ରାସ୍ତା ଅତିକ୍ରମ ବେଳେ ବାଘୁଣୀକୁ ଧକ୍କା ଦେଲା କାର୍, ଛଟପଟ ହୋଇ ଚାଲିଗଲା ଜୀବନ; Video ଦେଖିଲେ ଆଖିରେ ଆସିଯିବ ଲୁହ
ମହାରାଷ୍ଟ୍ରର ଗୋନ୍ଦିୟା-କୋହମାରା ରାଜପଥର ମୁର୍ଦୋଲୀ ଅଞ୍ଚଳରେ ଗୁରୁବାର ରାତିରେ ଏକ ଦୁଃଖଦ ଦୁର୍ଘଟଣା ଘଟିଛି। ଏଠାରେ ରାତି ପ୍ରାୟ ସାଢ଼େ ୧୦ଟାରେ ରାସ୍ତା ପାର୍ ହେଉଥିବା ବେଳେ କାର୍ ଧକ୍କାରେ ଏକ ବାଘୁଣୀର ମୃତ୍ୟୁ ହୋଇଛି। କାର୍ଟି ଦ୍ରୁତ ଗତିରେ ଆସି ବାଘୁଣୀକୁ ଧକ୍କା ଦେଇଥିଲା। ଫଳରେ ଏଥିରେ ଗୁରୁତର ଆହତ ହୋଇଥିବା ବାଘୁଣୀଟି ଶେଷରେ ଆଖି ବୁଜିଥିଲା।
ମହାରାଷ୍ଟ୍ରର ଗୋନ୍ଦିୟା-କୋହମାରା ରାଜପଥର ମୁର୍ଦୋଲୀ ଅଞ୍ଚଳରେ ଗୁରୁବାର ରାତିରେ ଏକ ଦୁଃଖଦ ଦୁର୍ଘଟଣା ଘଟିଛି। ଏଠାରେ ରାତି ପ୍ରାୟ ସାଢ଼େ ୧୦ଟାରେ ରାସ୍ତା ପାର୍ ହେଉଥିବା ବେଳେ କାର୍ ଧକ୍କାରେ ଏକ ବାଘୁଣୀର ମୃତ୍ୟୁ ହୋଇଛି। କାର୍ଟି ଦ୍ରୁତ ଗତିରେ ଆସି ବାଘୁଣୀକୁ ଧକ୍କା ଦେଇଥିଲା। ଫଳରେ ଏଥିରେ ଗୁରୁତର ଆହତ ହୋଇଥିବା ବାଘୁଣୀଟି ଶେଷରେ ଆଖି ବୁଜିଥିଲା।
ତେବେ ଘଟଣା ପରେ ରାସ୍ତାରେ ଘୁସୁରି ଘୁସୁରି ଯାଉଥିବା ବାଘୁଣୀର ଭିଡିଓ ମଧ୍ୟ ସାମ୍ନାକୁ ଆସିଛି। ବାଘୁଣୀଟି ୨ ବର୍ଷର ଥିଲା। ନାଗଝିରା ଅଭୟାରଣ୍ୟରେ ବାଘୁଣୀ ଟି-୧୪ ଏହାକୁ ଜନ୍ମ ଦେଇଥିଲା। କହି ରଖୁଛୁ, ଗୋନ୍ଦିୟା-କୋହମାରା ରାଜପଥର ମୁରଦୋଲୀ ଅଞ୍ଚଳ ଦେଇ ଜଙ୍ଗଲ ରାସ୍ତା ଯାଇଛି।
ଗୁରୁବାର ରାତିରେ ଏହି ବାଟ ଦେଇ ଏକ କାର୍ ଯାଉଥିଲା। ଗାଡ଼ିର ବେଗ ବହୁତ ଅଧିକ ଥିଲା। ଏହି ସମୟରେ କାର୍ ସାମ୍ନାକୁ ବାଘୁଣୀଟି ହଠାତ୍ ଚାଲିଆସିବାରୁ ଗାଡ଼ି ଧକ୍କାରେ କିଛି ଦୂରକୁ ଛିଟିକି ପଡ଼ିଥିଲା। ଆହତ ଅବସ୍ଥାରେ ବାଘୁଣୀଟି ରାସ୍ତା ଉପରେ ପଡ଼ିରହିଥିଲା।
ଘଟଣାସ୍ଥଳରୁ କିଛି ଭିଡିଓ ସାମ୍ନାକୁ ଆସିଛି। ଏଥିରେ ଦେଖିବାକୁ ମିଳୁଛି ଯେ ଆହତ ବାଘୁଣୀ ରାସ୍ତା ଉପରେ ପଡ଼ିଛି। ସେ ଉଠିବାକୁ ଚେଷ୍ଟା କରୁଛି, ହେଲେ ଛିଡ଼ା ହୋଇପାରୁନାହିଁ। ଲାଗୁଛି, ଯେପରି ତା’ ଗୋଡ଼ରେ ଗୁରୁତର ଆଘାତ ଲାଗିଛି, ଯାହାଫଳରେ ସେ ଠିକ୍ ଭାବେ ଛିଡ଼ା ହୋଇପାରୁ ନାହିଁ। ବାଘୁଣୀଟି କୌଣସି ପ୍ରକାରେ ଘୁସୁରି ଘୁସୁରି ରାସ୍ତାର ଆରପଟକୁ ଚାଲିଯାଉଛି।
ବାଘୁଣୀ ଆହତ ହେବା ଖବର ପାଇ ଶୁକ୍ରବାର ଉଦ୍ଧାର ଅଭିଯାନ ଆରମ୍ଭ ହୋଇଥିଲା। ସକାଳ ସାଢ଼େ ୭ଟାରେ ବାଘୁଣୀକୁ ଧରାଯାଇଥିଲା। ଆଘାତ ଲାଗିଥିବାରୁ ବାଘୁଣୀ ବେହୋସ୍ ଅବସ୍ଥାରେ ଥିଲା। ତାକୁ ଚିକିତ୍ସା ପାଇଁ ନାଗପୁର ନିଆଯାଇଥିଲା, ହେଲେ ରାସ୍ତାରେ ହିଁ ସେ ଆଖି ବୁଜି ଦେଇଥିଲା।
A male #Tiger injured critically in an accident at Murdoli forest on Kohmara – #Gondia road last night around 10.00 pm.
The tiger was rescued today morning at 7.30 am near accident spot in the #Goregaon range of Gondia Division.
The tiger’s death is reported during transport… pic.twitter.com/TXPbDaK9m3
— Free Press Journal (@fpjindia) August 11, 2023
