କରୋନା ଲକଡାଉନ ଭିତରେ ମୁମ୍ବାଇ ଇଣ୍ଡିଆନ୍ସ ଟିମର ଖେଳାଳି ସୂର୍ଯ୍ୟକୁମାର ଯାଦବଙ୍କ ପାଳିତ କୁକୁର ଅସୁସ୍ଥ ହୋଇପଡିଛି । ଏଥିପାଇଁ ସେ ଟୁଇଟରରେ ଏକ ପୋଷ୍ଟ କରି ସହାୟତା ମାଗିଛନ୍ତି । ସେ ଲେଖିଛନ୍ତି, ମୋ ପାଳିତ କୁକୁର ବେମାର ପଡିଯାଇଛି, ଆପଣଙ୍କ ସାହାଯ୍ୟ ନିହାତି ଆବଶ୍ୟକ । ଆମେ ଏହାର ଔଷଧ ପ୍ରାପ୍ତ କରିବାକୁ ଚେଷ୍ଟା କରୁଛୁ, କିନ୍ତୁ ମେଡିସିନ ଷ୍ଟୋରରେ ମିଳୁନାହିଁ । ଏମିତି କିଏ ଅଛି, ଯିଏ ଆମକୁ ସାହାଯ୍ୟ କରିପାରିବ । ଯାଦବ ନିଜ ଟୁଇଟରେ ମୁମ୍ବାଇ ପୋଲିସ, ମହାରାଷ୍ଟ୍ରର ପର୍ଯ୍ୟଟନ ଏବଂ ପରିବେଶ ମନ୍ତ୍ରୀ ଆଦିତ୍ୟ ଠାକରେଙ୍କୁ ଟ୍ୟାଗ କରିଛନ୍ତି ।
Friends. Need your help. My puppy isn’t well. And we are trying to find his medicine Which he has to take to stay normal. Gardenal is the name of the Medicine. Couldn’t find at a few medical stores. HELP HELP HELP @MumbaiPolice @AUThackeray anyone who could just figure it
— Surya Kumar Yadav (@surya_14kumar) March 31, 2020
ସୂର୍ଯ୍ୟକୁମାର ଯାଦବଙ୍କ ଏହି ଟୁଇଟ ପରେ ଆଦିତ୍ୟ ଠାକରେଙ୍କ ନିକଟତର ରାହୁଲ ଏନ କନାଲ ଟୁଇଟ କରି ଏହାର ଜବାବ ଦେଇଛନ୍ତି । ସେ ଯାଦବଙ୍କ ଔଷଧର ଫଟୋ ମାଗିଥିଲେ । ଏହି ବ୍ୟାଟ୍ସମ୍ୟାନ ଜଣକ କହିଥିଲେ, ତାଙ୍କୁ ଔଷଧର 3-4ଟି ବୋତଲ ଦରକାର । ଏହାପରେ ତାଙ୍କୁ ସାହାଯ୍ୟ କରାଯାଇଥିଲା ଏବଂ ରାହୁଲ ଏନ କନାଲ ତାଙ୍କ ଘରେ ଔଷଧର ବୋତଲ ପହଞ୍ଚାଇ ଦେଇଥିଲେ ।