ଅସଲି ଓ ନକଲି ନୋଟ ମଧ୍ୟରେ ଏପରି ଜାଣନ୍ତୁ ପାର୍ଥକ୍ୟ
ଯଦି ଟଙ୍କା କାରବାରରେ ନକଲି ନୋଟ୍ ବାହାରଛି , ତେବେ ଆଦୌ ଭୟଭୀତ ହୁଅନ୍ତୁ ନାହିଁ । ସର୍ବପ୍ରଥମେ ପୋଲିସକୁ ରିପୋର୍ଟ ଦାଖଲ କରନ୍ତୁ। ଏହା କରିବା ପରେ ବ୍ୟାଙ୍କ ଏବଂ ପୋଲିସ ପକ୍ଷରୁ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏବେ ଜାଣନ୍ତୁ ନକଲି ନୋଟ୍ କିପରି ଚିହ୍ନଟ କରିବେ ।RBI ର ଏହି ନିର୍ଦେଶ ଆସିବ ବଡ଼ କାମରେ..
ଯଦି ଟଙ୍କା କାରବାରରେ ନକଲି ନୋଟ୍ ବାହାରଛି , ତେବେ ଆଦୌ ଭୟଭୀତ ହୁଅନ୍ତୁ ନାହିଁ । ସର୍ବପ୍ରଥମେ ପୋଲିସକୁ ରିପୋର୍ଟ ଦାଖଲ କରନ୍ତୁ। ଏହା କରିବା ପରେ ବ୍ୟାଙ୍କ ଏବଂ ପୋଲିସ ପକ୍ଷରୁ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏବେ ଜାଣନ୍ତୁ ନକଲି ନୋଟ୍ କିପରି ଚିହ୍ନଟ କରିବେ ।
ଅନେକ ସମୟରେ ଲୋକମାନେ ଚିନ୍ତିତ ହୁଅନ୍ତି ଯେ ନକଲି ନୋଟ୍ ସେମାନଙ୍କ ପକେଟ କୁ କିପରି ଆସିଲା। ନିକଟରେ ଆରବିଆଇ ଏହାର ବାର୍ଷିକ ରିପୋର୍ଟରେ ମଧ୍ୟ ପ୍ରକାଶ କରିଛି ଯେ ନକଲି ନୋଟ ର ଅନୁପ୍ରବେଶ କ୍ରମାଗତ ଭାବେ ଏବେ ବୃଦ୍ଧି ପାଉଛି। ଅନେକ ଥର ବଜାରରେ ମଧ୍ୟ ଦୋକାନୀ ନୋଟ୍ ନେବା ପୂର୍ବରୁ ଯାଞ୍ଚ କରନ୍ତି। ନକଲି ଏବଂ ଅସଲି ନୋଟ୍ ଚିହ୍ନଟ କରିବାରେ ଅନେକ ଲୋକ ଅସୁବିଧାର ସମ୍ମୁଖୀନ ହୁଅନ୍ତି, ତେଣୁ ଆଜି ଆମେ ଆପଣଙ୍କୁ ଜାଲ୍ ନୋଟକୁ କିପରି ଚିହ୍ନଟ କରାଯିବ ଏବଂ ଆରବିଆଇର ନିର୍ଦ୍ଦେଶାବଳୀ କ’ଣ ରହିଛି ତାହା ସମ୍ପର୍କରେ ଜାଣନ୍ତୁ ।
ଆରବିଆଇର ନିର୍ଦ୍ଦେଶ ଅନୁଯାୟୀ, ଯଦି ଆପଣ ଗୋଟିଏ କାରବାରରେ ଚାରୋଟି ନକଲି ନୋଟ୍ ପାଇବେ , ତେବେ ନୋଡାଲ ବ୍ୟାଙ୍କ ଅଧିକାରୀଙ୍କୁ ମାସ ଶେଷରେ ପୋଲିସକୁ ରିପୋର୍ଟ କରିବାକୁ ପଡିବ। ଏକାସାଙ୍ଗରେ ସେହି ନକଲି ନୋଟଗୁଡ଼ିକୁ ପୋଲିସ ନିକଟରେ ଦାଖଲ କରିବାକୁ ହେବ । ଯଦି ଗୋଟିଏ କାରବାରରେ ପାଞ୍ଚଟି ନକଲି ନୋଟ୍ ମିଳିଥାଏ, ତେବେ ନୋଡାଲ ଅଫିସରଙ୍କୁ ତୁରନ୍ତ ସ୍ଥାନୀୟ ପୋଲିସକୁ ଜଣାଇବାକୁ ପଡ଼ିବ । ଏହା ସହିତ ଏଫ୍ଆଇଆର୍ ପଞ୍ଜିକରଣ କରି ଏହାର ଅନୁସନ୍ଧାନ କରାଯିବ। ରିପୋର୍ଟର ଏକ ନକଲକୁ ବ୍ୟାଙ୍କର ମୁଖ୍ୟ ଶାଖାକୁ ପଠାଇବ।
500 ଟଙ୍କା ନକଲି ନୋଟକୁ କିପରି ଚିହ୍ନଟ କରିବେ?
-ନୋଟ୍ର ଆଗର ବାମ ପାର୍ଶ୍ୱର ତଳେ ଦିଆଯାଇଥିବା ଗ୍ରୀନ ଷ୍ଟ୍ରିପ୍ ଉପରେ 500 ଦୁଇଟି ରଙ୍ଗରେ ଲେଖାହୋଇଥିବ
– 500ର ଏକ ଲୁକ୍କାୟିତ ଚିତ୍ର ଗ୍ରୀନ ଷ୍ଟ୍ରିପ୍ ଉପରେ ମୁଦ୍ରିତ ହୋଇଛି, ଯାହା ନୋଟ୍ ଉପରକୁ ଟେଲ୍ଟ ହୋଇଥିବାର ଦେଖାଯାଏ
-ଦେବନାଗରୀ ସ୍କ୍ରିପ୍ଟରେ ନୋଟ୍ ଉପରେ 500 ଟଙ୍କା ଲେଖାଯାଇଥିବ
-ମହାତ୍ମା ଗାନ୍ଧୀଙ୍କ ଛବି ନୋଟ୍ ମଝିରେ ଲେଖା ହୋଇଥିବା
-ଆରବିଆଇର ଲୋଗୋ ଏବଂ ମହାତ୍ମା ଗାନ୍ଧୀଙ୍କ ଚିତ୍ରର ଡାହାଣ ପାର୍ଶ୍ୱରେ ଆରବିଆଇ ଗଭର୍ଣ୍ଣରଙ୍କ ଦସ୍ତଖତ ଥିବ
-ନୋଟର ଡାହାଣ ପାର୍ଶ୍ୱରେ ଦିଆଯାଇଥିବା ଧଳା ଜାଗାରେ ଗାନ୍ଧିଜୀଙ୍କ ଏକ ଚିତ୍ର ଏବଂ ଏକ ଇଲେକ୍ଟ୍ରୋଟାଇପ୍ (500) ୱାଟର ମାର୍କ ରହିଥିବ
-ନୋଟ୍ ର ଉପର ବାମ ଏବଂ ତଳ ଡାହାଣରେ ସଂଖ୍ୟା ସହିତ ଏକ ପ୍ୟାନେଲ୍ ଅଛି ଥିବ
– ନୋଟର ଡାହାଣ ପାର୍ଶ୍ୱରେ ଅଶୋକ ସ୍ତମ୍ଭ ଲେଖା ଥିବ
– ମହାତ୍ମା ଗାନ୍ଧୀଙ୍କ ଚିତ୍ର, ଅଶୋକ ସ୍ତମ୍ଭ ଏବଂ ଏହାର ଉପର ଭାଗରେ ଥିବା 500 ଲେଖା ହୋଇଥିବା ଯାହାକୁ ଚେକ କରିବାକୁ ପଡିବ ।
ଏହପରି ଭାବେ ଆପଣ ଅସଲି ଓ ନକଲି ନୋଟ ଭିତରେ ଫରକ ଜାଣିପାରିବେ ।
