ଜନ୍ମଦିନ ପୂର୍ବରୁ ରାମ ଚରଣଙ୍କୁ ‘ପୁଷ୍ପା’ ନିର୍ଦ୍ଦେଶକ ସୁକୁମାର ଦେଲେ ବଡ଼ ସରପ୍ରାଇଜ୍‌, ସାମ୍ନାକୁ ଆସିଲା ଫିଲ୍ମର ନାମ

RRR ଅଭିନେତା ରାମ ଚରଣ ତାଙ୍କର ଅପ୍‌କମିଂ ଫିଲ୍ମ ପାଇଁ ବହୁତ ଦିନ ହେବ ଚର୍ଚ୍ଚାରେ ଅଛନ୍ତି । ହୋଲି ମଉକାରେ ଏବଂ ରାମ ଚରଣଙ୍କ ଜନ୍ମଦିନ ପୂର୍ବରୁ ଅଲୁ ଅର୍ଜୁନ ଏବଂ ରଶ୍ମିକା ମନ୍ଦାନାଙ୍କ ଫିଲ୍ମ ‘ପୁଷ୍ପା’ ନିର୍ଦ୍ଦେଶକ ସୁକୁମାର ରାମ ଚରଣଙ୍କୁ ଏକ ବଡ଼ ସରପ୍ରାଇଜ୍‌ ଦେଇଛନ୍ତି । ଯାହା ହେଉଛି ତାଙ୍କ ଅପ୍‌କମିଂ ଫିଲ୍ମ ‘RC17’ । ତେବେ ଏହାର ସୁଟିଂ ଖୁବ୍‌ ଶୀଘ୍ର ଆରମ୍ଭ ହେବାକୁ ଯାଉଛି । ଆଜି ହୋଲିର ଶୁଭ ଅବସରରେ ରାମ ଚରଣ ତାଙ୍କ ଫ୍ୟାନ୍ସଙ୍କୁ ତାଙ୍କ ନୂଆ ଫିଲ୍ମ ବିଷୟରେ ଏକ ଅପଡେଟ୍ ଦେଇଛନ୍ତି । ଏପରି ଭାବେ ସୁକୁମାର ରାମ ଚରଣଙ୍କ ସହ ତାଙ୍କର ନୂଆ ଫିଲ୍ମ ଘୋଷଣା କରିଛନ୍ତି । ଏହି ଖବର ରାମ ଚରଣଙ୍କ ଫ୍ୟାନ୍ସ ଶୁଣିବା ପରେ, ଫିଲ୍ମ ଦେଖିବାକୁ ନେଇ ବହୁତ ଉତ୍ସାହର ସହ ଅପେକ୍ଷା କରିଛନ୍ତି ।

ଫିଲ୍ମ ‘ପୁଷ୍ପା’ ନିର୍ଦ୍ଦେଶକ ସୁକୁମାର ଏଥର ରାମ ଚରଣଙ୍କ ସହ ଧମାକା କରିବାକୁ ପ୍ରସ୍ତୁତ ହେଉଛନ୍ତି । ଏସ୍ ରାଜାମୌଲିଙ୍କ ଫିଲ୍ମ ‘ଆରଆରଆର’ର ବଡ ସଫଳତା ପରେ ବର୍ତ୍ତମାନ ରାମ ଚରଣ ସୁକୁମାରଙ୍କ ସହ ଏକ ନୂଆ ପ୍ରୋଜେକ୍ଟରେ କାମ ଆରମ୍ଭ କରିବାକୁ ଯାଉଛନ୍ତି । ରାମ ଚରଣ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ତାଙ୍କର ଅପ୍‌କମିଂ ଫିଲ୍ମ ‘RC17’ ର ପୋଷ୍ଟର ସେୟାର କରିଛନ୍ତି । ସୋସିଆଲ ମିଡିଆରେ ସେୟାର ହୋଇଥିବା ଫଟୋରେ ରାମ ଚରଣ ଏବଂ ସୁକୁମାର କଥାବାର୍ତ୍ତା ହେଉଥିବା ଦେଖିବାକୁ ମିଳିଛି ।

ସୋସିଆଲ ମିଡିଆରେ ଏହି ପୋଷ୍ଟ ସେୟାର କରିବାବେଳେ ରାମ ଚରଣ ଲେଖିଛନ୍ତି, ‘# RC17 ଟିମ୍‌ ପୁଣି ଏକାଠି କାମ କରିବାକୁ ଯାଉଛନ୍ତି’। ଅଭିନେତା ସୋସିଆଲ ମିଡିଆରେ ଦୁଇଟି ଫଟୋ ସେୟାର କରିଛନ୍ତି । ତେବେ ପ୍ରଥମ ଫଟୋରେ, ସେ ସୁକୁମାରଙ୍କ ସହ ନଜର ଆସିଛନ୍ତି, ଯେଉଁଥିରେ ଉଭୟ ହୋଲି ରଙ୍ଗରେ ଭିଜି ଯାଇଥିବାର ଦେଖିବାକୁ ମିଳିଛି । ସେହିପରି ଦ୍ୱିତୀୟ ଫଟୋରେ ଫିଲ୍ମର ଫାଷ୍ଟ ଲୁକ୍ ପୋଷ୍ଟର ସେୟାର କରାଯାଇଛି । ଏହାପୂର୍ବରୁ ରାମ ଚରଣ, ସୁକୁମାର ଏବଂ ଡିଏସପି ଫିଲ୍ମ ‘ରଙ୍ଗସ୍ତାଲମ୍’ରେ ଏକାଠି କାମ କରିଥିଲେ ।

ରାମ ଚରଣଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ, ସେ ଫିଲ୍ମ ‘RC17’ ପାଇଁ ପ୍ରସ୍ତୁତ ହେଉଛନ୍ତି । ଏହା ରାମ ଚରଣଙ୍କ ୧୭ ତମ ଚଳଚ୍ଚିତ୍ର ହେବ । ଏହା ବ୍ୟତୀତ ଖୁବ୍‌ ଶୀଘ୍ର ରାମ ଚରଣ ଓ ଜାନଭି କପୁର ଏବଂ ଶିବ ରାଜକୁମାରଙ୍କ ଫିଲ୍ମ ‘ଗେମ୍ ଚେଞ୍ଜର’ରେ ଦେଖିବାକୁ ମିଳିବେ ।

 

View this post on Instagram

 

A post shared by Ram Charan (@alwaysramcharan)

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।