ସାଉଥ ପରେ ଏବେ ବଲିଉଡରେ ଡେବ୍ୟୁ ଦେଖାଇବେ ଐଶ୍ୱର୍ଯ୍ୟା ରଜନୀକାନ୍ତ, ଲଭ୍ ଷ୍ଟୋରୀ ଫିଲ୍ମ ଉପରେ କରିବେ କାମ
ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା ରଜନୀକାନ୍ତ ସାଉଥ ଇଣ୍ଡଷ୍ଟ୍ରିର ଜଣେ ଲୋକପ୍ରିୟ ନିର୍ଦ୍ଦେଶକ ଏବଂ ଗାୟିକା। ଏବେ ଐଶ୍ୱର୍ଯ୍ୟା ମଧ୍ୟ ତାଙ୍କ ଚମତ୍କାର ଦେଖାଇବାକୁ ହିନ୍ଦୀ ଇଣ୍ଡଷ୍ଟ୍ରିରେ ପାଦ ଥାପିବାକୁ ଯାଉଛନ୍ତି। ଐଶ୍ୱର୍ଯ୍ୟା ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିରେ ନିର୍ଦ୍ଦେଶକ ଭାବରେ ଡେବ୍ୟୁ କରିବାକୁ ଯାଉଛନ୍ତି। ସେ ନିର୍ମାତା ଆରୋଡାଙ୍କ ସହ ”ସାଥି ଚଲ୍ ନାମକ” ଏକ ଫିଲ୍ମ ସହିତ ଆସୁଛନ୍ତି। ରିପୋର୍ଟ ଅନୁଯାୟୀ ,ଐଶ୍ୱର୍ଯ୍ୟା ପ୍ରଥମ ହିନ୍ଦୀ ଫିଲ୍ମର ନିର୍ଦ୍ଦେଶନା ଦେବାକୁ ଯାଉଛନ୍ତି ଯାହା ପ୍ରକୃତ ପ୍ରେମ କାହାଣୀ ଉପରେ ଆଧାରିତ ଯାହାକି କିଛି ବର୍ଷ ପୂର୍ବେ ଗଣମାଧ୍ୟମରେ ଅନେକ ଖବର ପ୍ରକାଶ ପାଇଥିଲା। ମିନୁଙ୍କ ସହ କଥା ହେବା ପରେ ସେ ଏହି ଖବରକୁ ନିଶ୍ଚିତ କରିଛନ୍ତି।
ତେବେ ସ୍କ୍ରିପ୍ଟିଂ ପ୍ରକ୍ରିୟା ଚାଲିଥିବାରୁ ସେ ଏହାଠାରୁ ଅଧିକ କିଛି କହିପାରିବେ ନାହିଁ ଏବଂ ଏହା ପରେ କାଷ୍ଟିଂ ଫାଇନାଲ ହେବ ବୋଲି ମେନୁ କହିଛନ୍ତି । ଐଶ୍ୱର୍ଯ୍ୟା କିଛି ସମୟ ପୂର୍ବରୁ କୋଭିଡରୁ ସୁସ୍ଥ ହୋଇ ତାଙ୍କ ଗୀତ ମୁସାଫିରରେ କାମ କରିଥିଲେ। କିନ୍ତୁ ଏହା ପରେ ତାଙ୍କୁ କିଛି ଦିନ ପୂର୍ବରୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେ ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି।
ଐଶ୍ୱର୍ଯ୍ୟା ଏବଂ ଧନୁଷ କିଛି ଦିନପୂର୍ବରୁ ସେମାନଙ୍କର ଦୀର୍ଘ ସମ୍ପର୍କ ଭାଙ୍ଗିଛନ୍ତି। ସୋସିଆଲ ମିଡିଆ ମାଧ୍ୟମରେ ଉଭୟ ସେମାନଙ୍କ ଅଲଗା ହେବା ବିଷୟରେ ସୂଚନା ଦେଇଥିଲେ । ତଥାପି, ସେମାନଙ୍କ ମଧ୍ୟରୁ ଅଲଗା ହେବାର କାରଣ ଏପର୍ଯ୍ୟନ୍ତ ପ୍ରକାଶ କରି ନାହାଁନ୍ତି। ଗତ ବର୍ଷ ମୁକ୍ତିଲାଭ କରିଥିବା ଫିଲ୍ମ ଅତରଙ୍ଗୀରେ ଧନୁଷଙ୍କୁ ଶେଷ ଥର ପାଇଁ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ରରେ ଧନୁଷଙ୍କ ସହ ଅକ୍ଷୟ କୁମାର ଏବଂ ସାରା ଅଲି ଖାନ ମୁଖ୍ୟ ଭୂମିକାରେ ଥିଲେ। ବର୍ତ୍ତମାନ ଧନୁଷଙ୍କର ଅନେକ ତାମିଲ ଚଳଚ୍ଚିତ୍ର ରିଲିଜ୍ ପାଇଁ ପ୍ରସ୍ତୁତ ଅଛି।
