ବିଶ୍ୱକପ୍ ପାଇଁ ଭାରତୀୟ ଟିମ୍ ଘୋଷଣା, ମେଣ୍ଟର ଦାୟିତ୍ବ ତୁଲାଇବେ ଧୋନୀ
ବିଶ୍ୱକପ୍ ପାଇଁ ଭାରତୀୟ ଟିମ୍ର ଘୋଷଣା ହୋଇଛି । ବିସିସିଆଇ ଟି-୨୦ ବିଶ୍ୱକପ୍ ପାଇଁ ୧୫ ଜଣିଆ ସଦସ୍ୟ ବିଶିଷ୍ଟ ଟିମ୍ର ଘୋଷଣା କରିଛନ୍ତି । ଏଥିରେ ଧୋନୀଙ୍କୁ ଦଳର ମେଣ୍ଟର ଭାବେ ଦାୟିତ୍ବ ଦିଆଯାଇଛି। ଗତ ବର୍ଷ ଅଗଷ୍ଟ ୧୫ ତାରିଖରେ ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇଥିଲେ ଧୋନି । ଭାରତୀୟ କ୍ରିକେଟ ଦଳରେ ପୂର୍ବତନ ଅଧିନାୟକ ଏମଏସ ଧୋନିଙ୍କ ଏହି କମ ବ୍ୟାକକୁ ନେଇ ଉତ୍ସାହିତ ତାଙ୍କ ପ୍ରଶଂସକ ।
ସେହିପରି ଅଶ୍ୱିନ୍ଙ୍କୁ ଟିମ୍ରେ ସାମିଲ କରାଯାଇଛି । ଏହା ବ୍ୟତୀତ ଇଶାନ କିଶନ ମଧ୍ୟ ବିକଳ୍ପ ୱିକେଟକିପର ଭାବେ ଟିମ୍ରେ ସାମିଲ ହୋଇଛନ୍ତି । ଟି-୨୦ ୱାର୍ଲ୍ଡ କପ୍ ପାଇଁ ଚୟନ ହୋଇଥିବା ଟିମ୍ରେ ଶାର୍ଦୁଲ ଠାକୁର ଓ ୱାଶିଂଟନ ସୁନ୍ଦରଙ୍କୁ ସାମିଲ କରାଯାଇ ନାହିଁ ।
ଟି-୨୦ ବିଶ୍ୱକପ୍ରେ ଏମ୍ଏସ୍ ଧୋନୀ ଭାରତୀୟ ଟିମ୍ ପାଇଁ ମେଣ୍ଟର ଭାବେ ଦାୟିତ୍ବ ତୁଲାଇବେ। ସେହିଭଳି ବିରାଟ କୋହଲି ଅଧିନାୟକ । ରୋହିତ ଶର୍ମା ଉପ-ଅଧିନାୟକ ଭାବେ କାମ କରିବେ । ଟିମ୍ରେ କେ. ଏମ୍ ରାହୁଲ୍, ସୂର୍ଯ୍ୟ କୁମାର ଯାଦବ ସାମିଲ ହୋଇଛନ୍ତି।
ଟିମ୍ରେ ଶାର୍ଦୁଲ ଠାକୁର, ଦୀପକ ଚାହର ଓ ଶ୍ରୟସ୍ ଅୟରଙ୍କୁ ଷ୍ଟାଣ୍ଡବାୟ ଖେଳାଳୀ ଭାବେ ଟିମ୍ରେ ସାମିଲ କରାଯାଇଛି । ଆଶ୍ଚର୍ଯ୍ୟକର କଥା ଯେ, ୟୁଜବେନ୍ଦ୍ର ଚହଲ ଟି-୨୦ ବିଶ୍ୱକପ୍ ପାଇଁ ଭାରତୀୟ ଟିମ୍ରେ ନାହାନ୍ତି । ଚଳିତ ଟୁର୍ଣ୍ଣାମେଣ୍ଟ ୧୭ ଅକ୍ଟୋବରରୁ ୧୪ ନଭେମ୍ୱର ଯାଏ ୟୁଏଇ ଓ ଓମାନରେ ଖେଳାଯିବ ।
The Reunion we all have been waiting for 🤝 @msdhoni returns to mentor #TeamIndia for the #T20WorldCup 🙌
How excited are you to see him back? 💙 pic.twitter.com/znPWBLeYNo
— BCCI (@BCCI) September 8, 2021
ଭାରତୀୟ ଟିମ୍ : ବିରାଟ କୋହଲି ( ଅଧିନାୟକ) , ରୋହିତ ଶର୍ମା( ଉପ ଅଧିନାୟକ) , କେଏଲ ରାହୁଲ, ସୂର୍ଯ୍ୟ କୁମାର ଯାଦବ , ଋଷଭ ପନ୍ଥ ( ୱିକେଟ କିପର) , ଇଶାନ କିଶନ ( ୱିକେଟ କିପର ), ହାର୍ଦ୍ଦିକ ପାଣ୍ଡ୍ୟା , ରବିନ୍ଦ୍ର ଜାଡେଜା , ରାହୁଲ ଚହର , ରବିଚନ୍ଦ୍ରନ ଅଶ୍ୱିନ୍, ଅକ୍ଷର ପଟେଲ, ବରୁଣ ଚକ୍ରବର୍ତ୍ତୀ , ଜସପ୍ରୀତ ବୁମରାହ, ଭୁବନେଶ୍ୱର କୁମାର , ମହମ୍ମଦ ଶାମି।