣ୍ଟ ସହ ହିଁ ଏହାକୁ ଯୋଡ଼ାଯିବ।
The #WHO stated that this new #COVID mutant strain XE as indicated by early studies showed that its growth rate advantage is 10 per cent in comparison to BA.2. #coronavirus #COVID19 #Covid_19https://t.co/9IhaCzRZUA
— India.com (@indiacom) April 2, 2022
ରିପୋର୍ଟ ମୁତାବକ, ବିଏ.୨ ତୁଳନାରେ ଏହାର କମ୍ୟୁନିଟି ଗ୍ରୋଥ୍ ରେଟ୍ ୧୦ ପ୍ରତିଶତ ଅଧିକ ହେବାର ସଙ୍କେତ ମିଳୁଛି। ଡବ୍ଲ୍ୟୁଏଚ୍ଓର କହିବାନୁସାରେ, ବିଏ.୨ ସବ୍ ଭ୍ୟାରିଏଣ୍ଟ ଏବେ ସାରା ବିଶ୍ୱ ପାଇଁ ଚିନ୍ତାର ବିଷୟ ପାଲଟିଛି। ଯାହାର ସିକ୍ୱେନ୍ସଡ୍ ସଂଖ୍ୟା ପାଖାପାଖି ୮୬ ପ୍ରତିଶତ ରହିଛି।
ପ୍ରକାଶ ଯେ BA.2 ଷ୍ଟ୍ରେନ୍ର ପ୍ରଥମ ସଂକ୍ରମଣ ଜାନୁଆରୀ ୧୯ରୁ ୟୁକେରେ ଆରମ୍ଭ ହୋଇଛି। ସେବେ ଠାରୁ ଇତି ମଧ୍ୟରେ ୬୦୦ରୁ ଊର୍ଦ୍ଧ୍ୱ BA.2 ମାମଲା ସାମ୍ନାକୁ ଆସିସାରିଲାଣି। ଏଣୁ ଆଗକୁ ସ୍ଥିତି ଆହୁରି ସାଂଘାତିକ ହେବ ବୋଲି ବୈଜ୍ଞାନିକମାନେ ଆକଳନ କରିଛନ୍ତି।
Also Read: ୟୁକ୍ରେନ୍କୁ ପୁଣି ସହାୟତାର ହାତ ବଢ଼ାଇଲା ଆମେରିକା, ୩୦୦ ମିଲିୟନ୍ ଡଲାର ଦେବାକୁ କଲା ଘୋଷଣା